Chapter Title : യക്ഷി 7 [താർക്ഷ്യൻ]

നേരത്തെ അറിയിച്ചിരുന്നു. അതുകൊണ്ട് പോവാതെ ഇരിക്കുന്നതാണ് നല്ലത് എന്നും. എന്നാൽ അപ്പൻ അല്ലെ ആള് അത് പുച്ഛിച്ച് പെരുന്നാൾ കൂടാൻ പോയി. ആ സമയം എനിക്ക് ഒരു പനിക്കോള് വന്നതിനാൽ ഞാനും അമ്മയും പോയില്ല. ഇവിടെ നിന്ന് പോകുമ്പോൾ തന്നെ അത്യാവശ്യം ഒന്ന് മിനുങ്ങിയാണ് അപ്പൻ ഇറങ്ങിയത്. കൂടെ അപ്പന്റെ ഒന്ന് രണ്ട് ശിങ്കിടികളും. പള്ളിപ്പറമ്പിൽ കാറിൽ വെച്ച് ബാക്കി കൂടി മിനുങ്ങിക്കാണണം പെരുന്നാളിന് ആണുങ്ങൾക്ക് ബോധം ഉണ്ടാവരുത് എന്നാണ് അപ്പന്റെ ലൈൻ. ഇനി ബാക്കി ഉള്ള ഭാഗം ദൃക്‌സാക്ഷികളുടെ വിവരണം ആണ്..

പ്രദക്ഷിണം കഴിഞ്ഞ് പള്ളിയേലും കയറിയെച്ച് കാർണിവൽ നടക്കുന്ന ഗ്രൗണ്ടിൽ നമ്മടെ വക ഇട്ട അഞ്ചാറു സ്റ്റാളിൽ ഒരു വിസിറ്റ് നടത്തി. എന്നിട്ട്, ഗ്രൗണ്ടിന്റെ അറ്റത്തുള്ള ഇരുളൻ മൂലയിലേക്ക് അപ്പനും കൂട്ടരും വലിഞ്ഞു. അവിടെയാണ് പന്നിമലർത്ത്, കുലുക്കിക്കുത്ത്, കള്ളവാറ്റിന്റെ കിളി കൗണ്ടർ എല്ലാം ഉള്ളത്.  അപ്പന് ഏതു പെരുന്നാളിനും രണ്ട് പന്നി മലർത്തിയില്ലേല് ഒരു സുഖം കിട്ടുകില്ല. ആ കലയിൽ തെറ്റാത്ത കൈത്തഴക്കം ആണ് അപ്പന്. ഇത് കാലേക്കൂട്ടി അറിയാവുന്ന അഞ്ചാറു വരത്തൻ ചട്ടമ്പികൾ അവിടെ റെഡി ആയി നിൽപ്പുണ്ടായിരുന്നു. അങ്ങനെ കളി ഹരം മൂത്ത് അങ്ങ് കേറിയപ്പോൾ അവന്മാർ ആരോ കേറ്റി വെച്ച് അപ്പനെ വലിപ്പിക്കാൻ നോക്കി അപ്പൻ കേറി ഫയർ ആയി. അതിന് കാത്തു നിന്ന അവന്മാർ നാല് ഭാഗത്തു നിന്നും ചാടി വീണു അപ്പനെ അങ്ങ് കൈകാര്യം ചെയ്യാൻ തുടങ്ങി. ആദ്യം ഉന്തും തള്ളും ആയിരുന്നെങ്കിലും കൂട്ടത്തിൽ ഒരുത്തന്റെ ചെവിക്കല്ല് നോക്കി അപ്പൻ നല്ലൊരു കുർബാന കൊടുത്തപ്പോ അവന്മാരുടെ മട്ടുമാറി. പയ്യെ ഓരോ ടൂൾസ് ആയി അവന്മാർ പുറത്ത് എടുക്കാൻ തുടങ്ങി. അപ്പന്റെ ശിങ്കിടികൾ എല്ലാം അടി കൊണ്ട് പഴംതുണി ആയി വേച്ചു വീണു. ഇതിനിട ഇടിവളയിട്ട ഒരു കൈ പപ്പക്ക് നേരെ പൊങ്ങിയത് മാത്രം ഓർമ്മയുണ്ട്… ധൂമകേതു പോലെ നമ്മടെ ഇസ്‌പേഡ്‌ എവിടെ നിന്നോ പൊട്ടി വീണു. ഇടിക്കാൻ ഓങ്ങിയവന്റെ താടിക്ക് ഒരു അപ്പർ കട്ട് കൊടുത്തതോടെ കടപുഴകിയ തെങ്ങുപോലെ ആ ചട്ടമ്പി നേർരേഖയിൽ മലന്നടിച്ച് പിന്നാക്കം വീണു. ബാക്കി