Chapter Title : യുഗം 7 [Achilies]

രാത്രി സ്ഥിരം ടി വി കാണൽ പരിപാടിയിലായിരുന്നു ഞാനും ബാക്കി രണ്ടും. "ഒരു കാതിലോല ഞാൻ കണ്ടീല തിരു താലി വെച്ചതും കണ്ടീല കളവാണിയം കിളിയെ ഓർത്തീല അകലെ." ഗംഗ പെണ്ണിന്റെ ഫേവരിറ് മൂവിയും ഫേവരിറ് പാട്ടുമാണ് അതോണ്ട് തന്നെ സെറ്റിയിലിരിക്കുന്ന എന്റെ തുടയിൽ തലയും വെച്ച് കണ്ണും മിഴിച്ചു ഇരിപ്പുണ്ട്. ഒന്ന് വട്ടു പിടിപ്പിക്കാനായി ചാനൽ മാറ്റിതും. "ഹൗ........വിടടി നോവുന്നു..." പെണ്ണ് തുടയിൽ കടിച്ചതാണ്,ചാനൽ മാറ്റി വെട്ടം ഇട്ടു കൊടുത്തതും കടിച്ചിടത്തു ഒന്ന് തലോടി പഴയ പടി ഇരിപ്പായി. ഒരാള് ഇതൊന്നും കേട്ടിട്ടും അനങ്ങാതെ ഇരിക്കുന്നത് കണ്ട് നോക്കുമ്പോൾ എന്റെ നെഞ്ചിൽ മുഖം പൂഴ്ത്തി എന്നെ ചുറ്റിപ്പിടിച്ചു ഇളം നീല ബ്ലൗസിലും സാരി പാവാടയിലും ഒരാൾ ഇരുന്നുറങ്ങുന്നു. അല്ലെങ്കിലും പീരിയഡ് ദിവസങ്ങളിൽ ഹോസ്പിറ്റലിലെ ഷിഫ്റ്റ് കൂടി കഴിഞ്ഞാൽ വസൂ ആകെ ടയെർഡ് ആയിരിക്കും. ഒരു കുഞ്ഞിനെ പോലെ എന്നെ ചുറ്റിപ്പിടിച്ചു കിടന്നുറങ്ങുന്ന വസൂനെ കണ്ടപ്പോൾ എനിക്ക് പാവം തോന്നി. താഴെ ഇരുന്ന ഗംഗയെ തോണ്ടി ഞാൻ ഭക്ഷണം എടുത്തു വെക്കാൻ പറഞ്ഞു.

"നീ വിളമ്പി വെച്ചോ ഞാൻ ഇവളേം കൂട്ടി വരാം അല്ലേൽ ഈ തടിച്ചിക്കുട്ടി ഇന്ന് അത്താഴപ്പട്ടിണി കിടക്കും." ഞാൻ പറഞ്ഞത് കേട്ടതും ഗംഗ വാസുകിയെ നോക്കി അവളുടെ മുടിയിൽ തഴുകി അകത്തേക്ക് പോയി. ഞാൻ അവളെ ഒന്നടർത്തി മാറ്റാൻ ശ്രേമിച്ചപ്പോൾ വസൂ ഒന്ന് മുനങ്ങി ഉണർത്താൻ മനസ്സ് വന്നില്ല പക്ഷെ എന്തേലും കഴിപ്പിച്ചില്ലേൽ നാളെ ആള് തല പൊക്കില്ല. നെഞ്ചിൽ നിന്നും മാറ്റുമ്പോൾ നെഞ്ചിൽ അവളുടെ ഊറി ഇറങ്ങിയ ഉമിനീർ നനച്ചിരുന്നു. "മോളെ