Chapter Title : വേൾഡ് ഫേമസ് ഹേറ്റേഴ്‌സ് 13 [Fang leng]

ഈ പട്ടുപാവാട ഇട്ടാൽ എങ്ങനെയിരിക്കും

രൂപ : അതൊന്നും വേണ്ട നീ പോയേ ആദി

അമ്മ : അതെന്താ വേണ്ടാത്തത് നിനക്കിത് നന്നായി ചേരും ടാ ഇവള് ഇട്ടോളും

ഇത് കേട്ട ആദി രൂപയെ നോക്കി പതിയെ ചിരിച്ചു

അമ്മ : പിന്നെ നീ നന്നാക്കാൻ കുറേ സാധനങ്ങൾ ഇവിടെ വാങ്ങി വച്ചിട്ടില്ലെ അതൊക്കെ ശരിയാക്കാൻ വല്ല ഉദ്ദേശവുമുണ്ടോ ഇന്ന് രണ്ട് പേർ വന്ന് സാധനം ചോദിച്ചിരുന്നു

ആദി : ഓഹ് ഞാൻ അത് വിട്ടുപോയി ഇന്നു തന്നെ ശരിയാക്കിയേക്കാം

അന്ന് രാത്രി ആദി വീടിനു പുറത്തുള്ള ഷെഡിൽ

രൂപ : ജോലി ഇതുവരെ കഴിഞ്ഞില്ലേ

ആദി : ഇല്ല ഇപ്പോൾ തീരും അല്ല നീ എന്താ ഇവിടെ

രൂപ : കുറേ നേരമായില്ലെ പണി തുടങ്ങിയിട്ട് ഒരു ചായ തരാമെന്ന് കരുതി എന്താ വേണ്ടേ

ആദി : ഉം ഇങ്ങടുക്ക്

രൂപ ചായ മേശപ്പുറത്തെക്ക് വച്ചു ശേഷം ആദി റിപ്പയർ ചെയ്തുകൊണ്ടിരുന്ന ഫാനിലേക്ക് നോക്കി

ആദി : എന്താടി നോക്കുന്നെ

രൂപ : അപ്പൊ നിനക്ക് ശെരിക്കും നന്നാക്കാനൊക്കെ അറിയാം അല്ലേ

ആദി : അതെന്താടി അങ്ങനെ ഒരു ചോദ്യം

രൂപ : അല്ല എന്റെ ലാംബ് പൊട്ടിച്ച ആളല്ലെ അതുകൊണ്ട് ചോദിച്ചതാ

ആദി : ദൈവമേ തുടങ്ങി അവളും അവളുടെ ഒരു പൊട്ട ലാംമ്പും ദാ കണ്ടല്ലോ മിണ്ടാതെ ഇരുന്നില്ലെങ്ങിൽ ഇതിട്ട് തലക്ക് ഒന്നങ്ങ് വെച്ചു തരും

ഇത്രയും പറഞ്ഞു ആദി അടുത്തിരുന്ന ചുറ്റിക രൂപയെ കാണിച്ചു

രൂപ : എന്നാൽ അതൊന്ന് കാണണമല്ലോ

ഇതും പറഞ്ഞു രൂപ ആദിയുടെ അടുത്തേക്ക് എത്തി

രൂപ : ഉം അടിക്ക് ധൈര്യമുണ്ടെങ്ങിൽ അടിക്ക്

ഇത് കേട്ട ആദി പെട്ടെന്ന് തന്നെ രൂപയുടെ തലയിൽ കൈ മുറുക്കി ഒരു തട്ട് വച്ചു കൊടുത്തു

രൂപ : ആ.. ദുഷ്‌ടാ

ആദി : വലിയ അഭിനയമൊന്നും വേണ്ട പോയി കിടന്ന് ഉറങ്ങാൻ നോക്ക് സമയം കുറേ ആയി

രൂപ : ഞാൻ പോവില്ല നീ എന്ത് ചെയ്യും ഇനിയും അടിക്കോ