ട്വിൻ ഫ്ലവർസ് 4 [Eros - God of Lust]

ആണ്‌ രണ്ടേകാൽ മണിക്കൂര്‍ നേരം ഞാൻ പ്രാക്ടീസ് ചെയ്യാറുള്ളത്. വെറും മൂന്ന്‌ സീക്വൻസ് മാത്രമല്ല, മൊത്തം 36 വ്യത്യസ്ത ടൈപ്പ് ശൈലിയും സീക്വൻസുമാണ് ഞാൻ സ്വന്തമായി രൂപീകരിച്ച് അതിൽ ട്രെയിൻ ചെയ്ത് അതിൽ പ്രാവീണ്യവും നേടിയയിരുന്നത്. ഒരോ സീക്വന്‍സിന് പേരും ഞാൻ കൊടുത്തിരുന്നു. ആദ്യത്തെ 26 സീക്വന്‍സിന് ഇംഗ്ലീഷ് അക്ഷരങ്ങൾ A മുതൽ Z വരെയും.... പിന്നെ 27 മത്തെ സീക്വന്‍സിന് A1 എന്നും ... പിന്നെയുള്ളത് A2, A3 അങ്ങനെ പോകും. ദിവസവും 45 മിനിറ്റ് വർക്ക് ഔട്ടും, പിന്നെ രണ്ടേകാൽ മണിക്കൂര്‍ പ്രാക്ടീസിനും കൂടി ആകെ മൂന്ന്‌ മണിക്കൂറാണ് ഞാൻ മാറ്റി വെച്ചിരുന്നത്. രാവിലെ നാലര മുതല്‍ ഏഴര വരെ. അതാണ് കുറെ ദിവസങ്ങളായി മുടങ്ങി കിടന്നത്.

വെറും കരാട്ടേയും കളരിയും മാത്രമല്ല, ഒരുപാട്‌ ആയുധങ്ങള്‍ ഉപയോഗിക്കാനും എനിക്കറിയാം. കൂടാതെ സാമുവേല്‍ അണ്ണനിൽ നിന്നും ചിലമ്പം പോലും ഞാൻ പഠിച്ചതാണ്. ചിലമ്പം മാത്രമല്ല പുള്ളി ഉപയോഗിക്കാറുള്ള ആയുധങ്ങൾ ഉപയോഗിച്ച് ഫൈറ്റ് ചെയ്യാനും അയാള്‍ എന്നെ പരിശീലിപ്പിച്ചു എന്നതാണ് സത്യം. അതുപോലെ അണ്ണനും എന്നില്‍ നിന്നും ചില അഭ്യാസങ്ങളൊക്കെ പഠിക്കുകയും ചെയ്തു.

“ഹേ ബ്രോ...” ഉത്സാഹത്തോടെ വിളിച്ചുകൊണ്ട് അഭിനവ് ടെറസിലുള്ള പ്രാക്ടീസ് റൂമിൽ കേറി വന്നു. അവന്‍ ഒറ്റക്കല്ല വന്നത്, കൂടെ അന്‍സാര്‍, ഫ്രാന്‍സിസ്, രാഹുലും ഉണ്ടായിരുന്നു. എല്ലാവരും എന്നെപോലെ തന്നെ ട്രാക്ക് സ്യൂട്ടിലായിരുന്നു.

ഞാൻ ചിരിച്ചു. “അപ്പോ തുടങ്ങാം, അല്ലേ..?”

“ഓഹ്ഹോഹോ... തുടങ്ങാം ബ്രോ..” ഫ്രാന്‍സിസ് ഉത്സാഹത്തോടെ വിളിച്ചു കൂവി.

“എനിക്ക് നിങ്ങളെ പോലെ കരാട്ടെ കളരി ഒന്നും അറിയില്ല... ജിമ്മിനും പോകാറില്ല...!” രാഹുല്‍ ചിരിച്ചുകൊണ്ട് പറഞ്ഞു. “പക്ഷേ ഡെയ്ലി വീട്ടില്‍ വച്ച് ഞാൻ രാവിലെയും വൈകിട്ടും വർക്ക് ഔട്ട് ചെയ്യാറുണ്ട്.”

“അതുതന്നെ ധാരാളമാണ് രാഹുലേ...” അന്‍സാര്‍ പറഞ്ഞു. “ബ്ലാക്ക് ബെല്‍റ്റായ ഞാനും ഫ്രാന്‍സി പോലും റൂബി ബ്രോയുടെ മുന്നില്‍ വെറും കുട്ടികളാണ്.”

“അവർ പറഞ്ഞത് ശെരിയാ...” അഭിനവ് ഏറ്റുപിടിച്ചു. “ഇന്ന്‌ മുതൽ റൂബി ബ്രോ നമ്മുടെ മാസ്റ്ററാണ്.... നമ്മൾ ശിഷ്യന്മാരും.” അഭിനവ് സീരിയസ്സായി പറഞ്ഞും ചിരിച്ചുകൊണ്ട് ഞാൻ തലയാട്ടി.

അങ്ങനെ 45 മിനുട്ട് ദൈര്‍ഘ്യമേറിയ വർക്ക് ഔട്ട് ഞാൻ തുടങ്ങി. അത് കഴിഞ്ഞപ്പോ അവർ നാലുപേരും നല്ലതുപോലെ തളര്‍ന്നു പോയിരുന്നു.

“എന്റെ ബ്രോ.... ഈ ടൈപ്പ് വർക്ക് ഔട്ട് ഇതിനുമുമ്പ് ഞങ്ങൾ കണ്ടിട്ട് പോലുമില്ല. ഇതൊക്കെ ബ്രോ തന്നെ കണ്ടുപിടിച്ചതാണോ..?” പത്തു മിനുട്ട് കഴിഞ്ഞ് കിതപ്പ് അടങ്ങിയ ശേഷം അഭിനവ് ചോദിച്ചു.

“അതേ അഭി ബ്രോ. എന്റെ കണ്ടുപിടിത്തം തന്നെയാ. ഇത് തുടർച്ചയായി ചെയ്താല്‍ വെറും രണ്ടാഴ്ച കൊണ്ട്‌ നിങ്ങളുടെ സ്റ്റാമിന രണ്ടര ഇരട്ടിയായി വര്‍ദ്ധിക്കും.” ഞാൻ പറഞ്ഞതും അവർ നാലുപേരും ആശ്ചര്യത്തോടെ മുഖാമുഖം നോക്കി.

അങ്ങനെ പിന്നെയും ഒരു പത്ത് മിനിറ്റ് കൂടി അവര്‍ക്ക് റസ്റ്റ് ഞാൻ കൊടുത്തു.

“മൊത്തം 36 ട്രെയിനിങ് സീക്വന്‍സ് ഉണ്ട്. ഓരോന്നിനും 45 മിനിറ്റ് ദൈര്‍ഘ്യമുണ്ട്. ദിവസവും മൂന്ന്‌ വെവ്വേറെ സീക്വന്‍സിലാണ് ഞാൻ പ്രാക്ടീസ് ചെയ്യാറുള്ളത്.  ഈ 36 കൂടാതെ കുറെ പുതിയ സീക്വന്‍സ് കൂടി