Chapter Title : യുകെ ഡയറിസ് 2 [AJ Blake]

മോശം ആവുന്ന മുന്നേ പാട്ട് നിർത്തുന്നതല്ലേ നല്ലത്. സൊ ഞങ്ങൾ കൈകൊടുത്ത് പിരിഞ്ഞു.

സുമി: എടാ സോറി എനിക്കറിയില്ലായിരുന്നു.

ഞാൻ: ഡോണ്ട് ബി സോറി. ഇതിൽ ഇപ്പോൾ താൻ സോറി പറയേണ്ട എന്താ കാര്യം.

സുമി: അല്ലെങ്കിലും അതാടാ നല്ലത് ചേരില്ല എന്ന് കണ്ടാൽ അപ്പം മാറിയിരിക്കണം.

അവൾ അത് പറയുമ്പോൾ അവളുടെ മുഖത്തെ വ്യത്യാസം ഞാൻ ശ്രദ്ധിച്ചു. പക്ഷേ ഞാൻ ഒന്നും ചോദിക്കാൻ നിന്നില്ല.

ഞങ്ങൾ അവിടെ നിന്നും സാധനങ്ങളൊക്കെ വാങ്ങി തിരികെ വീട്ടിലെത്തുമ്പോൾ ഏകദേശം ഒരു മണിക്കൂർ കഴിഞ്ഞിരുന്നു. ഞാൻ കൊണ്ടുവന്ന സാധനങ്ങൾ ഒക്കെ സുമിയുടെ സഹായത്താൽ അടക്കി പെറുക്കി വച്ചു. അങ്ങനെ രാത്രിത്തെ ആഹാരം സുമി ഉണ്ടാക്കിക്കൊണ്ടിരിക്കുന്ന നേരത്ത് ഷാഫി ഇക്ക ഡ്യൂട്ടി കഴിഞ്ഞ് വന്നു. പുള്ളി അടുക്കളയിൽ വരുമ്പോൾ ഞങ്ങൾ രണ്ടുപേരും സംസാരിച്ചു നിൽക്കുന്നുണ്ടായിരുന്നു. പുള്ളിയുടെ മുഖം പെട്ടെന്ന് കടന്നൽ കുത്തിയത് പോലെ  മാറുന്നത് ഞാൻ ശ്രദ്ധിച്ചു.  പെട്ടെന്ന് ആ രംഗം ക്ലിയർ ആക്കാൻ വേണ്ടി എന്താ ഇക്കാ ലേറ്റ് ആയോ എന്ന് ഞാൻ പെട്ടെന്ന് ചോദിച്ചു.

ഇക്ക: ഹൈവേയിൽ ഒരു ആക്സിഡൻറ് ആണെന്ന് തോന്നുന്നു ഭയങ്കര ബ്ലോക്ക് ആയിരുന്നു.

സുമിയുടെ മുഖത്ത് പെട്ടെന്നുണ്ടായ ഭാവമാറ്റം ഞാൻ ശ്രദ്ധിക്കാതിരുന്നില്ല.

ഞാൻ: ഞാനിപ്പോ വന്നതേയുള്ളൂ.  ബാത്റൂമിൽ കയറി ഒന്ന് ഫ്രഷായി പുറത്തിറങ്ങിയപ്പോൾ ഇക്കയും വന്നു.

ഞാൻ അങ്ങനെ പറഞ്ഞപ്പോൾ ഒരു ഭാവ വ്യത്യാസവും ഇല്ലാതെ സുമി എന്നെ നോക്കി ചിരിച്ചു. എന്തോ എനിക്കപ്പോൾ അങ്ങനെ പറയാനാണ് തോന്നിയത്.

ഇക്കാ: എന്നാൽ നീ ഇരിക്ക് ഞാൻ ഫ്രഷ് ആയിട്ട് ഒരു ചായ കുടിക്കാം. ഞങ്ങൾ രണ്ടുപേർക്കും കൂടെ ചായക്ക് വക്ക് സുമി.

ഞാൻ: ഓ എനിക്ക് വേണ്ട ഇക്ക ഞാനിപ്പോൾ ഫ്രണ്ട്സിന്റെ കൂടെ ഫുഡ് കഴിച്ചിട്ട് വന്നതേയുള്ളൂ.  അതുമല്ല വീട്ടിലേക്ക് വിളിക്കാൻ സമയമായി.

അതും പറഞ്ഞ് ഞാൻ പതുക്കെ അവിടെ നിന്നും എൻറെ റൂമിലേക്ക് പോയി.

റൂമിലെത്തി വീട്ടിലേക്ക് വിളിച്ച ശേഷം ഫോണിൽ തോണ്ടി കളിക്കുന്ന നേരത്ത് എനിക്ക് പെട്ടെന്ന് ഒരു കോൾ വന്നു. നോക്കുമ്പോൾ അഞ്ചു ചേച്ചിയുടെ കോളാണ്. ഞാൻ പെട്ടെന്ന് തന്നെ കോൾ