Chapter Title : വിഷാദതരളം… വികാരഭരിതം 4 [സ്പൾബർ]

?..

ഒരു സിഗററ്റെടുത്ത് ചുണ്ടിൽ വെച്ച് അപ്പു തീ കൊളുത്തി.. അതിന്റെ വെളിച്ചത്തിൽ ഗണേശൻ അപ്പുവിന്റെ മുഖം കണ്ടു..

കണ്ട് പരിചയമുണ്ട്..

വലിയൊന്നുമില്ലെങ്കിലും, വെറുതേ കിട്ടിയാൽ എന്തും വാങ്ങുന്ന ഗണേശൻ ഒരു സിഗററ്റ് വാങ്ങി തീ പിടിപ്പിച്ചു..

അപ്പു ആരോഗ്യവാനായ ഒരു ചെറുപ്പക്കാരനാണ്..

ഇരുപത്തെട്ട് വയസുള്ള അവിവാഹിതൻ..

പടവിന്റെ പണിയാണ് അവന്..

വലുതായിട്ടൊന്നുമില്ല,

മതില്, കക്കൂസ്, കുളിമുറി തുടങ്ങിയ ചെറിയ പണികൾ..

ഒറ്റക്കേ ഉള്ളൂ..

ഒരു ഹെൽപറുണ്ടായിരുന്നു..

അവന്റെ കാലിൽ കല്ല് വീണ് കാലൊടിഞ്ഞ് കിടപ്പിലാണ്..

അവന് പകരക്കാരനായിട്ടാണ് ബാബു, അപ്പുവിന്റെ ഹെൽപറായത്… അപ്പുവും, ബാബുവും ആദ്യമേ കൂട്ടുകാരാണ്..

ബാബുവിന്റെ പ്രശ്നങ്ങൾ ചിലതൊക്കെ അപ്പുവിനുമറിയാം..

ഈ ഗണേശന് പൈസ കൊടുക്കാനുള്ളതുമറിയാം.. അതിൽ കൂടുതൽ ഗണേശന് ആ വീടുമായുള്ള ബന്ധം അപ്പുവിനറിയില്ല..

ഗണേശൻ വീണ്ടും ചെലുത്തി..

ഇതെന്ത് കുടിയാണെന്ന് അപ്പു അന്തം വിട്ടു..

കാര്യമായെന്തോ പ്രശ്നമുണ്ട്..

ഒന്ന് ചികഞ്ഞാലോ…?..

ഏതോ പെണ്ണ് കേസെന്നാണ് തോന്നുന്നത്..

തനിക്കാണെങ്കിൽ കേൾക്കാൻ ഇഷ്ടമുള്ള വിഷയവുമാണത്..

“” അല്ല ചേട്ടാ… ഏതവളാ ചേട്ടനെ തേച്ചത്… ?””..

ഗണേശൻ തെറ്റില്ലാതെ പൂസായിരുന്നു..

മീരയോടുള്ള പക അവന്റെയുള്ളിൽ ആളിക്കത്തി..

“” അവൾ… അവളെന്നെ ചതിച്ചെടാ…

എന്റെ പത്ത് ലക്ഷം രൂപ…””..

ഗണേശന്റെ നാവ് കുഴഞ്ഞ് തുടങ്ങിയിരുന്നു..

“” ചേട്ടന്റെ പത്ത് ലക്ഷം രൂപ ഒരുത്തി പറ്റിച്ചെന്നോ… ?.

ചേട്ടൻ പുലിയല്ലേ…

ചേട്ടനെ പറ്റിക്കാൻ നമ്മുടെ നാട്ടിൽ ഒരു പെണ്ണോ… ?.

എനിക്ക് വിശ്വസിക്കാൻ പറ്റുന്നില്ല…””..

കാലിയായ ഗ്ലാസിലേക്ക് ഒന്നുകൂടി വീഴ്ത്തി അത് ഗണേശന്റെ കയ്യിലേക്ക് കൊടുത്ത് അപ്പു പറഞ്ഞു..

തനിക്ക് വേണ്ട മസാലയെല്ലാം ഈ കഥയിലുണ്ടാവുമെന്ന് അവന്