ട്വിൻ ഫ്ലവർസ് 2 [Eros - God of Lust]

അണ്ണന്‍ താക്കോൽ കൊടുക്കാതെ എന്റെ നേര്‍ക്കാണ് നീട്ടിയത്.

“അന്ത അമ്മാ മഹാലക്ഷ്മിയോട ആസി ഉനക്ക് നെറയവേ ഇരുക്കമ്മാ.. അതനാല ഇന്ത വീട്ട ഉൻ കൈയ്യാലയേ തുറന്ത് ഉള്ള പോമാ തങ്കച്ചി.”

അണ്ണൻ അങ്ങനെയൊക്കെ പറഞ്ഞതും അസ്വസ്ഥതയോടെ ഞാൻ ചേട്ടനെ നോക്കി. കണ്ണുകൾ കൊണ്ട്‌ ചാവി വാങ്ങിക്കാൻ ചേട്ടൻ പറഞ്ഞതും ഞാനും താക്കോൽ വാങ്ങി.

ചാവി തന്നിട്ട് സുബ്രമണി അണ്ണൻ എന്നെ നോക്കി എന്റെ ആഗ്രഹം എല്ലാം നടക്കും എന്നെപോലെ കണ്ണുകൾ ചിമ്മി കാണിച്ചു. ശേഷം അണ്ണൻ ചെന്ന് സ്ക്കൂട്ടറിൽ കേറി ഓടിച്ചു പോയി.

എല്ലാം സ്വപ്നം പോലെയാണ് തോന്നിയത്‌. കേട്ടതൊന്നും വിശ്വസിക്കാൻ കഴിയാതെ ഞാൻ സ്തംഭിച്ചു നിന്നു. എന്റെ എല്ലാ ആഗ്രഹവും സാധിക്കും എന്നല്ലേ അയാള്‍ പറഞ്ഞത്!? ശെരിക്കും സാധിക്കുമോ? ചേട്ടനെ എനിക്ക് കിട്ടുമോ?! അയാളുടെ നാവ് പൊന്നായിരിക്കട്ടെ.

“ഇങ്ങനെ മിഴിച്ചു നില്‍ക്കാതെ ചെന്ന് വാതിൽ തുറക്ക് മഹാലക്ഷ്മി. വീടാകെ നിന്റെ ചൈതന്യം നിറയട്ടെ.” ചേട്ടൻ എന്നെ കളിയാക്കി. എന്നിട്ട് ചേട്ടന്റെ തോള്‍ കൊണ്ട്‌ ചേട്ടൻ മെല്ലെ എന്നെ തള്ളിവിട്ടു.

“പോ ചേട്ടാ കളിയാക്കാതെ...” ചിരിച്ചു കൊണ്ട്‌ ഞാൻ ചെന്ന് വാതിൽ തുറന്നു.

ചേട്ടന്റെ കൈയും പിടിച്ച് ഒരുമിച്ച് ഈ കോട്ടേജിൽ കേറാനായി ഞാൻ കൊതിച്ചു.

അയ്യേ... എന്തൊക്കെയാ ഞാൻ ചിന്തിച്ചു കൂട്ടുന്നത്..!! എനിക്ക് ചിരി വന്നു.

ഞാൻ വാതിൽ തുറന്ന് അകത്തു കേറി. ചേട്ടനും പിന്നാലെ കേറി വന്നു.

“ഇവിടെയുള്ള മുപ്പത് കോട്ടേജുകളിലും അറ്റാച്ഡ് ടോയ്‌ലെറ്റ് ബാത്റൂം ഉള്‍പ്പെടെയുള്ള ഈരണ്ടു ബെഡ് റൂമുകളുണ്ട്. പിന്നെയുള്ളത് ഒരു ഹാളും കിച്ചനുമാണ്. ഈ ഒരു കോട്ടേജ് ഒഴികെ ബാക്കി ഇരുപത്തി ഒന്‍പതും ടൂറിസ്റ്റുകൾ റെന്റിന് എടുത്തിരിക്കുകയ. ഇത് എന്റെ പേഴ്സണല്‍ കോട്ടേജാണ്.. ഇങ്ങോട്ടൊക്കെ വരുമ്പോ ഇതിലാണ് ഞാൻ തങ്ങാറുള്ളത്. അതുകൊണ്ട്‌ ഡിമാന്റ് ഉണ്ടെങ്കിലും ഈ ഒരു കോട്ടേജ് മാത്രം ഞാൻ റെന്റിന് കൊടുക്കാറില്ല.” ചേട്ടൻ എന്നോട് പറഞ്ഞു.

ഞാൻ എല്ലാ ഇടത്തും കണ്ണോടിച്ചു കൊണ്ട്‌ തലയാട്ടി.

“ശെരി നി ചെന്ന് ഫ്രെഷായിട്ട് അല്‍പ്പം റസ്റ്റ് എടുക്ക്. അതുകഴിഞ്ഞ്‌ നമുക്ക് പോകാം. ഞാനും ചെന്ന് ഫ്രെഷായിട്ട് വരാം.” ചേട്ടൻ പറഞ്ഞു.

പറഞ്ഞിട്ട് പോകാൻ തുടങ്ങിയ ചേട്ടൻ പെട്ടന്ന് നിന്നിട്ട് എന്റെ നേര്‍ക്ക് തിരിഞ്ഞു. “പിന്നെ വേറെ ഡ്രസ് മാറുന്നുണ്ടോ അതോ ഇതുതന്നെ മതിയോ? വണ്ടിയില്‍ ചെന്ന് വേറെ ഡ്രസ് ഞാൻ എടുത്തു കൊണ്ടു വരട്ടേ?”

“വേണ്ട ചേട്ടാ. ഇതു മതി... ഇനി അവിടെ ചെന്നിട്ട് മാറാം.”

“എന്നാ ഓക്കെ.” തലയാട്ടിയ ശേഷം ചേട്ടൻ ആദ്യത്തെ റൂമിൽ കേറി ചെന്നു. ഞാൻ രണ്ടാമത്തെ റൂമിൽ കേറി നോക്കി.

ഒരു ഡബിള്‍ ബെഡ്ഡും, കുഞ്ഞ് മേശയും, രണ്ട് ചെയറും, ഒരു കുഞ്ഞ് അലമാരയും കിടപ്പുണ്ടായിരുന്നു. ബെഡ്ഡിൻ മേല്‍ ഒരു പുതിയ ടവലും പുതിയ സോപ്പും കിടക്കുന്നത് കണ്ടു.

ഒരിക്കല്‍ കൂടി റൂമിനകത്ത് എല്ലാം കണ്ണോടിച്ചു കണ്ടു. മനസ്സിന്‌ ഒരു അസ്വസ്ഥത. പുതിയ സ്ഥലത്ത് ചെന്നാൽ രാത്രി സമയങ്ങളില്‍ ഒറ്റക്ക് നില്‍ക്കുന്നത് തന്നെ എനിക്ക് പേടിയാ. അത് ചേട്ടനും അറിയാം. എന്നിട്ടും എന്നോട് ഒറ്റക്ക്