Chapter Title : വേദു- പങ്കിടപ്പെട്ട നാടൻ കനി 8 [ഗില്ലി ബാല]

ഭീമന്മാരായ ബോഡിഗാർഡുകൾ എന്നെത്തന്നെ തറഞ്ഞു നോക്കി നിൽപ്പുണ്ടായിരുന്നു.

അവൻ എന്നെ അല്പം ഗൗരവത്തോടെ നോക്കി:

"എന്താടോ ഈ വെളുപ്പാൻ കാലത്ത്?"

"സർ... എനിക്കൊരു റിക്വസ്റ്റ് ഉണ്ട്. നമുക്കൊന്ന് ഒറ്റയ്ക്ക് സംസാരിക്കാമോ?"

ഞാൻ വിനയത്തോടെ ചോദിച്ചു.

അവൻ ചുറ്റും നോക്കി ഒന്നു ചിരിച്ചു:

"ഇവിടെ പ്രൈവറ്റ് തന്നെയാണ് ശ്യാം! നീ പറയുന്ന ഒരു വാക്ക് പോലും എന്റെ ആളുകളുടെ നാവിൽ നിന്ന് പുറത്തു പോകില്ല. വിഷയം എന്താണെന്ന് വെച്ചാൽ പറ..."

ഞാൻ ചുറ്റും ഭയത്തോടെയും വിറയലോടെയും ഒന്ന് നോക്കി. എന്റെ ഉള്ളിലെ ആഗ്രഹം പുറത്തറിയാതെ, വളരെ സങ്കടവും ഭയവും അഭിനയിച്ചുകൊണ്ട് ഞാൻ കാര്യം പറയാൻ തുടങ്ങി.

"സർ... വേദുവിനെ നാളെ സർ എവിടേക്കാണ് മാറ്റാൻ പോകുന്നത്?"

"അത് നീ അറിഞ്ഞിട്ട് ഇപ്പോൾ എന്താ കാര്യം?"

അവന്റെ പുരികങ്ങൾ ചുളിഞ്ഞു.

"സാറിനെ വിശ്വാസമില്ലാഞ്ഞിട്ടല്ല സർ... പക്ഷേ, എനിക്ക് കൺട്രോൾ ചെയ്യാൻ പറ്റാത്ത ഒരു വലിയ പ്രശ്നമുണ്ട്,"

ഞാൻ തലതാഴ്ത്തി പറഞ്ഞു.

"അതെന്താടോ?" അവൻ കയ്യിലിരുന്ന ടവൽ വശത്തേക്ക് എറിഞ്ഞു കൊണ്ട് ചോദിച്ചു.

"സർ... അവളെ ഇവിടുന്ന് കൊണ്ടുപോയാൽ, എന്റെയോ അവളുടെയോ വീട്ടിൽ നിന്ന് വിളിച്ചാൽ ഞാൻ എന്ത് സമാധാനം പറയും? എന്നും വൈകുന്നേരം അവളുടെ അമ്മ ഫോണിൽ വിളിക്കുന്നതാണ്. ഒന്നോ രണ്ടോ ദിവസം എനിക്ക് എന്തെങ്കിലും നുണ പറഞ്ഞ് പിടിച്ചു നിൽക്കാൻ പറ്റിയേക്കും... ബാക്കി ദിവസം ഞാൻ എന്ത് ചെയ്യും? ..."

എനിക്കൊരു വലിയ അബദ്ധം പറ്റിയ മട്ടിൽ ഞാൻ സങ്കടത്തോടെ അവന് മുന്നിൽ അഭിനയിച്ചു.

അത് കേട്ട് ദേവൻ താടിക്ക് കൈകൊടുത്ത് ചിന്താകുലനായി:

"അതിന് ഞാൻ ഇപ്പോൾ എന്ത്