തുടക്കവും ഒടുക്കവും 4 [ശ്രീരാജ്] 261

മഞ്ജിമ യന്ത്രികമായി ഫാത്തിമയുടെ പിന്നാലെ നടന്നു. താഴെ തന്നെ ഉള്ള റൂമിൽ ഫാത്തിമയുടെ പിറകെ നടന്നു കയറിയ മഞ്ജു കണ്ടു വയസ്സായി തൊലി ചുളിഞ്ഞു കട്ടിലിൽ മുകളിലോട്ട് നോക്കി കിടക്കുന്ന സ്ത്രീയെ.

മൂത്രം പോവാൻ അടക്കം ട്യൂബ് ഇട്ടിരുന്ന സ്ത്രീയുടെ തലയുടെ അടുത്ത് തന്നെ ചെന്നു ഫാത്തിമ ഇരുന്നു നെറ്റിയിൽ ഉമ്മ വച്ചു കുറച്ച് കുശലന്വേഷണങ്ങൾ നടത്തി ഫാത്തിമ.

വാതിൽ തുറന്ന പെൺകുട്ടി റൂമിലേക്ക്‌ കടന്നു വന്നു. ഫാത്തിമ ആ കുട്ടിയോട് ഉമ്മാക്ക് ഭക്ഷണം കൊടുത്തോ, മരുന്ന് കൊടുത്തോ, പാഡ് മാറ്റിയോ എന്ന് എല്ലാം ചോദിച്ചു..

എല്ലാറ്റിനും ചെയ്തു എന്നുള്ള ഉത്തരം കിട്ടിയ ഫാത്തിമ തന്റെ ഉമ്മയോട് പോയി വരാട്ടോ എന്നു പറഞ്ഞു റൂമിൽ നിന്നും മഞ്ജിമയെ കൂട്ടി പുറത്തു ഇറങ്ങി. അതിനിടയിൽ ഫാത്തിമ പറഞ്ഞു : സ്ട്രോക് വന്നതാണ് 5 വർഷം മുൻപ്, അതിനു ശേഷം ഈ കിടപ്പാണ്. ഓർമ പോലും ഇല്ല..

പിറകെ വന്ന പെൺകുട്ടി ചോദിച്ചു : ഇത്ത, ഭക്ഷണം..

ഫാത്തിമ : വേണ്ട, പുറത്തു നിന്നും കഴിച്ചോണ്ട്. മഞ്ജുവിന് എന്തെങ്കിലും കുടിക്കാൻ എടുക്കു. ജ്യൂസ്‌ മതി.

ഫാത്തിമ : അല്ല മഞ്ജു ഫ്രഷ് ആവണ്ടേ.

മഞ്ജിമ : വീട്ടിൽ എത്തിയിട്ട്..

ഫാത്തിമ : സമയം ആവും അപ്പോഴേക്കും. ഇപ്പോഴേ 7 മണി അവറായി. പിന്നെ ഇന്ന് ഇളം ചൂട് വെള്ളത്തിൽ മേല് കഴുകാൻ മാത്രേ പാടൂ. തല നനക്കരുത്, അതെ പോലെ സോപ്പ് ഉപയോഗിക്കരുത്.

മഞ്ജു : മ്മ്..

ഫാത്തിമ : എന്നാൽ വാ…

ഫാത്തിമ മുന്നിൽ നടന്നു പിറകിലായി മഞ്ജുവും. പടികൾ കയറി മുകളിലേക്കു നടക്കുമ്പോൾ ചുവരിൽ തൂക്കിയിട്ടുള്ള വലിയ ഫോട്ടോ പോർട്രൈറ്റുകൾ നോക്കി. ഫാത്തിമ ഒന്ന് നിന്നു പറഞ്ഞു : ഇതാണ് മക്കൾ, ഫർഹാൻ, ഫിദ.. രണ്ട് പേരും ഡോക്ടറിനു പഠിക്കുന്നു..

ഫാത്തിമ നടപ്പ് തുടർന്നു, പിന്നെയും ഉണ്ടായിരുന്നു പോർട്രൈറ്റുകൾ, ഫാത്തിമ പേര് കേട്ട സിനിമ നടന്മാരുടെ ഒപ്പം ഉള്ള ചിത്രങ്ങൾ….

മുകളിൽ ഒരു റൂം തുറന്നു ഫാത്തിമക്ക് പിന്നാലെ മഞ്ജുവും ഉള്ളിൽ കയറി. അവിടെ ഉള്ള അറ്റാച്ഡ് ബാത്‌റൂമിൽ ആദ്യം തന്നെ കയറിയത് ഫാത്തിമ ആയിരുന്നു. ബാത്‌റൂമിൽ നിന്നും ഇറങ്ങി ഫാത്തിമ പറഞ്ഞു : ടെമ്പേരചർ സെറ്റ് ചെയ്തിട്ടുണ്ട്. 5 മിനിറ്റ് വെള്ളം ചൂടാവും. ഒരു ടവൽ എടുത്തു കയ്യിൽ കൊടുത്തു ഫാത്തിമ പറഞ്ഞു : പറഞ്ഞത് മറക്കരുത് തല നനക്കരുത്, സോപ്പ് ഉപയോഗിക്കരുത്. ഏകദേശം ഒന്ന് ഒന്നര ലക്ഷം രൂപയുടെ വർക്ക്‌ ആണ് മഞ്ജിമയെ ഇന്ന് ചെയ്തിട്ടുള്ളത്…