Chapter Title : ഉഷ്ണനൃത്തം [സ്മിത]

താൻ. സിസ്റ്റർ രഞ്ജിതയുടെ ക്ലാസ്സാണ്. സിസ്റ്റർ ചോദ്യം ചോദിക്കുകയാണ്.

"സ്റ്റിഫാ, ഏതൊക്കെയാ പത്ത് കൽപ്പനകൾ?"

പിൻബഞ്ചിൽ നിന്ന് സുന്ദരനായ സ്റ്റീഫൻ എഴുന്നേറ്റപ്പോൾ തന്റെ കണ്ണുകൾ മറ്റുള്ള പെൺകുട്ടികളുടേതുപോലെ അവനിൽ തറഞ്ഞു. പരുങ്ങലോടെ സ്റ്റിഫൻ എഴുന്നേറ്റു.

"സ്റ്റീഫൻ ചോദ്യം കേട്ടില്ലേ? പത്ത് കൽപ്പനകൾ ഏതൊക്കെയാ പറയൂ?"

നല്ല കോട്ടയം അച്ചടിഭാഷയിൽ സിസ്റ്റർ രഞ്ജിത എന്ന ഗൗരവക്കാരി ചോദ്യം ആവർത്തിച്ചു.

"ഒന്ന് , നിന്റെ കർത്താവായ ദൈവം ഞാനാകുന്നു

"രണ്ട് ദൈവത്തിന്റെ തിരുനാമം വൃഥാ പ്രയോഗിക്കരുത്

"മൂന്ന് ദൈവത്തിന്റെ ദിവസം വിശുദ്ധമായി ആചരിക്കേണം

"നാല്...നാല്..."

സ്റ്റീഫൻ വീണ്ടും പരുങ്ങി.

"നാല്?"

സ്വരത്തിൽ പാരുഷ്യം കലർത്തി സിസ്റ്റർ അവനെ നോക്കി.

"നാല്...മാതാപിതാക്കന്മാരെ ആദരിക്കണം

"അഞ്ച്...അഞ്ച് ..കൊല്ലരുത്..."

സ്റ്റീഫൻ വീണ്ടും പരുങ്ങി.

"ആറ് ...ആറ്..."

കുട്ടികൾ അപ്പോൾ ചിരിക്കാൻ തുടങ്ങി.

"ആറ് ... ആറ് ... "

സ്റ്റീഫന് മുമ്പോട്ട് പോകാൻ കഴിഞ്ഞില്ല.

"ആറ്! ആറ്‌! മണിമലയാറ് ...!”

സിസ്റ്റർ രഞ്ജിത എന്ന വേദപാഠ ആദ്ധ്യാപിക കലികയറി പറഞ്ഞു.

"പോത്ത് പോലെ വളന്നു...പ്രേം നസീറിനെപ്പോലെ തലമുടി ചീകിവെക്കാനും പൗഡറിട്ട് മിനുങ്ങി നടക്കാനും സമയമുണ്ട്. പത്ത് കൽപ്പന കാണാതെ പഠിക്കാൻ സമായാവില്ല അല്ലെ?"

കുട്ടികൾക്കിടയിൽ നിന്ന് പരിഹാസച്ചിരിയുയർന്നു. "എലിസബത്ത് പറയൂ..."

എലിസബത്ത് എന്ന മാമ്മോദീസ പേരുള്ള പ്രിയങ്കയോട് സിസ്റ്റർ ചോദിച്ചു.

സ്റ്റീഫന്റെ നേരെ വിജയിയെപ്പോലെ നോക്കി പ്രിയങ്ക എന്ന എലിസബത്ത് ഒറ്റശ്വാസത്തിൽ പറഞ്ഞു.

"ഒന്ന് , നിന്റെ കർത്താവായ ദൈവം ഞാനാകുന്നു

"രണ്ട് ദൈവത്തിന്റെ തിരുനാമം വൃഥാ പ്രയോഗിക്കരുത്

"മൂന്ന് ദൈവത്തിന്റെ ദിവസം വിശുദ്ധമായി ആചരിക്കേണം

"നാല്...മാതാപിതാക്കന്മാരെ ആദരിക്കണം

"അഞ്ച്. ..കൊല്ലരുത്..."

"ആറ് വ്യഭിചാരം