Chapter Title : യുഗം 14 [Achilies]

തല ചായ്ച്ചു വസുവും, എപ്പോഴോ ഞങ്ങൾ നിദ്രയെ പുൽകി.

കാതടപ്പിക്കുന്ന ഒച്ച കേട്ടാണ് ഞാൻ ഞെട്ടി ഉണർന്നത്. ഉണരുമ്പോൾ എനിക്ക് കുറച്ചു നേരത്തേക്ക് ഒന്നും മനസ്സിലാവുന്നുണ്ടായിരുന്നില്ല. ചുറ്റും നോക്കുമ്പോൾ മുറിയിൽ ആകെ വെളിച്ചം. എന്താണ് സംഭവിച്ചതെന്നറിയാതെ എഴുന്നേൽക്കാൻ ശ്രെമിച്ച എന്നെ എന്തോ ഒന്ന് വലിച്ചു നിര്ത്തുന്നു. എന്താണെന്നറിയാൻ കൈയിലേക്ക് നോക്കിയപ്പോൾ ഒരു കസേരയിൽ കെട്ടിയിട്ട നിലയിൽ ആണ് ഞാൻ എന്ന് മനസ്സിലായി മുറിയിലാകെ കണ്ണോടിച്ചപ്പോൾ കട്ടിൽ കണ്ടു അതിൽ വസൂ കിടക്കുന്നു, അവളുടെയും കയ്യും കാലും കട്ടിലിനോട് ചേർത്ത് കെട്ടിയിട്ടുണ്ട്.
എഴുന്നേൽക്കാൻ നോക്കുമ്പോൾ കൈ മുറുകി ഒന്ന് ഞെരങ്ങാനെ കഴിയുന്നുള്ളൂ അടക്കാനാവാത്ത വേദനയോടും തികഞ്ഞ അമ്പരപ്പോടും കൂടിയാണ് ഞാൻ കട്ടിലിലേക്ക് നോക്കിയത്, എന്താണ് സംഭവിച്ചതെന്ന് ഒരു സൂചന പോലും എനിക്കില്ല പക്ഷെ ഒട്ടും വൈകാതെ എനിക്ക് പിന്നിൽ നിന്നും ഒരാൾ മുന്നിലേക്ക് നടന്നു കയറി, എന്നെ നോക്കി ചിരിച്ച ആഹ് രൂപത്തിന് വിജയുടെ
മുഖമായിരുന്നു...കട്ടിലിനടുത്തേക്ക് നടന്നു കയറിയ അവൻ വികട ചിരിയോടെ എന്നെ നോക്കി പിന്നെ വസുവിന്റെ മേലെ നിന്ന് സാരിത്തുമ്പ് വലിച്ചു മാറ്റി....

"ആഹ്........."

പറ്റാവുന്നത്ര ഉച്ചത്തിൽ ഞാൻ അലറി വിളിച്ചു.
ഒരു നിമിഷം ഒരു കയത്തിൽ നിന്ന് എടുത്തെറിയപ്പെട്ടത് പോലെയാണ് ഞാൻ ഞെട്ടി ഉണർന്നത്. ശ്വാസം കിട്ടാതെ ആഞ്ഞു അഞ്ചാറു തവണ വലിച്ചപ്പോഴാണ് ഞാൻ എഴുന്നേറ്റത് ഒരു വൃത്തികെട്ട സ്വപ്നത്തിൽ നിന്നുമാണെന്ന ബോധ്യം പോലും ഉണ്ടായത്. തൊണ്ടയിലെ ഉമിനീര് വറ്റിപ്പോയ നേരത്തും ഞാൻ എന്റെ ഇടവും വലവും തപ്പി എന്റെ രണ്ട് ജീവനും എനിക്കൊപ്പമുണ്ടെന്നു ഉറപ്പിച്ചു. ശ്വാസം നേരെ വീഴുന്നത് വരെ ഞാൻ ഇരുന്നു,