Chapter Title : വഴി തെറ്റിയ കാമുകൻ 15 [ചെകുത്താൻ]

കസേരയിലിരുത്തുമ്പോയും ഷോക്ക് മാറാതെ മരവിച്ചു നിൽപ്പുണ്ട് മൂന്നും

ഇവരെ അഞ്ചാളേം ഇവനിഷ്ട്ടാനോലും...

ഉപ്പ : അതെങ്ങനാ അഞ്ചാളേം ഇഷ്ടം... അതൊന്നും ശെരിയാവൂല... ഒന്നൂലേൽ നാട്ടുകാരെന്തു പറയുന്നു നോക്കണ്ടേ...

മുത്തൊഴികെ ഒറ്റയെണ്ണത്തിന്റെ മുഖത്ത് ചോരയില്ലാത്ത അവസ്ഥയിൽ നിപ്പുണ്ട് കണ്ണൊക്കെ നിറഞ്ഞിട്ടുണ്ട്

ഇത്ത : ഉപ്പാ... വേണ്ടേ വെറുതെ കളിപ്പിക്കണ്ട... അതുങ്ങളെ മുഖം നോക്ക്...

ഉപ്പ : (അവരെ എല്ലാരേം നോക്കി) ഏന്റെ മക്കളേ... ഇതാർക്കും മനസിലാവൂലന്നാണോ നിങ്ങളെ വിചാരം... എനിക്കിത് നേരത്തെ അറിയായിരുന്നു... ഞാനിങ്ങളെ ഒന്ന് കളിപ്പിച്ചതല്ലേ...

നാലെണ്ണത്തിന്റെയും കണ്ണിൽ ഉരുണ്ടുകൂടി നിന്ന കണ്ണീർ ഒലിച്ചിറങ്ങി അഫി ഉപ്പാനെ കെട്ടിപിടിച്ചു

ഉപ്പ : എന്താ മോളേ ഇത്...

ഇത്ത : (പ്രിയയെ നോക്കി) യൂണിഫോമും ഇട്ട് ഇങ്ങനെ കണ്ണീരൊലിപ്പിക്കല്ലേ... ആരേലും കണ്ടാൽ നാണക്കേടാ... അയ്യേ...

ലെച്ചു ഉമ്മാനേം ഉപ്പാനേം നോക്കി ഒന്നും മിണ്ടാതെ തലകുനിച്ചു നിൽക്കുന്ന കണ്ട് ഉമ്മ അവളുടെ തലയിൽ തലോടി

ഉമ്മ : എന്ത് പറ്റി...

ലെച്ചു : സോറി... കണ്ടപ്പോ അറിയാതെ...

ഉമ്മ : അയ്യേ... എന്താ മോളേ ഇത്...

ഉമ്മ അവളെ ചേർത്തുപിടിച്ചു ആശ്വസിപ്പിച്ചു

എല്ലാരും റെഡിയായതും

ഉമ്മ : നീ... ഇവരെ കൂട്ടി ഷെബിന്റെ അവിടെ ഒന്ന് പോയിട്ട് അവളോടും പറഞ്ഞേക്ക് ഇല്ലെങ്കിൽ അവളറിഞ്ഞാൽ നിന്നെ അവള് നിലത്ത് നിർത്തൂല...

ഇത്ത : ഇപ്പൊ തന്നെ പോയേക്ക്... ഇല്ലെങ്കി അവള് വിളിക്കുമ്പോ ഉമ്മ സംസാരത്തിന്റെ ഇടയിൽ പറഞ്ഞാൽ പിന്നെ അവളെന്തൊക്കെ കാട്ടിക്കൂട്ടും എന്ന് കണ്ടറിയേണ്ടിവരും...

മ്മ്...

ഉപ്പ : തിരഞ്ഞെടുപ്പ് വരാൻ പോവുകയാ... അതോണ്ട് അത് കഴിയും വരെ വേറാരും ഇതറിയണ്ട...

ഇത്ത : ശെരിയാ... എങ്ങനെ എങ്കിലും പാർട്ടിക്കാരറിഞ്ഞാൽ ന്യൂസും പാർട്ടിക്കാരും എല്ലാരും കൂടെ ഇവളെ നാണം കെടുത്തും...

ഉപ്പ : ഇപ്പൊ ഇവളെ താഴ്ത്തികെട്ടലും ഭരണ കക്ഷിയെ തളർത്തലും പ്രതിപക്ഷതിന്റെ ആവശ്യമാ... ഈ പ്രശ്നമറിഞ്ഞാൽ പാർട്ടിക്കാര് മതവും പറഞ്ഞ് നടക്കുന്നവരെക്കൊണ്ട് നാട് കത്തിക്കും അതോടെ നാട് കത്തിയതിനു ഭരണ കക്ഷിയും ഇവളും എല്ലാരുടെയും മുന്നിൽ കുറ്റക്കാരവും പ്രതിപക്ഷത്തിന് അവരുടെ രണ്ടെതിരാളികളും ഇല്ലാതെയാവും... നാട്ടുകാര് പറയുന്നതല്ല നാട് കത്താൻ നിങ്ങള് കാരണമാവരുത്...