Chapter Title : ?യക്ഷിയെ പ്രണയിച്ചവൻ 6 ?[ᶜ͢ᴿ͢ᴬ͢ᶻ͢ᵞ A J R][Climax]

പഴയത് പോലെ തന്നെയുണ്ട്. നല്ലയൊരു ജീവിതം അവൾക്ക് ഇനിയും ജീവിക്കാനുണ്ട്. മുഖം കൊണ്ടല്ല, മനസ്സ് കൊണ്ട്.

അഞ്ജലി: അതിന് ആര് വരൂന്നാ നീ പറയണേ??? കാർത്തി മനസ്സ് നോക്കി ആരും അവളെ കാണാൻ വരില്ല. ആ മുഖം നോക്കിയേ എല്ലാവരും വരു. അവളുടെ മുഖം കണ്ട വരുന്നവൻ കാർക്കിച്ച് തുപ്പും.

അത്രയും പറഞ്ഞ് അവൾ പൊട്ടി കരഞ്ഞു. അപ്പഴും അവൻ ചിരിക്കുകയായിരുന്നു.

കാർത്തി: അഞ്ജലി, അഞ്ജലി എന്നെ നോക്ക്.

അവൾ മുഖം ഉയർത്തി അവളെ നോക്കി.

കാർത്തി: ഞാൻ, ഞാനുണ്ടാകും അവൾക്ക്. അവളുടെ നേർപ്പതിയായി.ഇനിയി ജീവിതവസാനം വരെയും.

കേട്ടത് വിശ്വസിക്കാനാവാതെ അഞ്ജലി കാർത്തിയെ കണ്ണിമ വെട്ടാതെ നോക്കി.

അഞ്ജലി: സത്യമാണോ, സത്യമാണോ കാർത്തി??

കാർത്തി: അതെ അഞ്ജലി. എല്ലാം നേരെയായി അവൾക്ക് ഡിസ്സ്ചാർജ് ആവുമ്പോ നിന്റെയും മനുവിന്റെയും മുന്നിൽ വച്ച് അവളെ ഞാൻ propose ചെയ്യും. എന്റെ ജീവിതത്തിലേക്ക്
ക്ഷണിക്കും.അവൾക്ക് വേണ്ടി ഇത്രയെങ്കിലും ഞാൻ ചെയ്യേണ്ടേ??

അഞ്ജലി: സന്തോഷമായി കാർത്തി എനിക്ക്. അവളുടെ സങ്കടമെല്ലാം മാറും നീ നോക്കിക്കോ.

കാർത്തി: mm ഇനി അവളൊരിക്കലും സങ്കടപ്പെടില്ല. സങ്കടപ്പെടാൻ ഞാൻ സമ്മതിക്കില്ല.

അഞ്ജലി: കാർത്തി......

കാർത്തി: എന്താടി??

അഞ്‌ജലി: എടാ എനിക്ക്.......

കാർത്തി: മനസിലായി. ചേച്ചിയില്ലാണ്ട് അനിയത്തിയുടെ നിച്ഛയം നടന്നതല്ലേ. നീ അങ്ങോട്ടേക്ക് ചെല്ല്. അവരെ കാര്യങ്ങള് പറഞ്ഞ് സമാധാനിപ്പിക്ക്.

അഞ്ജലി: ഞാൻ ഇല്ലാത്തോണ്ട് അവളെന്നോട് പിണങ്ങി ഇരിക്ക്യ. കാര്യങ്ങളൊന്നും ആർക്കും അറിയില്ലല്ലോ.

കാർത്തി: അതാ ഞാൻ പറഞ്ഞെ എനിക്കൊരു ആവശ്യം വന്നപ്പോ നീ പറഞ്ഞു, നീ പൊക്കോ ഞാനിവിടെ ഉണ്ടാവൂന്ന്. അത് തന്നെ ഞാൻ നിന്നോടും പറയുന്നു.