Chapter Title : ട്രെയ്നിലെ സുന്ദരി 1 [നരേന്ദ്രൻ]

എന്നിട്ട് കാൾ കട്ട് ആക്കി വന്നു പറഞ്ഞു

സൂര്യ : "അവന്റെ വണ്ടിയിൽ എതോ ബൈക്ക് ഇടിച്ചു, അങ്ങനെ അവിടെ പെട്ട് നിൽക്കുവാ നമ്മളോട് ക്യാബ് പിടിക്കാൻ പറഞ്ഞു. സോറി ഡി "

രാധു : " ശേ എന്താടി സോറി ഒക്കെ അവന്റെ മിസ്റ്റേക്ക് അല്ലാലോ, കുഴപ്പം ഇല്ല നമുക്ക് ക്യാബ് പിടിക്കാം"

റോഷ്നി : " എടി ക്യാബ് പിടിക്കണേൽ പുറത്തു പോണ്ടേ ഈ പടിക്കെട്ട് ഒക്കെ എങ്ങനെ കേറും"
ഞാൻ ഇത് കേട്ട് അവിടെ നില്പുണ്ട്, എനിക്ക് ആണേൽ അവരോടു അങ്ങോട്ട് കേറി ഹെല്പ് വേണോ എന്ന് ചോദിയ്ക്കാൻ നല്ല മടി , അവർ എന്ത് വിചാരിക്കും അവസരം മുതലാക്കുവാനോ എന്നൊക്കെ വിചാരിക്കില്ലേ. അവസാനം ഞാൻ ചോദിക്കാൻ തന്നെ തീരുമാനിച്ചു.
ഞാൻ : " അതെ മോശം വിചാരിക്കില്ലേൽ ഞാൻ ഹെല്പ് ചെയ്യാം , എന്താ വേണോ "

അവർ പരസ്പരം നോക്കി, വേറെ ഹെല്പ് ചെയ്യാൻ അറിയുന്ന ആരും ഇല്ലല്ലോ, ഞാൻ അവർ എന്താ പറയാൻ പോണെന്ന് ആലോചിച്ച് അവരെ നോക്കി അവിടെ നിന്ന്. ഉത്തരം എന്തായാലും എനിക്ക് കുഴപ്പം ഒന്നുമില്ല, ചോദിക്കേണ്ടത് എന്റെ മര്യാദ ആണെന്ന് തോന്നി അത് കൊണ്ട് ചോദിച്ചു ബാക്കി ഒക്കെ അവരുടെ ഇഷ്ടം പോലെ. കുറച്ച് നേരം കഴിഞ്ഞു അവൾ താഴെ നോക്കി പതുക്കെ തല അനക്കി സമ്മതം അറിയിച്ചു.

ശെരിക്കും പറഞ്ഞാൽ ഞാൻ ഒന്ന് ഞെട്ടി, കാരണം സഹായം വേണോ എന്ന് ചോദിച്ചതല്ലാതെ വേണം എന്നവൾ പറയുമെന്ന് ഞാൻ വിചാരിച്ചില്ല. സത്യത്തിൽ അവളെ കണ്ടപ്പോൾ ക്യൂട്ട് ആണെന്ന് തോന്നിയതൊഴിച്ചാൽ എനിക്ക് അവളോട് അങ്ങനെ പ്രത്യേകിച്ച് വേറെ ഫീലിങ്ങ്സ് ഒന്നും തോന്നിയിരുന്നില്ല.

ഞാൻ അവളെ ഒന്ന് നോക്കി, അവൾ ഒരു ലൂസ് ത്രീ ഫോർത്തും പിന്നെ അതികം നീളമില്ലാത്ത ഒരു ഹാഫ് കൈ ബനിയനും ആണ് വേഷം. ഞാൻ അവളുടെ കൂട്ടുകാരികളോട് ഒരു ഷാൾ ഉണ്ടോയെന്ന് ചോദിച്ചു. അവളുമാർ ഇപ്പൊ ഇയാൾക് എന്തിനാ ഷാൾ എന്ന രീതിയിൽ എന്നെ ഒന്ന് നോക്കീട്ട് ബാഗിൽ നിന്ന് ഒരു ഷാൾ