വശീകരണ മന്ത്രം 15 [ചാണക്യൻ] 502

മായാമോഹിനി മനോഹരമായ പുഞ്ചിരി പൊഴിച്ചു കൊണ്ട് പറഞ്ഞു.

അപ്പൊ ദേവന്റെ ജന്മ നിയോഗമെന്ത്? അഥർവ്വന്റെയോ?

ശിഷ്യൻ കൗതുകത്തോടെ ചോദിച്ചു.

ദേവന്റെ ജന്മ നിയോഗം എന്തായിരിക്കും? ശിഷ്യന്റെ നിഗമനം എന്താണ്? പറയൂ നാം കേക്കട്ടെ

കൈകൾ പിണച്ചു വച്ചു കൊണ്ടാണ് സ്വാമിനി ചോദിച്ചത്

അതിൽ എന്താണിത്ര സംശയം……. ഭൂമി പൂജ തന്നെ……. ഭൂമി പൂജ പങ്കെടുക്കാൻ തയാറെടുക്കവേയല്ലേ അവിചാരിതമായി ദേവൻ കൊല്ലപ്പെട്ടത്……. അപ്പൊ ദേവൻ പുനർജ്ജനിച്ചത് ഭൂമി പൂജയ്ക്ക് വേണ്ടി തന്നെയാവും…….. ശരിയല്ലേ

ശിഷ്യൻ ഗൗരവത്തോടെ പറഞ്ഞു.

ഹ…….. ഹ……… ഹ അങ്ങനെ എങ്കിൽ ഞാനൊരു ചോദ്യം ചോദിക്കട്ടെ

ഹ്മ്മ് ചോദിച്ചോളൂ.

ഭൂമി പൂജയ്ക്ക് വേണ്ടിയാണ് ദേവൻ പുനർജനിച്ചതെങ്കിൽ എന്തുകൊണ്ട് ദേവനൊരു ദുരാത്മാവ് ആയി മാറി?

അത്‌……. പ്…… പിന്നെ

ശിഷ്യന് പൊടുന്നനെ ഉത്തരം മുട്ടി.

നമ്മുടെ പ്രിയ ശിഷ്യാ ശ്രവിച്ചാലും……. ദേവൻ ഒരു ദുരാത്മാവ് ആയി പുനർജനിച്ചത് കേവലം ഭൂമി പൂജയ്ക്ക് വേണ്ടിയായിരുന്നില്ല…….അവന്റെ പ്രതികാരം നടപ്പിലാക്കാൻ മാത്രമാണ്…… പ്രതികാരവും സംഹാരവും ആണ് ആ ദുരാത്മാവിന്റെ ലക്ഷ്യം…… അതിനാലാണ് ആ ദുരാത്മാവിന്റെ ഗുണഗണങ്ങൾ അനന്തുവിന് കിട്ടാതിരിക്കാൻ ആ സത് ആത്മാവ് ശ്രമിച്ചുകൊണ്ടേയിരുന്നത് ഇക്കാലമത്രയും…. എന്നാൽ കുലശേഖരന്റെ അടിമയായ ദുർ ഭൂതത്തിന്റെ പ്രഹരം കിട്ടിയതോടെ ആ കെട്ടുപാടുകൾ തകർക്കപ്പെട്ടു…… ഇനി ദേവനെ തളക്കുക അസാധ്യം.

മായാമോഹിനി പതിയെ പറഞ്ഞു നിർത്തി.

അപ്പൊ ദേവന്റെ പ്രതികാരം നടക്കുമെന്ന് ഉറപ്പായി….. അപ്പൊ അഥർവ്വന്റെ ആത്മാവോ? അഥർവ്വന്റെ ജന്മ നിയോഗം എന്താണ്? സത് ആത്മാവ് ആയോണ്ട് ദേവനെ പോലെ പ്രതികാരം ആയിരിക്കില്ലല്ലേ?

ശിഷ്യൻ ചിരിയോടെ ചോദിച്ചു.

ഹ……. ഹ……… ഹ ദേവൻ പ്രതികാര ദാഹിയായ ദുരത്മാവ് ആണേൽ അഥർവ്വൻ ദുരാത്മക്കളുടെ മൂർത്തിയായിട്ട് വരും ഹ…… ഹ…….. ഹ

മായാമോഹിനി പറഞ്ഞത് മനസിലാവാതെ ശുഷ്യൻ മുഖം ചുളിച്ചു.

അതെന്താ സ്വാമിനി അങ്ങനെ?

അതങ്ങനെയാണ് ശുഷ്യാ……. അനന്തുവിന്റെ ശരീരത്തിൽ കുടി കൊള്ളുന്നത് അഥർവ്വന്റെ അർദ്ധ കായ ആത്മാവ് ആണ്…….. ആത്മാവിന്റെ സാത്വികമായ നേർ പകുതിയാണ് അനന്തുവിൽ ഉള്ളത്

അപ്പൊ മറു പകുതി?

ശിഷ്യൻ സംശയത്തോടെ ചോദിച്ചു.