Chapter Title : ഉണ്ണികുട്ടന്റെ യോഗം 9 [Vethalam]

അരച്ചിട്ട് നടക്കാൻ പരുവത്തിലാക്കി തന്നു പച്ചമരുന്ന് പറിക്കലും അരച്ചിടലും കാലഴിച്ചു കെട്ടലുമെല്ലാം എന്റെ പണിയായിരുന്നു

ഉണ്ണി നീ പോരുന്നോ എന്റെ കൂടെ നിനക്കു ഈ തൊഴിലിൽ നല്ലൊരു ഭാവി കാണുന്നുണ്ട്

ഞാൻ ഏട്ടനെ നോക്കി

പൊക്കോടാ ഒരു തൊഴിലു പഠിക്കുന്നത് നല്ലതല്ലേ നിനക്കിപ്പോ പഠിത്തവും ഇല്ലല്ലോ

അങ്ങനെയെങ്കിൽ നാളെ വെളുപ്പിന് 4 മണിക്കു മുൻപേ എന്റെ ആശ്രമത്തിലെത്തണം

പിറ്റേ ദിവസം മുതൽ ഞാൻ ആശ്രമത്തിൽ പോയി തുടങ്ങി

ഗുരു കുല സമ്പ്രദായാമായിരുന്നു അവിടെ  എനിക്കെന്തോ ഈ ചികിത്സ രീതികളോട് നല്ല താല്പര്യം തോന്നി അദ്ദേഹം പറയുന്ന കാര്യങ്ങൾ ഞാൻ വേഗം പഠിച്ചു

മാസം രണ്ട് വളരെ വേഗം കടന്നു പോയി എന്റെ റിസൾട്ട് വന്നു  നല്ല മാർക്കൊടെ ഞാൻ S.S.L.C പാസ്സായിരിക്കുന്നു

സ്കൂളിൽ പി ടി എ കമ്മിറ്റിയുടെ വക ഒരു അനുമോദന ചടങ്ങ്

എല്ലാ ടീച്ചർമാരും  എന്നെ വാനോളം പുകഴ്ത്തി

അടുത്ത കടമ്പ കോളജിൽ അഡ്മിഷൻ എടുക്കുക എന്നതാണ്

അടുത്തൊന്നും നല്ലൊരു കോളജില്ല

നല്ല കോളേജുള്ളത് 120 കിലോമീറ്റർ ദൂരെ പട്ടണത്തിലാണ്

ഞാനും ചെറിയേട്ടനും കൂടെ പോയി പ്രീ ഡിഗ്രിക്കുള്ള അഡ്മിഷൻ ശരിയാക്കി പക്ഷെ എല്ലാ ദിവസവും പോയിട്ട് വരാൻ പറ്റില്ല

താമസിക്കാനുള്ള സൗകര്യം അടുത്തൊന്നുമില്ല താനും

എന്താടാ ചെയ്യണ്ടേ ഏട്ടൻ ചോദിച്ചു

പട്ടണത്തിൽ നിന്നു കുറച്ചു മാറി അന്വേഷിച്ചാൽ കിട്ടിയാലോ

അതായാലും മതിയേട്ടാ

അങ്ങനെ അന്വേഷണത്തിനോടുവിൽ 10 കിലോമീറ്റർ അകലെ ഒരു വീട് ശരിയായി

നീയെങ്ങെനെ ഇവിടെ ഒറ്റയ്ക്ക് താമസിക്കും ആര് നിനക്ക് ഭക്ഷണമുണ്ടാക്കിത്തരും ഇങ്ങോട്ടു എപ്പോഴും ബസ് സർവീസ് ഒക്കെ ഉണ്ടാകുമോ

ഏട്ടനാകെ സംശയങ്ങളാണ്

അതൊക്കെ നമുക്ക് ശരിയാക്കാമെട്ടാ  ഒന്നു സമാധാനപ്പെടു

ഞങ്ങൾ തിരിച്ചു വീട്ടിൽ പോയി

വീട്ടിൽ എത്തിയതും ഏട്ടൻ വട്ടം തിരിഞ്ഞു

എന്തായിടാ പോയിട്ട്?

അതെങ്ങും ശരിയാവില്ല ഏട്ടാ ഒരു കുന്നിന്റെ മുകളിലാ അവരു കോളജ് പണിതു വെച്ചേക്കുന്നെ അടുത്തെങ്ങും ഒരു പെട്ടിക്കട പോലുമില്ല പിന്നെ താമസിക്കാനുള്ള വീട് കുറെ ദൂരെയും  ഇവനെങ്ങനെ പോകും എങ്ങനെ തിന്നും  ഇവന്റെ തുണിയെല്ലാം ആര് അലക്കും ഏയ് ഒന്നും ശരിയാവില്ല

ചെറിയേട്ടന്റെ പറച്ചിലു കേട്ട് എല്ലാവരും ചിരിച്ചു

നിങ്ങളെന്താ കോളജ് മേടിക്കാൻ പോയതാണോ അത് കുന്നിന്റെ മുകളിലായാലും താഴെ ആയാലും പഠിച്ചാ പോരെ ചെറിയേടത്തി ഏട്ടനെ കളിയാക്കി

പക്ഷെ ഇവൻ എങ്ങനെ പോകും അവിടെങ്ങും സമയത്തിനു ബസ് ഒന്നുമില്ല

അത് ഞാൻ ബൈക്കിൽ പോകും ഏട്ടാ

ഞാൻ ചാടി കേറി പറഞ്ഞു

ആരുടെ ബൈക്ക്?

ഞാൻ പത്താം ക്ലാസ് പാസ്സായാൽ എനിക്ക് ബൈക്ക് വാങ്ങിത്തരാം എന്ന് പറഞ്ഞാരുന്നു

ആര് പറഞ്ഞു

ഞാൻ ഗിരിജേടത്തിയുടെ മുഖത്തേക്ക് നോക്കി

നീയാണോ വാങ്ങി കൊടുക്കാം എന്ന് പറഞ്ഞെ അതിനു എത്ര രൂപ ആവുമെന്നാ വിചാരം