ഞാൻ ആണേൽ ആ കോപ്പിലെ മോതിരം അതിൽ നിന്ന് തോണ്ടി എടുക്കാൻ പെടപ്പാട് പെടുകയായിരുന്നു. വേറെ ഒന്നും എന്റെ മനസ്സിൽ അപ്പോൾ ഇല്ലായിരുന്നു. ഒരു വിധം ഞാൻ അത് തോണ്ടി പുറത്ത് എടുത്തു.. അപ്പോളാണ് ആശ്വാസം ആയത്..
ആ മോതിരം ഞാൻ സൂക്ഷിച്ചു നോക്കി. സ്വർണം അല്ല.. മോതിരത്തിൽ ഒരു ചുവന്ന കല്ല് പതിച്ചിട്ടുണ്ട്. ഇതിന് അത്ര മാത്രം വില വരുമോ ..? ഇത് ഊരി എടുക്കാൻ തോന്നിയ അവന്റെ ഐഡിയ ഓർത്തു എനിക്ക് അരിശം വന്നു.. വിരലിൽ ഇട്ടു നോക്കുമ്പോ പോലും അത്ര ഭംഗി ഒന്നുമില്ല. വലിയ പ്രായം ഉള്ളവർ ഒക്കെ ഇടുന്ന ടൈപ്പ് കല്ല് വച്ച മോതിരം..
മോതിരത്തിന്റെ ഭംഗി നോക്കി നിൽക്കുമ്പോ ആണ് പുറത്തു ആരോ എത്തിയത് ഞാൻ മനസിലാക്കിയത്. ഞാൻ പതുക്കെ വാതിലിന് അടുത്തേക്ക് ചെന്നു.. രോഹനാണ്.. നാശം.. ഞാൻ പുറത്തു കടക്കാൻ വൈകി..
ഞാൻ പുറത്തേക്ക് ഇറങ്ങാൻ തുടങ്ങുന്നതിനു മുമ്പ് തന്നെ രോഹൻ അകത്തേക്ക് കയറി. കൂടെ വേറെ കുറച്ചു പേരും ഉണ്ട്.. എന്ത് ചെയ്യണം എന്നറിയാതെ ഞാൻ ഒന്ന് പകച്ചു.. എന്തിന് അകത്തു കയറി എന്ന് ചോദിച്ചാൽ എന്ത് പറയും. ഇന്ന് പണി കിട്ടിയത് തന്നെ. ഒന്നാമത് താരയുടെ വിഷയം ആയി എനിക്ക് ഇവിടെ ഒരു ഇമേജ് നഷ്ടം ആയതാണ്. ഇനി ഇതോടെ ആയാൽ..? ഞാൻ പതിയെ പിന്നിലേക്ക് മാറി.. അകത്തെ ചെയറിന് പിന്നിൽ കുനിഞ്ഞു ഇരുന്നു..
മൂന്നാല് പേര് അകത്തു കയറി. അവരുടെ സംസാരം എനിക്ക് കേൾക്കാം.. രോഹന്റെ ഇന്റർവ്യൂ എടുക്കാൻ വന്ന ഏതോ ഓൺലൈൻ മീഡിയ ചാനലുകാർ ആണ്. ക്യാമറ സെറ്റ് ചെയ്തു അവർ ഇന്റർവ്യൂ സ്റ്റാർട്ട് ചെയ്തു. എന്തോ ഭാഗ്യത്തിന് എന്നെ ഇത് വരെ അവർ കണ്ടില്ല. Anchor രുക്സാനി ആണ് ഇന്റർവ്യൂ എടുക്കുന്നത്..
super😊