Chapter Title : ട്വിൻ ഫ്ലവർസ് 5 [Eros - God of Lust]

“ഇന്നത്തെ ദിവസം നിങ്ങൾ എല്ലാവരും നല്ലതുപോലെ റെസ്റ്റെടുക്കു.” ചേട്ടൻ അവരോടായി പറഞ്ഞു. “പിന്നെ എല്ലാ കോട്ടേജിലും ലാന്‍ഡ് ഫോൺ ഉണ്ട്. ഫോൺ സ്റ്റാന്‍ഡിൽ തന്നെ ഫോൺ നമ്പറുകള്‍ പ്രിന്റ് ചെയ്തിട്ടുള്ള ഒരു കാർഡും ഉണ്ട്. അതിൽ അത്യാവശ്യം വേണ്ട എല്ലാ നമ്പറും ഉണ്ട്. അതിന്റെ കൂട്ടത്തില്‍ കുറെ നല്ല റെസ്റ്റോറന്റുകളുടെ നമ്പറും ഉണ്ട്. നിങ്ങള്‍ക്ക് അവിടെയൊക്കെ വിളിച്ച് മെനു എന്താണെന്ന് അറിഞ്ഞ ശേഷം മാത്രം ഇഷ്ടമുള്ള ഹോട്ടലിൽ നിന്നും നിങ്ങള്‍ക്ക് ഇഷ്ട്ടപ്പെട്ട ഫുഡൊക്കെ ഓര്‍ഡര്‍ ചെയ്താൽ മതിയാവും. എവിടെ വിളിച്ചാലും എന്റെ പേര് പറഞ്ഞിട്ട് ഫുഡ് ഡെലിവറി ചെയ്യാനായി നിങ്ങളുടെ കോട്ടേജ് നമ്പർ മാത്രം അവര്‍ക്ക് കൊടുത്താൽ മതി. കാശൊന്നും നിങ്ങൾ കൊടുക്കേണ്ട.” ചേട്ടൻ അവരോട് പറഞ്ഞു.

“അല്ല.., കാശ് ഞങ്ങൾ കൊടുക്കാം ബ്രോ..!” രാഹുല്‍ ചേട്ടൻ ധൃതിയില്‍ പറഞ്ഞു.

“വേണ്ട, ഇന്നത്തേക്ക് എല്ലാം എന്റെ ചിലവാണ്.” ചേട്ടൻ തറപ്പിച്ചു പറഞ്ഞു. “നാളെ മുതലുള്ള നിങ്ങളുടെ ഫുഡ് അറേഞ്ച്മെൻസ് ഒക്കെ നമുക്ക് പിന്നെ തീരുമാനിക്കാം.” ചേട്ടൻ പുഞ്ചിരിയോടെ പറഞ്ഞു.

“എന്നാ അങ്ങനെ തന്നെ ആവട്ടെ.” ഫ്രാന്‍സിസ് ചേട്ടൻ സമ്മതിച്ചു. എന്നിട്ട് മറ്റുള്ളവരെ നോക്കി ഫ്രാന്‍സിസ് ചേട്ടൻ പറഞ്ഞു, “ശെരി വരു, ലഗേജും കുട്ടികളെയും അകത്ത് കൊണ്ടുപോകാം. എന്നിട്ട് ആദ്യം റസ്റ്റ്, പിന്നെ ഫുഡ്... പിന്നെയും റസ്റ്റ്, പിന്നെയും ഫുഡ്.... എന്നിട്ട് വേറെ ചിലതൊക്കെ ചെയ്യാനുണ്ട്...!!” കള്ളച്ചിരിയോടെ ഫ്രാന്‍സിസ് ചേട്ടൻ പറഞ്ഞിട്ട് ഷാഹിദയെ ഒന്ന് പാളി നോക്കി.

മിനി ഒരു കള്ളച്ചിരിയോടെ അന്‍സാര്‍ ചേട്ടന് കണ്ണിറുക്കി കാണിച്ചു.

“നിങ്ങടെ കള്ളത്തരമൊക്കെ ഞങ്ങൾ അറിഞ്ഞില്ല എന്നൊന്നും കരുതേണ്ട, കേട്ടോ...!” അശ്വതി