താര ദേവി 013 [ഡോ.കിരാതൻ] 41

—————————————————————————-

അങ്ങനെ ആ വന്യമായ രാത്രിയുടെ നിശബ്ദതയിൽ പുതിയ കോട്ടേജിനുള്ളിൽ രാജേഷും താരയും തങ്ങളുടെ കെണികൾ നെയ്തുകൂട്ടി. നേരം പുലരാൻ ഇനി ഏതാനും മണിക്കൂറുകൾ മാത്രമേ ബാക്കിയുണ്ടായിരുന്നുള്ളൂ. കാടിന്റെ വന്യമായ തണുപ്പും അരിച്ചെത്തിയ മഞ്ഞും ആ റിസോർട്ടിനെ പൂർണ്ണമായും മൂടിയിരുന്നു.

പിറ്റേന്ന് രാവിലെ ഏകദേശം എട്ട് മണിയായപ്പോഴേക്കും അപ്പുറത്തെ കോട്ടേജുകളുടെ ഭാഗത്തുനിന്നും വണ്ടികൾ വന്നു നിൽക്കുന്ന ശബ്ദവും ആളുകളുടെ ബഹളവും കേട്ടുതുടങ്ങി.

രാജേഷ് വേഗം എഴുന്നേറ്റ് ജനാലയിലൂടെ പുറത്തേക്ക് നോക്കി. വളരെ ദൂരെ പോലീസ് ജീപ്പ് നിൽക്കുന്നു.

അരവിന്ദ് പറഞ്ഞതുപോലെ തന്നെ കാര്യങ്ങൾ നടന്നിരിക്കുന്നു. രണ്ട് പോലീസ് ജീപ്പുകൾ റിസോർട്ടിന്റെ മുന്നിൽ വന്നു നിന്നിട്ടുണ്ടായിരുന്നു.

പോലീസുകാർ ആ കോട്ടേജിന്റെ വാതിൽ ബലമായി തള്ളിത്തുറന്ന് അകത്തേക്ക് കയറുന്നത് ദൂരേ നിന്ന് രാജേഷ് കണ്ടതും അവൻ അമ്മയെ വിളിച്ചു.

“… ദേ …. പോലീസുകാർ വന്നീട്ടുണ്ട് കേട്ടോ …”.

“….. ഞാനും വരുന്നെടാാാ …”. പുറത്തേക്കിറങ്ങിയ രാജേഷിൻ്റെ ഒപ്പം ഇറങ്ങിയ താര പറഞ്ഞു.

അവർ അൽപ്പം മാറി നിന്ന് ആ കോട്ടേജിൻ്റെ ഭാഗത്തേക്ക് നോക്കി.

കുറച്ചു കഴിഞ്ഞപ്പോൾ തലയിൽ കൈവെച്ച് വിയർത്തു കുളിച്ച് നിൽക്കുന്ന സുകുമാരനെയും, കൈവിലങ്ങണിഞ്ഞ ജോണിനെയും ഫ്രെഡിയെയും പോലീസുകാർ പുറത്തേക്ക് ഇറക്കി.

അവരുടെ ബാഗുകളിൽ നിന്നും മാരകമായ സിന്തറ്റിക് ലഹരിമരുന്നുകൾ പോലീസ് കണ്ടെടുത്തു കഴിഞ്ഞിരുന്നു.