Chapter Title : യുഗം 16 [Achilies] [Climax]

ഒരുമിച്ചായിരുന്നു.

"ന്താ …..ഇച്ചേയി ഇപ്പോൾ പറഞ്ഞെ…."

ഒരു നിമിഷം കൊണ്ട് ഗംഗയുടെ സ്വരവും മുഖവും മാറി അവളുടെ കണ്ണിൽ നേരത്തെ നിന്നിരുന്ന സന്തോഷത്തിന്റെ നീർമുത്തുകൾക്ക് ഇപ്പോൾ ആഴമുള്ള കടലിലെ സങ്കടത്തിന്റെ ഉപ്പിൽ നീറി തുടങ്ങിയിരുന്നു.

"ഇവൾക്ക് ഇച്ചേയി അമ്മായിയാ…...അപ്പോൾ ഞാനും ഇച്ചേയിയും ഒന്നാണെന്ന് പറഞ്ഞതൊക്കെ വെറുതെയാ...ഇവൾക്ക് മൂന്ന് അമ്മമാരാണെന്നു ഞാൻ വയറ്റിൽ വെച്ചേ ഇവളോട് പറഞ്ഞു കൊടുത്തതൊക്കെ കള്ളമാണെന്ന ഇച്ചേയി...പറേണേ…."

ശബ്ദത്തിൽ സങ്കടം കയറിക്കൂടി പലതും ഏങ്ങലടിച്ചു ഗംഗ പറഞ്ഞപ്പോൾ വിറക്കുന്നുണ്ടായിരുന്നു.

"അങ്ങനെ നിക്ക് മാത്രോയിട്ടു അമ്മാവണ്ടാന്നു ഞാൻ പറഞ്ഞേലെ….പിന്നെ ഇപ്പൊ എന്താ….."

അത് കൂടി കേട്ടതോടെ വസൂ കരഞ്ഞു കൊണ്ട് ഗംഗയുടെ നെഞ്ചിലേക്ക് അലച്ചു തല്ലി വീണു കരച്ചിലായി.

"നീ എന്റെയല്ലെ….മോളെ...ഞാൻ അപ്പോൾ പെട്ടെന്നു പറഞ്ഞു പോയി...നിക്കറിയില്ല ദേവി ഞാൻ എങ്ങനാ അത് പറഞ്ഞതെന്ന്….ന്റെ മോളാ ഇവള് മനസ്സ് കൊണ്ട് ഞാനും കൂടിയ പെറ്റത്….ഞി ഞാൻ പറയൂല്ല...മനസ്സിൽ കൂടെ ഓർക്കുല്ല…."

രണ്ടും കൂടി പതം പറഞ്ഞു കരയുമ്പോൾ വെറുതെ നോക്കി ഇരിക്കാനെ എനിക്കും ഹേമേട്ടത്തിക്കും കഴിഞ്ഞുള്ളു.

"പോയി നിന്റെ കൊച്ചിനെ എടുക്കെടി ഇച്ചേയി….എന്നിട്ടു ആഹ് മുല കൊടുക്ക് അവളറിയട്ടെ നിന്റെ ചൂട്."

അവസാനം ഗംഗ അത് പറഞ്ഞു വസൂന്റെ കവിളിൽ ഒന്ന് കുത്തിയപ്പോൾ തടിച്ചി ഒന്ന് നാണിക്കുന്നതും പിന്നെ പതിയെ എഴുന്നേറ്റു കുഞ്ഞിനെ കയ്യിലെടുത്തു മാറിലെ ചൂടിലേക്ക് ചേർത്ത് നെറ്റിയിൽ പതിയെ ഒരു കുഞ്ഞു മുത്തം നൽകി.

"വാവേട അമ്മയാട്ടോ……."

തിളങ്ങുന്ന രണ്ടിറ്റു പൊഴിച്ച് വസൂ നിർവൃതിയോടെ കുഞ്ഞിന്റെ കാതിൽ പറയുന്നത് ഞങ്ങൾ എല്ലാം കണ്ടിരുന്നു.

"മീനു എന്ത്യെ...ഇച്ചേയി….കൊച്ചിനെ എവിടാക്കി.."

ഗംഗ പെട്ടെന്നത് ചോദിച്ചപ്പോൾ ഞാൻ