Chapter Title : യുകെ ഡയറിസ് 1 [AJ Blake]

ഞാൻ കൊണ്ട് ഡ്രോപ്പ് ചെയ്തേക്കാം.

ഞാൻ: അയ്യോ അതൊന്നും വേണ്ട ചേട്ടാ ഇപ്പത്തന്നെ പെട്ടി ഒരുപാടുണ്ട്. എനിക്ക് അവിടെ സ്റ്റേഷനിൽ നിന്നും പോകാനേ ഉള്ളൂ എന്ന പറയുന്നേ.

ചേട്ടൻ: അതൊക്കെ നമുക്ക് സെറ്റ് ആക്കാം നിങ്ങൾ ഇന്ന് വാ.

ഞാൻ ഫോൺ കൊടുത്തു ചേച്ചി ചേട്ടനോട് സംസാരിച്ച ശേഷം ഫോൺ വച്ചിട്ട് നമ്മൾ ഇനി എന്താ ചെയ്യേണ്ടതെന്ന് എന്നോട് ചോദിച്ചു.

ഞാൻ അപ്പോൾ തന്നെ ട്രെയിൻ കയറാനുള്ള വഴി എങ്ങനെ എന്ന് അവിടെനിന്ന് സെക്യൂരിറ്റിയോട് ചോദിച്ചു. പുള്ളി പറഞ്ഞു തന്ന നിർദ്ദേശങ്ങൾ പ്രകാരം ഞങ്ങൾ നേരെ റെയിൽവേ സ്റ്റേഷനിൽ എത്തി. ലണ്ടൻ എയർപോർട്ടിൽ നിന്ന് തന്നെ മെട്രോ റെയിൽവേ സ്റ്റേഷനിലേക്ക് ഉണ്ടായിരുന്നു.

ഞാൻ ചേച്ചിയുടെ ട്രോളിക്ക് മുകളിൽ ചെക്കനെ ഇരുത്തി . അങ്ങനെ ഞങ്ങൾ നേരെ മെട്രോ എത്തി അപ്പോൾ തന്നെ മെട്രോയും വന്നു. അവിടെനിന്നും നേരെ സ്റ്റേഷനിൽ എത്തിയശേഷം ആകെ മൊത്തം കിളി പറന്ന അവസ്ഥയായിരുന്നു. ഞങ്ങൾക്ക് രണ്ടുപേർക്കും.

അതിരാവിലെ അഞ്ചു മണി സമയം ഇങ്ങനെയും തണുപ്പ് ഉണ്ടാകുമെന്ന് ഞാൻ സ്വപ്നത്തിൽ പോലും കരുതിയില്ല. ഞാനും ചേച്ചിയും ജാക്കറ്റുകൾ എടുത്ത് ഉടൻതന്നെ ഇട്ടു. ചേച്ചി ചെക്കന് ഡബിൾ ലെയർ ജാക്കറ്റ് തന്നെ ഇടീപ്പിച്ചു.

ചേച്ചി: എന്ത് തണുപ്പാടാ ഇത്.

ഞാൻ: ഒരു രക്ഷയും ഇല്ല ചേച്ചി. അഞ്ചുമണിക്കൂടെയല്ലേ സമയം കുറച്ചു കഴിയുമ്പോൾ കുറയുമായിരിക്കും.

അങ്ങനെ ഞങ്ങൾ പതിയെ മുന്നോട്ടു നടന്നു. ഒന്നും തന്നെ മനസ്സിലാവുന്നില്ല അങ്ങനെ ആരോടൊക്കെയോ ചോദിച്ചു ഞങ്ങൾ ട്രെയിനിൽ കയറാനുള്ള പ്ലാറ്റ്ഫോമിലേക്ക് എത്തി. ഓപ്പൺ ടിക്കറ്റ് ആണ് ഞാനും അവരും എടുത്തിരുന്നത്. ഞങ്ങളുടെ സ്ഥലത്തേക്ക് പോകാൻ വരുന്ന ഏത് ട്രെയിനിൽ വേണമെങ്കിലും നമുക്ക് കേറാൻ പറ്റുന്ന രീതിയിൽ ആയിരുന്നു ആ ടിക്കറ്റ്.

ഞങ്ങൾ എത്തി 10 മിനിറ്റ് ആകുമ്പോഴേക്കും ട്രെയിൻ വന്നു. ലഗേജ് ഒക്കെ ഞാൻ തന്നെ എടുത്ത് അടുക്കിയൊക്കെ വച്ചു. ചേച്ചി നേരെ നടന്ന് ബോഗിയുടെ നടുക്കുള്ള ടേബിൾ സീറ്റിൽ ഇരുന്നു. ഞാനതിനെ നേരെ എതിർവശത്തുള്ള സീറ്റിലും ഇരുന്നു. ചേച്ചി മോനെ മര്യാദയ്ക്ക് ഇരുത്തി ഒന്ന് സമാധാനത്തോടുകൂടി ദീർഘശ്വാസം വിടുന്നത് ഞാൻ കണ്ടു.