Chapter Title : വഴി തെറ്റിയ കാമുകൻ 18 [ചെകുത്താൻ]

ഇഷ്ടമാണെന്ന് കേൾക്കാൻ മാത്രം ചങ്കുറപ്പൊന്നും എനിക്കില്ല...

പോനൂസേ...

മ്മ്...

സങ്കടമുണ്ടോടീ... ഞാനിങ്ങനെ ആയതിൽ...

അവളെന്റെ മുന്നിൽ കയറിനിന്നു മുഖത്തേക്ക് നോക്കി

എന്റെ മുഖത്ത് നോക്ക്... എന്റെ മനസ്സിലുള്ളത് മനസിലാക്കാൻ ഞാൻ പറയാതെ തന്നെ ഇക്കാക്ക് അറിയില്ലേ... എനിക്ക് സങ്കടമുണ്ടെന്നു തോന്നുന്നോ...

അവളെടെ കവിളുകളിൽ പിടിച്ച് മുഖത്തേക്ക് നോക്കി

നിനക്ക് ഉള്ളിൽ അടക്കിവെക്കാൻ ഭയങ്കര കഴിവാണ് പെണ്ണേ അതാണ് എനിക്ക് പേടി...

ഇക്കാ... ഞാൻ ഇക്കാനോട് കള്ളം പറയുമെന്ന് തോന്നുന്നുണ്ടോ...

ഇല്ല...

ഞാൻ പറഞ്ഞില്ലേ... ഇക്ക എന്നെക്കാളും മറ്റൊരാളെ സ്നേഹിക്കുന്നു എന്ന് ഇക്ക പറഞ്ഞു ഞാൻ കേൾക്കാൻ എനിക്ക് പറ്റില്ല... എന്നുവെച്ചു ഇക്ക നൂറയെ സ്നേഹിക്കുന്നതിൽ എനിക്കൊരു സങ്കടവുമില്ല... നൂറയും മറ്റെല്ലാത്തിനും മേലേ ഇക്കയെ സ്നേഹിക്കുന്നു എന്ന് എനിക്കറിയാം... മാത്രവുമല്ല നിങ്ങൾ തമ്മിൽ നിങ്ങൾക്കുപോലും അറിയാത്ത എന്തൊക്കെയോ കണക്ഷനുണ്ട്... അവളോട് എനിക്ക് ഇഷ്ടവും ബഹുമാനവുമൊക്കെ തന്നെയാണ്... അല്ലാതെ എനിക്കതിൽ ഒരു സങ്കടവുമില്ല...

അവളെ ചേർത്തു പിടിച്ച് അവളുടെ നെറ്റിയിൽ ഉമ്മവെച്ച എന്നെ നോക്കി ചിരിയോടെ

ഇപ്പൊ സമാധാനമായല്ലേ...

മ്മ്...

മുന്നിൽ കാണുന്ന പൊളിഞ്ഞ പാലതിനടിയിലേക്ക് നടന്നു പാലത്തിനടിയിൽ തൂണുകളിലും മറ്റും നോക്കുന്ന അവളെ നോക്കി

നീ എന്താ തിരയുന്നെ...

ചിരിയോടെ എന്നെ നോക്കി

ഇക്കാക്ക് ഓർമയില്ലേ നമ്മളിവിടെ ആദ്യമായി വന്നന്ന് കല്ലുവെച്ച് തൂണിലും അവിടെ ഉണ്ടായിരുന്ന തറയിലുമെല്ലാം നമ്മുടെ പേരെഴുതിവെച്ചത്... തറ മണല് മൂടിപ്പോയി തൂണിലേതെങ്കിലും ഉണ്ടോ എന്ന് നോക്കിയതാ അതും കാണാനില്ല...

ചിരിയോടെ അവളെ ചേർത്തുപിടിച്ചവളുടെ കണ്ണുകളിലേക്ക് നോക്കി

മായാത്ത ഒരിടത്ത് എഴുതിവെച്ചിട്ടില്ലേ...

അവളുടെ സുന്ദരമായ മുഖത്ത് വിരിഞ്ഞ ചിരി നോക്കാൻ പോലും അവളുടെ കണ്ണുകളിൽ നിന്നും