Chapter Title : ഉസ്താദ് ഒരു ക്ലീഷേ കഥ 1 [Mallu Story Teller]

പിറക്കിൽ നിൽക്കുന്ന നാസറിനെ കണ്ട പിറകിൽ ഇരുന്ന ഫിദയുടേയും സജ്നയുടേയും കിളിയും വളിയും ഒന്നിച്ച് പോയി. കനകമണി സീരിയലിലെ നായകൻ അജാസിനെ പോലെയുള്ള അവനെ കണ്ട് വെള്ളമിറക്കിയ രണ്ട് പേരും പരസ്പരം മുഖത്തോട് മുഖം നോക്കി.

" സജ്നാ, ഇതാണോ അന്റെയും ഇന്റേയും രാജകുമാരൻ ?" താടിക്ക് കൈ കൊടുത്ത് വായ പൊളിച്ചിരുന്നു ഫിദ ചോദിച്ചു.

" ആണന്നാണ് തോന്നുന്നത് "

" കുട്ടികളേ ഇതാണ് നാസർ മൗലവി, ഇങ്ങളെ ഫിഖ്ഹ് (ഇസ്ലാം മതത്തിലെ വിധിവിലകുകൾ അടങ്ങുന്ന വിഷയം ) പഠിപ്പിക്കാൻ വന്ന പുതിയ ഉസ്താദാണ്. അപ്പോൾ നേരം കള....."

" ഉസ്താദേ, ഇങ്ങള് കല്യാണം കയ്യിച്ചതാണോ?" കാദർ മൗലവിയുടെ സംസാരത്തിന് ഇടക്ക് കയ്യറി എഴുന്നേറ്റ് നിന്ന് സജ്ന വെടി പൊട്ടിച്ചപ്പോൾ ക്ലാസിൽ പൊട്ടിച്ചിരി തുടങ്ങിയിരുന്നു.

"എന്താണ് സജ്ന , അനക്ക് അങ്ങനെ ഒരു സംശയം, എന്നെ കാണ്ടാൽ കല്യാണം കഴിഞ്ഞതായിട്ട് തോന്നില്ലേ "

" അയ്യേ ഉസ്താദിനോട് അല്ല, ആ ഉസ്താദിനോട് ആണ് ചോദിച്ചത്" നാസറിനെ ചൂണ്ടി അവൾ ചോദിച്ചു . അത് വരെ നിരാശനായി താഴേക്ക് നോക്കി നിന്നിരുന്ന നാസർ സജ്നയുടെ ചോദ്യം കേട്ട് തല ഉയർത്തി നോക്കിയ അന്ധാളിച്ചു നിന്നു. അവന്റെ ഒന്നാമത്തെ കിളി അപ്പോൾ തന്നെ പറന്നു പോയി. കറുത്ത മഫ്തക്കുള്ളിലെ ചെറിയ വെളുത്ത മുഖം അത്രമേൽ സുന്ദരമായിരുന്നു .

" നീ എന്തൊക്കെ ആണ് ചോദിക്കുന്നെ ....എവിടെ ഇരുന്നേ നീ" ഫിദ സജ്നയുടെ കൈ പിടിച്ചു വലിച്ചു ബെഞ്ചിൽ ഇരുത്തി. ബെഞ്ചിൽ ഇരുന്ന സജ്നയുടെ അടുത്ത് ഇരിക്കുന്ന ഫിദയെ കണ്ട