Chapter Title : ഉണ്ണികുട്ടന്റെ യോഗം 17 [Vethalam]

നന്ദികെട്ടവളെ ഞൊണ്ടിക്കാലിയായിട്ട്  മൂലേൽ കിടന്ന നിന്നെ എത്ര നാള് ഞാൻ കഷ്ട്ടപെട്ടിട്ടാടി നടക്കാറാക്കിയത്  ഇപ്പോ രണ്ട് കാലേൽ നിന്നപ്പോ നിനക്കിത്ര അഹങ്കാരമോ

അയ്യോടാ ചെയ്തതിന്റെ ഒന്നുമല്ല ആ സാമിടെ മരുന്നിന്റെ ഗുണം അല്ലാതെ  നിന്റെ കഴിവൊന്നുമല്ല

ഓഹോ  ആറു മാസം ഞാൻ തിരുമ്മിയതിന്റെയും  ഞാനുണ്ടാക്കി തന്ന മരുന്നിന്റെയും പൈസ എനിക്കിപ്പോ കിട്ടണം

ഓഹ് പിന്നെ പൈസയൊക്കെ സാമിക്കു ഞങ്ങൾ കൊടുത്തതാ

ആര് കൊടുത്തു അത് നീ തന്നെ തട്ടി പറിച്ചോണ്ട് പോയില്ലേ

അങ്ങനെയാണേൽ ഞാനിത്രേം നാൾ ഇവിടെ വെച്ചുണ്ടാക്കി തന്നില്ലേ വീട് വൃത്തിയാക്കിയില്ലേ തുണി അലക്കി തന്നില്ലേ അതിന്റെയെല്ലാം പൈസ എനിക്കും വേണം

ഈ വീട് ആരുടെയാ

എന്റെ വാപ്പാടെ

ആണല്ലോ നിന്റെ വാപ്പാടെ വീട് വൃത്തിയാക്കി സൂക്ഷിക്കേണ്ടത് നിന്റെ ഉത്തരവാദിത്വം അതിനു ഞാൻ എന്തിനാ പൈസ തരുന്നേ

അപ്പൊ വെച്ചുണ്ടാക്കി തന്നതിന്റെയോ

ആർക്കാ നീ വെച്ചുണ്ടാക്കി കൊടുത്തേ

ഉണ്ണിയേട്ടന്

ഉണ്ണിയേട്ടൻ ആരുടെയാ

എന്റെ

നിന്റെ ഉണ്ണിയേട്ടന് കഴിക്കാൻ ഉണ്ടാക്കി കൊടുക്കുന്നതിനു  നീയല്ലേ കാശു തരേണ്ടത്  ആ പൈസ നീയെനിക്ക് എപ്പോ തരും

ങ്ങേ...അതിനു പൈസ ഞാൻ അങ്ങോട്ട് തരണോ

പിന്നല്ലാതെ

എന്താ പിള്ളേരെ ഇവിടൊരു ബഹളം  ഇത്ത മറവിൽ നിന്നു വെളിച്ചത്തേക്ക് വന്നു

അതുമ്മി ഈ ഉണ്ണിയേട്ടൻ പറയുവാണേ ഉണ്ണിയേട്ടന് ഭക്ഷണം ഉണ്ടാക്കി കൊടുക്കുന്നതിനു ഞാൻ പൈസ കൊടുക്കണമെന്ന് കൊടുക്കണോ ഉമ്മി പൈസ എനിക്കല്ലേ തരണ്ടേ

അതെങ്ങനാ ഇത്താ അവളുടെ ഉണ്ണിയേട്ടന് അവള് ഭക്ഷണം ഉണ്ടാക്കി കൊടുക്കുമ്പോൾ അവളെനിക്കല്ലേ പൈസ തരേണ്ടത് ഇത്ത തന്നെ പറ

നിങ്ങടെ പ്രശ്‍നം നിങ്ങള് തന്നെ തീർത്താ മതി എനിക്ക്