Chapter Title : ഉണ്ണികുട്ടന്റെ യോഗം 9 [Vethalam]

കാര്യം  ഗംഗേട്ടൻ എന്റെ കൂടെ വന്നു

പടിപ്പുര കഴിഞ്ഞതും ഞാൻ ഏട്ടനെയും വലിച്ചു കൊണ്ട് ഓടി കുറച്ചു ദൂരം ചെന്നതും രണ്ട് ചാക്ക് കെട്ട് തലയിൽ വെച്ചു നല്ല സ്പീഡിൽ പോവുന്ന അവരെ കണ്ടു

ദേ നോക്ക് ഇപ്പൊ എന്തായി ഞാൻ കണ്ടത് സ്വപ്നമാണോ

ചെറിയേട്ടൻ സ്തംഭിച്ചു നിന്നു

വാ ഏട്ടാ കയ്യോടെ അവരെ പിടിക്കാം

എടാ പക്ഷെ  നമ്മളെങ്ങനെ......ആരേലും അറിഞ്ഞാ നാണക്കേട് നമുക്കല്ലേ

ഏട്ടൻ വരുന്നുണ്ടോ അതോ ഞാൻ പോയി പിടിച്ചോണ്ട് വരണോ

എടാ അവരോടു നമ്മൾ എന്നാ പറയും

വല്യേട്ടൻ തിരിച്ചു വിളിച്ചു ഇനി പോവണ്ടാ ഇവിടെ നിന്നാ മതീന്ന് പറഞ്ഞു ന്നു പറ ഞാൻ അങ്ങോട്ട് മാറി നിൽക്കാം എന്നെ കാണണ്ട

ഏട്ടൻ മനസ്സില്ലാ മനസോടെ കുറച്ചു ദൂരം മുൻപോട്ട് ചെന്നിട്ട് അവരെ ഉറക്കെ വിളിച്ചു

അവർ കേൾക്കാത്ത പോലെ നടന്നു ഏട്ടൻ തിരിഞ്ഞു എന്നെ നോക്കി

വീണ്ടും വിളിക്കാൻ കൈ കൊണ്ട് ആംഗ്യം കാണിച്ചു ഞാനാ വാഴക്കൂട്ടതിനിടയിലേക്കു മാറി നിന്നു

ഏട്ടൻ കുറച്ചു ദൂരം പുറകെ ഓടിചെന്നിട്ട് അവരെ വിളിച്ചു നിർത്തി

എന്താ മോനെ

പിടിക്കപ്പെട്ടു എന്നറിഞ്ഞിട്ടും അവരുടെ ചങ്കൂറ്റം എന്നെ അത്ഭുതപെടുത്തി

ഏട്ടൻ അമ്മയെ തിരികെ വിളിച്ചു ഇപ്പൊ പോവണ്ടാ ന്നു പറഞ്ഞു

ഓഹ് വേണ്ട മോനെ ഞങ്ങളിവിടെ നിൽക്കുന്നത് ആ ചെറുക്കന് ഇഷ്ട്ടമല്ല എന്റെ മക്കള് പോലും അവന്റെ സൈടാ ഞങ്ങൾ പോവാ

അവർ തിരിഞ്ഞു  നടക്കാനൊരുങ്ങി

ഇതെന്താ ഈ ചാക്ക് കെട്ടിൽ

ഇതവളുമാരുടെ കുറച്ചു പഴം തുണിയാ എനിക്ക് വീട്ടിൽ ചെന്നു മാറിയുടുക്കാലോ അവരു തന്നതാ അല്ലാതെ ഞങ്ങടെ ഇഷ്ടത്തിന് എടുത്തതൊന്നുമല്ല

അവർ തിരിഞ്ഞു നടന്നു

അങ്ങനെ വിട്ടാൽ പറ്റില്ല ല്ലോ എന്നെ കുറെ ആട്ടിയതല്ലേ ഞാൻ ഒറ്റ ഓട്ടത്തിന് അവരുടെ മുൻപിൽ കയറി ആ ചാക്ക് കെട്ടിൽ പിടുത്തമിട്ടു

വിടെടാ പട്ടി എന്റെ മക്കൾ തന്നു വിട്ടതിൽ കയറി പിടിക്കാൻ നീയാരാടാ

ഉണ്ണി അതവർക്ക് തിരിച്ചു കൊടുക്ക്

ചെറിയേട്ടൻ എന്നോട് ദേഷ്യപ്പെട്ടു

കൊടുക്കാം പക്ഷെ എന്താന്നറിഞ്ഞിട്ട് കൊടുക്കാം

നീ എന്താന്നറിഞ്ഞിട്ടേ തന്നു വിടുകയുള്ളോ എന്നാ എനിക്ക് വേണ്ടെടാ നീ കൊണ്ടു പോയി പുഴുങ്ങി തിന്ന്  രണ്ട് ചാക്ക് കെട്ടും ആ വഴിയിലേക്കിട്ടിട്ട് അവർ വേഗത്തിൽ നടന്നു

ഉണ്ണി നിനക്ക് കുറച്ചു കൂടുന്നുണ്ട് നീയെന്തു പോക്രിത്തരമാ അവരോടു കാണിച്ചത് മര്യാദക്ക് അവരോടു പോയി ക്ഷമ പറഞ്ഞു ഇതെല്ലാം തിരിച്ചു കൊടുത്തിട്ട് നീ വീട്ടിൽ കയറിയാൽ മതി

ഞാൻ ഏട്ടന്റെ വാക്കുകൾ ശ്രദ്ധിക്കാതെ വലിയ കെട്ടു അഴിച്ചു നിലത്തേക്ക് കുടഞ്ഞിട്ടു

കുറെ പഴയ സാരികൾ ഉരുട്ടി കെട്ടി വെച്ചിരിക്കുന്നു

ഈ പഴം തുണിക്കെട്ട് എടുത്തത്തിനാണോ നീ ഈ വേഷം കെട്ടു മുഴുവൻ കാണിച്ചത്? ഇനി എങ്ങനെ