ട്വിൻ ഫ്ലവർസ് 5 [Eros - God of Lust]

ഫ്രാന്‍സിസ് ചേട്ടൻ അഭിപ്രായപ്പെട്ടു.

“ഈ ഏരിയ കംപ്ലീറ്റും കോട്ടേജുകൾ ആണല്ലോ..?” മിനി ആശ്ചര്യപ്പെട്ടു. “എല്ലാം നമ്മുടെ റൂബി ചേട്ടന്റെ ആണെന്നതിൽ എനിക്ക് ശെരിക്കും അഭിമാനം തോനുന്നു.”

നമ്മുടെ റൂബി ചേട്ടനോ..!? മിനിയോട് എനിക്ക് ശെരിക്കും ദേഷ്യം തോന്നി.

അന്നേരം അരുളിന്റെ കാറിന്റെ മുന്‍വശത്തുള്ള രണ്ട് ഡോറും തുറന്ന ശബ്ദം കേട്ട് ഞാൻ അങ്ങോട്ട് നോക്കി. അകത്ത് നിന്നും അല്ലിയും അരുളും പുറത്തിറങ്ങി. അരുള്‍ പുഞ്ചിരിച്ചു കൊണ്ട്‌ ഞങ്ങൾക്ക് നേരെ നടന്നു വന്നു. പക്ഷേ അല്ലി ചിരിച്ചുകൊണ്ട് ചേട്ടന്റെ നേര്‍ക്ക് ഓടുകയാണ് ചെയ്തത്. അവളുടെ ശ്രദ്ധ മുഴുവനും ചേട്ടന്റെ മേല്‍ മാത്രമായിരുന്നു.

എനിക്ക് അസൂയ തോന്നിയെങ്കിലും, അല്ലിയും ചേട്ടനും തമ്മിലുള്ള ബന്ധം അറിയാവുന്നത് കൊണ്ട്‌ ആ അസൂയ അധികനേരം നിന്നില്ല.

“റൂബി അണ്ണാ...” ചിരിച്ചുകൊണ്ട് അല്ലി ചേട്ടന്റെ മേല്‍ ചാടി ചേട്ടന്റെ കഴുത്തിൽ കെട്ടിപിടിച്ച് നിലം തൊടാതെ നിന്നതും ചേട്ടനും ചിരിച്ചുകൊണ്ട് അവളെ ചേട്ടനോട് ചേര്‍ത്തു പിടിച്ചു.

അപ്പോഴേക്കും എന്റെ കൂട്ടുകാരികളും അവരുടെ ഭർത്താക്കന്മാരും ഞങ്ങളുടെ അടുത്ത് വന്ന് ചേട്ടനും അല്ലിയുടെ സ്നേഹ പ്രകടനം എല്ലാം പുഞ്ചിരിയോടെ നോക്കി നിന്നു. തണുപ്പ് കാരണം അവരും എന്നെപോലെ വിറച്ചു കൊണ്ടാണ് നിന്നത്.

അല്ലി ചേട്ടനോട് പിണങ്ങിയ ശബ്ദത്തില്‍ എന്തൊക്കെയോ പരാതികള്‍ പറയുന്നത് കേട്ട് ഞാൻ ചിരിച്ചു. പെണ്ണിന്റെ പിണക്കം ഇതുവരെ മാറിയില്ലേ..!!

“എടി ഡാലി... ആരാടി ഈ സുന്ദരിക്കുട്ടി....?” മിനി അസൂയയോടെ ചോദിച്ചു. “എത്ര ഇന്റിമേറ്റായിട്ടാ അവള്‍ ചേട്ടനോട് ഇടപെടുന്നത്...!!”

“ഇതാണ് അല്ലി.” അത്ര മാത്രം പറഞ്ഞിട്ട് ഞാൻ ചോദ്യ ഭാവത്തില്‍ ചേട്ടനെ സീരിയസ്സായി നോക്കി, ഇവിടത്തെ കാര്യങ്ങൾ ഒക്കെ ഇവരോട് പറയണോ വേണ്ടയോ എന്ന് ചോദിക്കും പോലെ.

അവരും എല്ലാം അറിയണം എന്ന പോലെ ചേട്ടനും എനിക്ക് കണ്ണ് ചിമ്മി കാണിച്ചു.

ഇതൊക്കെ എന്റെ കൂട്ടുകാരികളും അവരുടെ ഭർത്താക്ടന്മാരും കാണുന്നുണ്ടായിരുന്നു.

“എന്തൊക്കെയോ പ്രശ്നങ്ങൾ മണക്കുന്നുണ്ടല്ലോ...?!” അന്‍സാര്‍ ചേട്ടൻ ചോദ്യ ഭാവത്തില്‍ എന്നെയും ചേട്ടനെയും മാറിമാറി നോക്കി. പക്ഷെ ചേട്ടന്റെ ശ്രദ്ധ മൊത്തം ഇപ്പോഴും പരിഭവം പറയുന്ന അല്ലിയിൽ ആയിരുന്നു.

അതോടെ അവരെല്ലാം ഉത്തരത്തിനായി എന്നെ നോക്കി.

“നിങ്ങൾ എല്ലാവരും ഇവിടേക്ക് ഷിഫ്റ്റ്‌ ചെയ്യാൻ തീരുമാനിച്ചത്‌ കൊണ്ട്‌ നിങ്ങളൊക്കെ അല്ലിയെ കുറിച്ചും, ഇവിടെയുള്ള ഒരുപാട്‌ കാര്യങ്ങളെ കുറിച്ചും, ചേട്ടനെ കുറിച്ചും, മറ്റ് ചിലരെ കുറിച്ചൊക്കെ വ്യക്തമായി അറിഞ്ഞിരിക്കുന്നതാണ് നല്ലത്.” അത്രയും മാത്രം ഞാൻ അവരോട് പറഞ്ഞു.

“എന്തു കാര്യങ്ങൾ...?” അശ്വതി പെട്ടന്ന് അസ്വസ്ഥയായി ചോദിച്ചു.

“ചേട്ടന്റെ എന്തു കാര്യങ്ങള്‍...?” മിനി ചോദിച്ചു. എനിക്ക് ശെരിക്കും ദേഷ്യമാണ് വന്നത്. അവള്‍ക്ക് ചേട്ടന്റെ കാര്യം മാത്രമാണോ തലയില്‍ കേറിയത്.. ഞാൻ പറഞ്ഞ വേറെ ഒന്നും അവൾ കേട്ടില്ലേ..?!

“വല്യ പ്രശ്നങ്ങൾ എന്തൊക്കെയോ ഉണ്ടല്ലോ, ഡാലിയ..” രാഹുല്‍ ചേട്ടൻ സംശയത്തോടെ പറഞ്ഞു. “ശെരിക്കും എന്താണ് ഇവിടത്തെ പ്രശ്‌നങ്ങള്‍...? ഞങ്ങളുടെ സഹായം വേണമെങ്കിൽ ഞങ്ങൾ കൂടെ ഉണ്ടാവും, കേട്ടോ..!!” രാഹുല്‍ ചേട്ടൻ ഉറപ്പിച്ച് പറഞ്ഞു.

“പിന്നീട് ഞാൻ നിങ്ങളോട് എല്ലാം വിശദമായി തന്നെ പറയാം.” ഞാൻ ശബ്ദം താഴ്ത്തി നല്ല ഗൗരവത്തിൽ അവർ എട്ടുപേരേയും നോക്കി