Chapter Title : വെള്ളിയാം കല്ല് 1 [Zoro]

അടുത്തിരുന്നു… സുഹറ അവൻ്റെ അടുത്തേക്ക് ഇരുന്നു താടി അവൻ്റെ ചുമലിൽ വച്ചു.

ഇക്കാ എന്താ പറ്റിയെ… ആരാ വിളിച്ചത്…. ഇങ്ങള് വല്ലാതെ വിയർത്തല്ലോ…”” ആഷിക് മറുപടിയൊന്നും പറഞ്ഞില്ല, പക്ഷെ അവൻ്റെ കണ്ണുനീർ അവളുടെ കവിളിൽ പതിഞ്ഞു.

ഇക്കാ…. ഇക്കെന്തിനാ കരയുന്നെ…. എന്താ പറ്റിയെ…””. ആഷിഖ് അങ്ങനെ പെട്ടെന്ന് കരയുന്ന പ്രകൃതമല്ല പക്ഷെ ഫോണിലൂടെ കേട്ടത് അവനെ അത്രത്തോളം ഇംപാക്ട് ചെയ്തിരുന്നു.

കരയാതെ കാര്യം പറ… ൻക്ക് പേടിയാവുന്നു..””

ആഷിക്കിൻ്റെ മുഖം അവളുടെ നേരെയാക്കിയ ശേഷം അവൻ്റെ കണ്ണുകള് തുടച്ചുവൾ…. അവൻ അവളോടെല്ലാം പറഞ്ഞു… അതോടെ അവളും കരഞ്ഞു.

എന്താ സുഹറ ഇത്… എന്നോട് പറഞ്ഞിട്ട് നീ കരയാ…. “”

എന്നാലും…””

ഒരെന്നാലുമില്ല …. നീ ഇങ്ങനെ കരഞ്ഞാൽ ഉമ്മ ഇണീക്കും… ഞാൻ എന്നാ അങ്ങോട്ട് ചെല്ലട്ടെ, നീ ഉമ്മയോട് ഇപ്പം ഒന്നും പറയണ്ട, നേരം വെളുത്തിട്ട് പറഞ്ഞാ മതി…””

ആഷിഖ് വേഗം ബാത്റൂമിൽ കയറി ഒന്ന് ഫ്രഷായി അലമാര തുറന്ന് ഒരു ടി ഷർട്ടും മുണ്ടും എടുത്തിട്ടു… പുറത്തേക്ക് ഇറങ്ങുമ്പോ അവളുടെ ചോദ്യം വന്നു..

സുഹൈൽക്കാനറിയിച്ചായിരുന്നോ…””

ഇല്ല…. അവനെ വിളിക്കണം…. വരുമോന്നറിയില്ല എന്നാലും ഞാൻ നിർബന്ധിക്കാൻ, അവനെ കൊണ്ടുവരാൻ മാക്സിമം ശ്രമിക്കാം..””

കൊല്ലം കൊറേയായില്ലെ, ഇക്കാക്ക് ഇപ്പൊഴും ദേഷ്യാവോ ഓരോടൊക്കെ…””

ഓൻ്റ സ്വഭാവം അങ്ങനെയാ ഒന്നും മറക്കില്ല…. ഞാൻ ഓനെ എന്തായാലും കൊണ്ട് വരും…””

ആഷിഖ് അവൻ്റെ വീട്ടിൽ നിന്നും ഇന്നോവയും എഴുത്ത് പുറത്തേക്ക് പോയി… ഒരു നൈറ്റി ഇട്ട് കൊണ്ട് അവന്ടെ കാറ് കണ്ണിൽ നിന്നും മായുന്നത് വരെ സുഹറ നോക്കി നിന്നു…

*********

ഹെബ്ബാഗോടിയിൽ