Chapter Title : യുഗം 10 [Achilies]

ആശാൻ മൂന്നാറിൽ നിന്ന് പെട്ടെന്ന് മുങ്ങി നാട്ടിൽ പൊങ്ങി. അവളേം അടിച്ചോണ്ട് പോയി. എല്ലാം കഴിഞ്ഞിട്ടാണ് ആഹ് മരയോന്ത് വിളിച്ചു കാര്യം പറയുന്നത്. പിന്നെ വസൂ അത്യാവശ്യത്തിനു കാശും അയച്ചു കൊടുത്തു പ്രെശ്നങ്ങൾ ഒന്ന് ഒതുങ്ങി തീരുന്നത് വരെ രണ്ടിനേം നോർത്തിൽ വസൂന്റെ ഒരു ഫ്രണ്ടിന്റെ അടുത്തേക്ക് പായ്ക്ക് ചെയ്തിരിക്കുവാണ്. അങ്ങനെ അവന്റെ കാര്യോം തീരുമാനമായി. ഇവിടെ എന്റെ കാര്യം പിന്നെ പറയണ്ടല്ലോ വസൂന്റേം ഗംഗയുടെയും വക ഇപ്പോൾ കൂച്ചു വിലങ്ങിലാണ് എന്റെ പോക്ക്. അതിനിടയിൽ ഞാൻ ഒരു അച്ഛനാവാൻ പോണു എന്ന ഏറ്റവും വലിയ സന്തോഷവും കൂട്ടിനുണ്ടെന്നു വെച്ചോളൂ. ആഹ് ദിവസം ഒരിക്കലും മറക്കാനാവില്ല. അമ്മയാവാനുള്ള ഗംഗയുടെ സമ്മത്തിനും തീരുമാനത്തിനും ശേഷം എന്റെ ജീവൻ മുഴുവൻ ഉൾകൊണ്ടത് ഗംഗയുടെ പാനപത്രമായിരുന്നു. വസുവിന്റെയും തീരുമാനം അതായിരുന്നു. ദിവസങ്ങൾ അങ്ങനെ കഴിഞ്ഞു പോയി ഗംഗയിൽ അങ്ങനെ മാറ്റമൊന്നും കാണാതിരുന്നത് ഞങ്ങളിലും ചെറിയ പേടി ഉളവാക്കിയിരുന്നു. പക്ഷെ ആഹ് ദിവസം. പതിവുപോലെ കൃഷി ഇടത്തായിരുന്നു ഞാൻ, സാധാരണ ഒരു റൗണ്ട് നനയും ഓടിച്ചുള്ള നോട്ടവുമൊക്കെ കഴിയുമ്പോ എന്നെ വട്ടു പിടിപ്പിക്കാനും എന്റടുത് കൊഞാനുമൊക്കെയായിട്ടു കെട്ടിലമ്മ എഴുന്നെള്ളാറുള്ളതായിരുന്നു ഇന്ന്

പക്ഷെ അങ്ങനെ പതിവ് സമയം കഴിഞ്ഞിട്ടും കണ്ടില്ലല്ലോ എന്നാലോചിച്ചു നിക്കുമ്പോഴാണ്, പെണ്ണ് തൊടിയിലേക്ക് വരുന്നത് കണ്ടത്. ഞാൻ നോക്കുന്നത് കണ്ടതും മുപ്പത്തിരണ്ട് പല്ലും പുറത്തു കാട്ടി ഈ എന്ന് ഇളിച്ചു എന്നെ കൊഞ്ഞനം കുത്തി കാണിച്ചു. ഞാൻ പോടീ എന്ന് കൈ പൊക്കി കാണിക്കുകയും ചെയ്തു. ഞാൻ ഒന്നു തിരിഞ്ഞു താഴെ കിടന്ന ഹോസ് ചുരുട്ടി എടുക്കാൻ കുനിഞ്ഞതും പുറകിൽ ഒരു