Chapter Title : വഴി തെറ്റിയ കാമുകൻ 12 [ചെകുത്താൻ]

ഉറപ്പ് വരുത്തുകയും മണ്ഡലത്തിലെ ഓരോ ഗവണ്മെന്റ് സ്കൂളുകൾക്കും ഓരോ ബസുകൾ നൽകുകയും ചെയ്യും... ഹസ്സൻ മാഷിന് ഞാൻ പറഞ്ഞ ഉത്തരം തൃപ്തികരം ആണെന്ന് കരുതുന്നു

ഹസൻ : തീർച്ചയായും...

കയ്യടികൾ മുഴങ്ങി അടുത്തതായി ജോസേട്ടൻ എഴുന്നേറ്റു

ഏന്റെ പേര് ജോസ് ഞാൻ റബർ കർഷകൻ ആണ് കാർഷിക രംഗത്ത് ഇപ്പോൾ നേരിടുന്ന ഏറ്റവും വലിയ പ്രശ്നം വിലയിടിവ് ആണ് ഈ വിഷയത്തിൽ എന്തെങ്കിലും പരിഹാരം നിർദ്ദേശിക്കാനുണ്ടോ...

അന്താരാഷ്ട്ര മാർക്കറ്റുകളിൽ ഏറ്റവും വില കൂടിയ ഭക്ഷ്യവിഭവങ്ങൾ ഉത്പാദിപ്പിക്കുന്ന നമ്മുടെ ഇന്ത്യയിൽ കാർഷിക രംഗത്തിന്റെ ഏറ്റവും വലിയ പരാജയം ഇടനിലക്കാരും കരിഞ്ചന്തക്കാരും തീർക്കുന്ന ഈ വിലയിടിവ് ആണ് ഇതിന് പരിഹാരമായി എക്സ്പോർട്ടർക്ക്‌ നേരിട്ട് കർഷകരിൽ നിന്നും ഉത്പന്നങ്ങൾ വാങ്ങാൻ ഉള്ള സൗകര്യം ഒരുക്കുകയും ഉത്പാധിപ്പിക്കുന്ന കാർഷിക ഉത്പന്നങ്ങൾക്ക്‌ താങ്ങു വില നിശ്ചയിക്കുകയും ചെയ്യും... മറുപടി വെക്തമായി എന്ന് കരുതുന്നു...

ജോസ് : വെക്തമായി...

കയ്യടികൾ മുഴങ്ങി അടുത്തതായി സാരിയുടുത്ത ഒരു സ്ത്രീ എഴുന്നേറ്റു

ഏന്റെ പേര് വിലാസിനി... മോളേ... ഞാനടക്കം പത്തോളം കുടുംബങ്ങൾ താമസിക്കുന്നത് മേപ്പാടൻ കുന്നിന്റെ മുകളിലാണ് വേനലായശേഷം വെള്ളത്തിന് വളരെ ബുദ്ധിമുട്ടാണ് കുടിവെള്ളത്തിന്റെ വണ്ടി കുന്നിന് താഴെ വരെയേ വരൂ ഓരോ പാർട്ടിക്കാരും തിരഞ്ഞെടുപ്പ് സമയത്ത് ജയിച്ചാൽ ശരിയാക്കിത്തരാം എന്ന് പറയുന്നതല്ലാതെ ഇതുവരെ ആരും ശെരിയാക്കി തന്നിട്ടില്ല... മോള് ജയിച്ചാൽ ഇതിന് പരിഹാരം കാണുമോ...

മേപ്പാടൻകുന്ന്, മൊട്ടകുന്ന്, ആരായികുന്ന്, ചാലുപറമ്പ്, പുത്തൻമല, മഞ്ചാടിമല, തുടങ്ങി ആറ് ഇടങ്ങളിലാണ് മണ്ഡലത്തിൽ കുടിവെള്ള പ്രശ്നം ഏറ്റവും കൂടുതലായി ഉള്ളതായി ശ്രെദ്ധയിൽപ്പെട്ടത് അത് പരിഹരിക്കാൻ ഓരോ ഇടത്തും ആളുകളുടെ എണ്ണത്തിന് അനുസരിച്ച് കപ്പാസിറ്റി ഉള്ള വാട്ടർ ടാങ്കുകളും മോട്ടറുകളും സ്ഥാപിക്കുകയും പൈപ്പ് ലൈൻ വഴി നിങ്ങളുടെ വീടുകളിലെ ടാങ്കുകളിൽ കുടിവെള്ളം എത്തിച്ചു നൽകുകയും ചെയ്യും... ഈ വേനലിൽ നിങ്ങൾ വെള്ളം കുടിക്കേണ്ട ഞാൻ ജയിച്ച ശേഷം ചെയ്തു തരാം എന്ന് പറയാൻ പറ്റുന്ന കാര്യം അല്ല ഇത്‌... അതുകൊണ്ട് തന്നെ ഈ പ്രശ്നം ഈ ആഴ്ച്ചതന്നെ പരിഹരിക്കപ്പെടും... മൊട്ടകുന്നിനും മഞ്ചാടിമലയിലും വെള്ളം ജല സ്രോധസ് ഇല്ലാത്തതിനാൽ കിണറിനുള്ള സ്ഥലം കണ്ടെത്തി കിണർ പണി