Chapter Title : യക്ഷി 7 [താർക്ഷ്യൻ]

തല ഊരാൻ നോക്കി.

“ഓഹ് ഓള്… അല്ലാഹ് കൊച്ചോ..? ഓളെ അനക്ക് കൊച്ചായിട്ടാ തോന്നീന്”..? ഷംന ദ്വയാർത്ഥത്തിൽ ഒരു പുഞ്ചിരി ഒളിപ്പിച്ചു.

ഓഹോ.. രാവിലെ തന്നെ എന്നെ പരീക്ഷിക്കാൻ തന്നെയാണ് ഇവളുടെ ഭാവം അല്ലേ.. ശരിയാക്കി തരാം..

“അവക്കടെ പ്രായം കണ്ടിട്ടാ ഞാൻ കൊച്ചെന്ന് പറഞ്ഞത്. നീ അവക്കടെ എന്ത് കണ്ടിട്ടാ കൊച്ചല്ലെന്ന് പറയണത്”..?

ചെക്ക് മേറ്റ്..! ഷംന ആകെ ഇളിഞ്ഞു.

“ഇജ്ജോന്ന് പോയാ ഇവനേ.. വായ തൊർന്നാ മറ്റേ വർത്താനേ പറയൂ”.. ഷംന ചിണുങ്ങി.

“അത് ശരി ഇപ്പൊ ഞാൻ ആയോ കുറ്റക്കാരൻ. നീ എങ്ങനെ അവളെ കണ്ടേ എന്നല്ലേ ഞാൻ ചോയ്‌ച്ചേ”

ചുമ്മാ നേരമ്പോക്കിന് ഞാൻ ചോദിച്ചു.

“അതിപ്പോ ഞമ്മള് ഓരോരുത്തരെ എങ്ങനെ കാണണം എന്നുള്ളത് ഞമ്മളെ ഇഷ്ട്ടം അല്ലെ”..? ഷംനയുടെ കുരുട്ടു റിപ്ലെ..!

“ഓഹോ അതുശരി.. എന്നാ എന്റെ കാര്യം പറ.. ഈ ഞമ്മള് എന്നെ എങ്ങനെ ആണാവോ കാണുന്നെ”..?

അവളെ ചുമ്മാ ഞൊടിയാൻ വേണ്ടി ചോദിച്ചതാണ്. അവളുടെ മറുപടി ഒന്നും കേക്കാത്തത്കൊണ്ട് ഞാൻ തല ചെരിച്ച് അവളുടെ മുഖത്തേക്ക് നോക്കി. പക്ഷെ എന്നെ അത്ഭുദപ്പെടുത്തികൊണ്ട് ആ ഹിജാബിയുടെ മുഖത്തൊരു വികാസവും കണ്ണുകളിൽ തിളക്കവും ഞാൻ കണ്ടു. ചെഞ്ചായം മുക്കിയ പനം നൊങ്ക്‌ പോലുള്ള അധരം വിറകൊള്ളുന്നു. ഉൾച്ചുണ്ട് കടിച്ച് പിടിച്ചൊരു മന്ദഹാസം അവൾ ഒതുക്കാൻ ശ്രമിക്കുന്നു. ഞാൻ ആകെ അന്തം വിട്ടു. ഇതെനിക്കൊരു  വലിയ സർപ്രൈസ് ആയിരുന്നു. കാലം കുറെ ആയി ഞാൻ ഇവളെ കാണുന്നു. ഇന്നേവരെ കാണാത്തൊരു പുതിയ ലോകം അവൾ എനിക്ക് മുന്നിൽ അനാവൃതമാക്കി..!

ഇനി ഷംനക്ക് എന്നോട്