Chapter Title : ഉണ്ണികുട്ടന്റെ യോഗം 10 [Vethalam]

വളരെ ശ്രദ്ധിച്ചു അവളെ ദേഹത്ത് നിന്നു മാറ്റി ബെഡിൽ കിടത്തി അവളൊന്നു ഞരങ്ങി ബെഡ്ഷീറ്റ് എടുത്തു നന്നായി പുതപ്പിച്ചു പുറത്ത് പതിയെ തട്ടി കൊണ്ടിരുന്നു

അവൾ നല്ല ഉറക്കത്തിലായി എന്ന് ബോധ്യമായപ്പോൾ ഞാൻ എഴുനേറ്റു വാതിൽ തുറന്നു ബാൽക്കണിയിലേക്കിറങ്ങി  വാതിൽ പുറത്ത് നിന്നു ചേർത്തടച്ചു

നല്ല നിലാവ്

ഇന്നലെ പൗർണമി ആയിരുന്നല്ലോ

ആ കുരുന്നു മുഖം എന്റെ മനസ്സിൽ തെളിഞ്ഞു അവന് ആരുടെ ഛായയാണ്

എന്റെയാണോ അതോ ഏട്ടത്തിയുടയോ

  പരീക്ഷ തീർന്നാലുടൻ വീട്ടിൽ പോവണം എന്റെ കുരുന്നിന്റെ മുഖമൊന്നു കൊതി തീരെ കാണണം

ബാൽകണിയുടെ കൈവരിയിൽ പിടിച്ചു തെളിഞ്ഞു നിൽക്കുന്ന ചന്ദ്രനെ നോക്കി അങ്ങനെ കുറെ നേരം നിന്നു

പുറകിൽ വസ്ത്രമുലയുന്ന  സൗണ്ട് കേട്ട് ഞാൻ തിരിഞ്ഞു നോക്കി

സൈനബ താത്ത പമ്മി പമ്മി വരുന്നു

നീ ഉറങ്ങിയില്ലേടാ  ഇത്ത അടുത്തു വന്നു പതിഞ്ഞ ശബ്ദത്തിൽ ചോദിച്ചു

ഇല്ല

അവളോ

അവളുറങ്ങി

ഇത്താ എന്താ ഉറങ്ങാത്തെ

അവളുടെ കാര്യം ഓർത്ത് കിടന്നു ഉറക്കം വരുന്നില്ലെടാ

ഇക്കാ ഉറങ്ങിയോ

മ്മ്മ്മ്മ്  ഷുഗറിന് കഴിക്കാനുള്ള മരുന്ന് വാങ്ങി വെച്ചത് കഴിഞ്ഞ തവണ വന്നപ്പോ കൊണ്ടു പോവാൻ മറന്നു അതാ പെട്ടെന്നു തിരിച്ചു വന്നേ അത് കഴിച്ചാ പിന്നെ ഒരു ബോധവുമില്ലാതെ ഉറങ്ങും

എന്തേ അവളുടെ കാര്യം ഇത്രമാത്രം ഓർക്കാൻ

അവൾക്ക് നിന്നോടുള്ള സ്നേഹം കാണുമ്പോൾ എനിക്ക് പേടിയാകുന്നു

ഇതെവിടേ ചെന്നു നിൽക്കും നാളെ മറ്റൊരു വീട്ടിലേക്കു പോവേണ്ടവളല്ലേ

അതോർത്ത് ഇത്ത പേടിക്കണ്ട ആ ബോധ്യം ഇത്തയെക്കാൾ കൂടുതൽ അവൾക്കുണ്ട്

നിനക്കറിയാഞ്ഞിട്ടാ ഉണ്ണി

ഇന്നത്തെ പോലെ അവളെ ഞാൻ ഇത് വരെ കണ്ടിട്ടില്ല ഉറക്കത്തിൽ നിന്നു എഴുനേറ്റു വന്നതേ ചോദിച്ചത് ഉണ്ണിയേട്ടൻ വിളിച്ചോന്നാ

ഇല്ലാ ന്ന് പറഞ്ഞപ്പോൾ ആധിയായി രാത്രി ഒറ്റയ്ക്ക് ബൈക്കിൽ പോയതല്ലേ ഇത്രേം ദൂരം

അങ്ങോട്ട് വിളിച്ചിട്ട് ആരും എടുക്കുന്നുമില്ല

അവളാകെ ഭ്രാന്ത് പിടിച്ച പോലെയായി പിന്നെയും വിളിച്ചപ്പോ ആരോ എടുത്തു നീ കിടന്നു ഉറങ്ങുവാന്നു കേട്ടപ്പോഴാ അവളൊന്നടങ്ങിയേ

പിന്നെയും കുറെ തവണ വിളിച്ചു അവസാനം ആരോ അവിടന്നു ദേഷ്യപ്പെട്ടു എന്തോ പറഞ്ഞൂന്നു തോന്നണു അവൾക്കാകെ സങ്കടമായി അന്നേരം തുടങ്ങിയ