ഡെലിവറി ബോയ് ഡയറി 2

Delivery Boy diary Part 2 | Author: Sahil

[ PREVIOUS PART ] [ WWW.KKSTORIES.COM ]

അന്ന് ഹോട്ടലിൽ വെച്ച് അനുവിനെ കണ്ട സംഭവം എന്റെ മനസ്സിൽ കുറേ നേരം നിന്നു. സത്യത്തിൽ അവൾ എന്നെ അത്ര ശ്രദ്ധിക്കുമെന്ന് ഞാൻ കരുതിയിരുന്നില്ല.

പക്ഷേ ജീവിതം അവിടെ നിർത്തിയില്ല. ഡെലിവറി ജോലിയിൽ ഓരോ ദിവസവും ഓരോ അനുഭവങ്ങളായിരുന്നു.

ചില ദിവസങ്ങളിൽ നല്ല ടിപ്പും കിട്ടും, ചില ദിവസങ്ങളിൽ മഴയിൽ നനഞ്ഞ് വണ്ടി ഓടിക്കണം. ചില വീടുകളിൽ ആളുകൾ വളരെ സ്നേഹത്തോടെ പെരുമാറും. ചിലർ വാതിൽ തുറന്ന് ഫുഡ് വാങ്ങി ഒരു നോക്ക് പോലും നോക്കാതെ അടയ്ക്കും.

ഒരു ദിവസം രാത്രി ഡെലിവറി പോകുമ്പോൾ ഒരു കോളേജ് പെൺകുട്ടികളുടെ ഫ്ലാറ്റിൽ ഓർഡർ കിട്ടി. ബെൽ അടിച്ചപ്പോൾ അകത്ത് നിന്ന് മുഴുവൻ ചിരിയും ബഹളവും കേൾക്കാം. വാതിൽ തുറന്നത് ഒരു പെൺകുട്ടിയായിരുന്നു. പിന്നിൽ നാല് അഞ്ചുപേർ കൂടി ഇരുന്ന് സിനിമ കാണുകയായിരുന്നു.

“ചേട്ടാ… ഒരു മിനിറ്റ്,” എന്ന് പറഞ്ഞ്

അവൾ അകത്തേക്ക് പോയി.

ഞാൻ പുറത്തു നിൽക്കുമ്പോൾ അകത്ത് നിന്ന് ഒരുത്തി പറഞ്ഞു,

“ഡെലിവറി ബോയ് ക്യൂട്ട് ആണല്ലോ.”

അത് കേട്ടപ്പോൾ ഞാൻ ചിരി ഒളിപ്പിച്ചു നിന്നു.

കുറച്ച് കഴിഞ്ഞ് അവൾ വന്ന് പണം തന്നു. പോകുമ്പോൾ പിന്നിൽ നിന്നൊരുത്തി “താങ്ക്യൂ ചേട്ടാ” എന്ന് നീട്ടി വിളിച്ചു.

ഇങ്ങനെയുള്ള ചെറിയ ചെറിയ കാര്യങ്ങളായിരുന്നു ആ ജോലിയുടെ രസം. വീട്ടിൽ കുത്തിയിരുന്ന് മടുത്ത എനിക്ക്, ഓരോ ദിവസവും പുതിയ ആളുകളെയും പുതിയ അനുഭവങ്ങളെയും കാണാൻ പറ്റുന്നുണ്ടായിരുന്നു.