Chapter Title : ?ഉയർത്തെഴുനേൽപ്പ്‌ ? ഈ യാത്രയിൽ 1 [ലാസ്റ്റ് റൈസർ 007]

'ഒന്നുല്ല , ഇനിയും സംസാരിച്ചു തുടങ്ങിയാൽ ഞാൻ വീണ്ടും ഡൌൺ ആവും,അത് വിട്ടേക്ക്’

'ഉം , വേറെ എന്താ,വിശക്കുന്നില്ലേ ?ഇന്നലെ ഒന്നും കഴിച്ചില്ലല്ലോ '

'വിശപ്പുണ്ട്  , ബിസ്‌ക്കറ് എന്തേലും കഴിക്കാം '

'ഞാൻ വരാടോ  , പുറത്തു നിന്നും എന്തേലും കഴിക്കാം '

'വേണ്ട ഹരിയേട്ടാ, തത്കാലം ഇത് മതി . ബാക്കി ഞാൻ ക്യാമ്പസ്സിൽ ചെന്നിട്ടു കഴിച്ചോളാം'

അവളുടെ വാക്കുകളിൽ  എന്തോ ഒരു മുന , എന്നെ ഒഴിവാക്കാൻ വേണ്ടി പറഞ്ഞത്   പോലെ എനിക്ക് തോന്നി .

'വേറെ എന്താ, കുഴപ്പൊന്നുല്ലല്ലോ'

'ഇല്ല ഹരിയേട്ടാ, കുഴപ്പൊന്നുല്ല  , ക്ലാസിലേക്കുള്ളത് കുറച്ച് നോക്കാൻ ഉണ്ട് '

''ഉം , എന്നാൽ ശെരി ,വെച്ചോ . വിളിക്ക് '

'ഉം ' അവൾ കാൾ കട്ട് ചെയ്തു .

രാവിലെതന്നെ വീണ്ടും മൂഡോഫ് ആയി . എന്ത് ചെയ്യും എന്നോർത്തു ഒരു പിടി കിട്ടുന്നില്ല .

റൂം സർവീസിൽ  വിളിച്ച്  ഒരു ചായ പറഞ്ഞു .

ബാൽക്കണിയിൽ നിന്ന് തണുപ്പത് ചൂടുചായക്കൊപ്പം ഒരു സിഗരെറ്റിനും കൂടി തീ കൊളുത്തി  അവളെ കുറിച്ച് ആലോചിച്ചു  നിന്നു  . മനസ്സ് ശാന്തമല്ലായിരുന്നു .

ചായ കഴിഞ്ഞപ്പോൾ ബാൽക്കണിയിലേക്കുള്ള ഡോർ അടച്ച് ഞാൻ വീണ്ടും സോഫയിൽ വന്നിരുന്നു .

'വിട്ടേര് , അവൾ അവളുടെ വഴിക്കു നടക്കട്ടെ , അവൾക്കു എന്തോ ലക്ഷ്യങ്ങൾ ഉണ്ട് , അവിടേക്കെത്താൻ ആയുള്ള ആദ്യത്തെ പടി ആണ് ഇതെന്നാണ് അവൾ പറഞ്ഞത് , ഇനി ഞാൻ കാരണം അവളുടെ ശ്രെദ്ധ  മാറേണ്ട'.   ഞാൻ എന്നോട് തന്നെ പറഞ്ഞു .ശേഷം ഡയറി എടുത്ത് മറിച്ചു .

ഇന്ന് മൂന്നു സ്റ്റേബിളിൽ പോകുവാൻ ഉണ്ട് . റെയ്‌സ് 12 മണിക്ക് തുടങ്ങും . അതിനു മുൻപേ പരിപാടികൾ തീർക്കണം . നാളെയും മറ്റന്നാളും ഒരു പ്രോഗ്രാമും ഇല്ല . കറങ്ങാൻ വേണ്ടി മാറ്റി വച്ചതാണ് . തിങ്കളാഴ്ച എക്സിബിഷൻ  .

കുളിച്ച് ഫ്രഷ് ആയി ഡ്രസ്സ് മാറ്റി  റൂം പൂട്ടി ഇറങ്ങി . ഫ്രന്റ് ഓഫീസിൽ ചെന്ന് റൂം ക്ലീൻ