Chapter Title : വഴി തെറ്റിയ കാമുകൻ 10 [ചെകുത്താൻ]

എണീറ്റ് രാവിലത്തെ ചായയും ഉണ്ടാക്കി മുറ്റവുംമടിച്ച് വീട് അടിച്ചു തുടച്ച് എല്ലാരേതും അലക്കിയിട്ടാ കോളേജിൽ പോയേ... ഇവിടെ എപ്പോ നിന്നാലും ഇവളങ്ങനെയാ... എത്ര വേണ്ടാന്ന് പറഞ്ഞാലും എല്ലാ പണിയും അവളുത്തന്നെ ഓടിച്ചാടി ചെയ്യും...

കുഞ്ഞ ഇപ്പൊ ബോധം കേട്ട് വീഴും എന്ന മട്ടിൽ നിൽപ്പുണ്ട്

മാമി : നാല് മണിക്ക് എഴുന്നേറ്റോ... ആര് മുത്തോ... വെറുതെ പറയല്ലേ ഇത്താ...

മുത്ത് : മുത്തൂ...

മാമി : അല്ല മോളേ... മുത്തു അറിയാതെ ചോദിച്ചതാ... എന്നാലും നാലുമണിക്കൊക്കെ...

കുഞ്ഞ : സത്യം പറ ഇച്ചാച്ചാ ഇങ്ങള് അവളെ വെറുതെ പൊക്കി പറയുവല്ലേ...

ഉമ്മ : വേണേൽ വിശ്വസിച്ചാ മതി... ഞാൻ പറഞ്ഞത് സത്യാ...

മാമി : കോളേജിപോവാൻ ഏഴരക്ക് വിളിക്കാൻ ചെന്നാ എന്നെയും കൂടി പിടിച്ചു കിടത്തി എട്ടുമണി ആവും വരെ ഉറങ്ങുന്ന കാര്യം ഓർക്കുമ്പോഴാ ഇച്ഛാച്ച പറയുന്നതൊരു വിശ്വാസകുറവ്...

കുഞ്ഞ : കോളേജില്ലേൽ പതിനൊന്നുമണി ആവാതെ ബെഡിന്നു പോങ്ങൂല...

മുത്ത് : ഓഹ്... ആയിക്കോട്ടെ ഞാൻ ഇനി അങ്ങോട്ട് വരുന്നേ ഇല്ല ഇവിടെത്തന്നെ നിക്കുവാ...

കുഞ്ഞ : അതാ നല്ലേ...

മുത്ത് : ഞാൻ കാക്കൂനേം കെട്ടി ഇവിടങ്ങു കൂടും പിനങ്ങോട്ട് വന്നുപോലും നോക്കൂല... അപ്പൊ നിങ്ങളെന്നെ കാണാൻ കൊതിക്കും... മോളേ മുത്തേ ഒന്നിങ്ങോട്ട് വാ... രണ്ടീസം ഇവിടെ നിന്നിട്ട് പോ എന്ന് പറയും... അപ്പൊ ഞാൻ പറയും ഞാനെങ്ങോട്ടും വരൂല വേണോ വന്ന് കണ്ടിട്ട് പോന്ന്...

കുഞ്ഞ : എത്ര നല്ല സ്വപ്നം കേട്ടില്ലേ ഇചാച്ചാ... ഇപ്പൊ ഈ കാണിക്കുന്ന ഓട്ടവും ചാട്ടവും ഇങ്ങളെ കാണിക്കാനാ...