Chapter Title : വഴി തെറ്റിയ കാമുകൻ 16 [ചെകുത്താൻ]

ചെയ്ത് അരമതിലിൽ ഇരുന്ന എനിക്കരികിൽ എന്നെ തൊടാതെ നൂറയും മറുവശത്തായി അവനും ഇരുന്നു

എടാ... ഇത് നൂറ ഏന്റെ ഓണറാ... ഇത് റംഷാദ് ഏന്റെ അനിയനെ പോലെ യാ...

അവൻ എന്നെയൊന്നു നോക്കിയശേഷം നൂറയെ നോക്കി ചിരിച്ചു നൂറയും അവനോട് ചിരിച്ചു

ഇക്ക ഒരുപാട് മാറി... നാട്ടിലായിരുന്നപ്പോ ലുങ്കി മാത്രം ഇട്ടുകണ്ട ഇക്കയെ ഈ വേഷത്തിൽ കണ്ടപ്പോ പെട്ടന്നെനിക്ക് വിശ്വസിക്കാൻ പറ്റിയില്ല... എന്തായാലും അടിപൊളിയായിട്ടുണ്ട്...

അവനെ നോക്കി

അതവിടെ നിൽക്കട്ടെ... നീ എപ്പോ വലി തുടങ്ങി...

അങ്ങനെ എപ്പോഴുമൊന്നുമില്ല വല്ലപ്പോഴും...

കോഫി വന്നത് എടുത്തു കാർഡ് എടുത്തു പേ ചെയ്തു പോക്കറ്റിൽ നിന്നും ഫോണെടുത്ത്

നിന്റെ നമ്പർ പറയെടാ...

അവൻ പറഞ്ഞ നമ്പർ ഫോണിൽ സേവ് ചെയ്ത് അവന് മിസ്സ്‌ കാൾ അടിച്ചു നമ്പർ സേവ് ചെയ്യുന്ന അവനെ നോക്കി

നീ എവിടെയാ വർക്ക്‌ ചെയ്യുന്നേ...

അബൂനക്കല ഒരു വീട്ടിലാ...

എങ്ങനുണ്ട് ജോലിയൊക്കെ...

കുഴപ്പമൊന്നുമില്ല അടിപൊളിയാണ്...

സാലറിയൊക്കെ എന്താ അവസ്ഥ... ആവശ്യത്തിനില്ലേ...

ഉണ്ടിക്കാ...

നിന്നെ വന്നു കാണാഞ്ഞതും വിളിക്കാഞ്ഞതും ഓരോ തിരക്കിലായത് കൊണ്ടാ ഒന്നും വിചാരിക്കണ്ട... നിന്നെ മാത്രമല്ല ആരെയും കാണാൻപോയിട്ടും വിളിച്ചിട്ടുമൊന്നുമില്ല...

ഇവിടെ അല്ലേലും ജോലിയൊക്കെ കഴിഞ്ഞെപ്പോയാ ഇക്കാ സമയം... എനിക്കറിയാം... ഇക്ക വന്നതൊക്കെ ഞാനും അറിഞ്ഞിരുന്നു ഞാനല്ലേ ആദ്യം വന്നത് അപ്പൊ ഇക്കാനെ വിളിക്കേണ്ടിയിരുന്നതും എന്തെങ്കിലും വേണോന്നു തിരക്കേണ്ടിയിരുന്നതും ഞാനല്ലേ എനിക്കതിനു പറ്റിയില്ല...

അത് വിട്... പിന്നെന്താ...

ഇക്കാന്റെ വിശേഷമൊന്നും പറഞ്ഞില്ലല്ലോ എന്താ ജോലി... എവിടെയാ താമസം...

വീട്ടിലെ ഡ്രൈവർ... സെദിൽ ആണ്...

സുഖമാണോ...

ആടാ... അടിപൊളിയാ...

എല്ലാരും എന്ത് പറയുന്നു...

എല്ലാർക്കും സുഖം...