Chapter Title : വൈദ്യന്റെ മരുമകൾ 1 [പോക്കർ ഹാജി]

“….എനിക്കറിയാം ഞാനും പ്രസവിച്ചിരുന്നെങ്കിൽ എന്റെ കുഞ്ഞിനും ഈ പ്രായം ആയേനെ .എടി എനിക്കീ പ്രായത്തിലെ കുഞ്ഞുങ്ങളെ കാണുമ്പോ വിഷമം സഹിക്കാൻ കഴിയത്തില്ലെടി...“

അത്രയും പറഞ്ഞപ്പോഴേക്കു ശ്രീജയുടെ കണ്ണ് നിറഞ്ഞു തുളുമ്പി .ഏങ്ങലടിച്ചു കരഞ്ഞു കൊണ്ട് അവൾ മേശപ്പുറത്ത് കൈ വെച്ച് തല കുനിച്ചിരുന്നു കരഞ്ഞു .അവളുടെ കരച്ചിൽ കണ്ടിട്ടു ദീപയ്ക്കും നല്ല വിഷമമായി .ദീപയുടെ കണ്ണുകളും നിറഞ്ഞു അവളോടങ്ങനെ പറയേണ്ടിയിരുന്നില്ലെന്നു തോന്നി .അവളുടനെ കസേര നീക്കി ശ്രീജയുടെ അടുത്ത് കൊണ്ടിട്ടു അതിലിരുന്നു കൊണ്ട് മേശപ്പുറത്തേക്കു ചാഞ്ഞു കിടന്നു കൊണ്ട് ശ്രീജയുടെ തോളിലും പുറത്തും തലോടിക്കൊണ്ട് അവളെ സമാധാനിപ്പിച്ചു .

“….പോട്ടെടി മോളെ നിന്നെ വിഷമിപ്പിക്കാൻ പറഞ്ഞതല്ല .നീ കരയാതെ എനിക്കും സങ്കടം വരുന്നുണ്ടെടി ..... പ്ലീസ്...“

ദീപ അവളുടെ മുടിയിഴകളിലൂടെ വെറുതെ തലോടിക്കൊണ്ട് വീണ്ടും പറഞ്ഞു

“….എടി നിന്നോടുള്ള ഇഷ്ടവും സ്നേഹവും കൊണ്ട് പറയുന്നതല്ലേ .നിനക്ക് നല്ലതു വരാനല്ലേ ഞാനാഗ്രഹിക്കൂ .നീയെന്റെ ഏറ്റവും വലിയ കൂട്ടുകാരിയല്ലെടി മോളെ .....വാ കരഞ്ഞത് മതി .. എണീക്കു...”

ശ്രീജ കരഞ്ഞു കലങ്ങിയ മുഖം ഉയർത്തി ദീപയെ നോക്കി അവളുടെ കണ്ണും നിറഞ്ഞിരിക്കുന്നത് കണ്ടപ്പോ ശ്രീജ ഒരേങ്ങലോടെ ദീപയുടെ ചുമലിലേക്ക് ചാഞ്ഞിരുന്നു കരഞ്ഞു തുടങ്ങി .അത് കൂടി കണ്ടപ്പോൾ ദീപയാകെ വല്ലാതായി .അങ്ങനൊക്കെ പറയാൻ തോന്നിയ നിമിഷത്തെ അവൾ മനസ്സാ ശപിച്ചു .ദീപ കുറച്ച് നേരം ശ്രീജയെ അവളുടേതായ ലോകത്തിൽ വിട്ടു കൊണ്ട് അവളെ ചേർത്ത് പിടിച്ച് കൊണ്ട് പുറത്തുകൂടെ തഴുകി .അവളുടെ കരച്ചിൽ അല്പമൊന്നടങ്ങിയപ്പോൾ ദീപ അവളുടെ മുഖം പൊക്കിയിട്ടു പറഞ്ഞു

“….വാ മുഖം കഴുകാം...”

ശ്രീജയെ വിളിച്ച് കൊണ്ട്