Chapter Title : വീണ്ടും വസന്തകാലം [മന്ദന്‍രാജ]

എതിര്‍ത്തൊരു വാക്ക് ഇതേവരെ പറയാത്ത ചേച്ചിയമ്മ പൊട്ടിത്തെറിച്ചപ്പോള്‍ ജോജി ആകെ വല്ലാതായി . എന്നാല്‍ അത് മുന്‍കൂട്ടി കണ്ട മറ്റുള്ളവരത് വക വെച്ചെയില്ല.

" നീയെങ്ങോട്ട്പോകും ...നിന്‍റെ വീട്ടിലേക്കോ ... അവിടുന്നു ഇറക്കി വിട്ടതല്ലേ നിന്നെ ...ഈ കുഞ്ഞുങ്ങളുടെ ഭാവി ഒന്നാലോചിക്ക് നീ "

അച്ചു ആകെ പതറി. എല്ലാത്തിനും ജോഷി ഉണ്ടായിരുന്നു .. ഒന്നിനും തനിച്ചു പുറത്ത് പോയിട്ട് പോലുമില്ല ..ജോക്കുട്ടന്‍ ഉണടായിരുന്നപ്പോള്‍ അവന്‍ കാണുമായിരുന്നു .. അവള്‍ നിസഹായതയോടെ ജോജി ഇരിക്കുന്നിടത്തെക്ക് നോക്കി .. ഒരു താങ്ങ് കിട്ടുമോയെന്നറിയാന്‍

' ജോക്കുട്ടാ ..ഒന്ന് പറയെടാ മോനെ ...ചേച്ചിയമ്മേനെ ഇറക്കി വിടല്ലന്നു ... ആര്‍ക്കും ഒരുപദ്രവവും ഉണ്ടാക്കാതെ ഞാനിവിടെ കഴിഞ്ഞോളാം..ഒന്ന് പറയടാ കുട്ടാ.." ജോജിയെ നോക്കി അച്ചുവത് പറഞ്ഞപ്പോള്‍ അലീസിന്റെ കൈകള്‍ അയഞ്ഞു , മാത്തച്ച്നറെയും...അച്ചു ഓടി അവന്‍റെ അരികിലെത്തി .

" ചേച്ചിയമ്മ അങ്ങോട്ട്‌ വന്നാല്‍ ഞാന്‍ പറയാം ' അച്ചുവിന്‍റെ കൈകള്‍ പിടിച്ചു ജോജി പതുക്കെ പറഞ്ഞു .

' ഞാന്‍ വരാം ... എങ്ങോട്ട് വേണേലും വരാം ... വേറെ കെട്ടാന്‍ പറയരുത് " അച്ചു തിരിഞ്ഞു അവരോടായി പറഞ്ഞു

" നിന്നെ ജോക്കുട്ടന്‍ നോക്കുവോ ? എത്ര നാള്‍ ... എന്റേം മാത്തച്ചന്റെം കാലം കഴിഞ്ഞാ പിന്നെ ഈ ഒരുമേം ഒക്കെ കാണുവോന്നാര്‍ക്കറിയാം ... നമ്മുടെ മക്കള്‍ നോക്കുവാരിക്കും ... മരൂമക്കളോ ? ങേ ?'

" ഇവന്‍റെ കൂടെ കഴിഞ്ഞോlളാം ഞാന്‍ ...ഇല്ലേ ..പറയടാ കുട്ടാ ... പറ ..ചെച്ചിയമ്മേനെ നീ ഇറക്കി വിടുവോ ? ങേ ...