ഡെലിവറി ബോയ് ഡയറി 1 [സാഹിൽ] 177

പക്ഷേ ഇന്ന് വീട്ടിൽ ഒരു പ്രത്യേക നിശ്ശബ്ദതയായിരുന്നു. അകത്ത് ആരുടേയും ശബ്ദമൊന്നും കേൾക്കുന്നില്ല. അവൾ വീട്ടിൽ ഒറ്റയ്ക്കാണെന്ന് എനിക്ക് തോന്നി.

അവൾ ഫുഡ് വാങ്ങുന്നതിനിടയിൽ പെട്ടെന്ന് എന്നെ നോക്കി ചോദിച്ചു,

“എവിടെയായിരുന്നു ഇത്രയും ദിവസം,  ഒരു വാരത്തോളമായി കണ്ടില്ലല്ലോ.”

ആ ചോദ്യം കേട്ടപ്പോൾ ഞാൻ ഒന്ന് അമ്പരന്നു. സത്യത്തിൽ അവൾ എന്നെ ശ്രദ്ധിച്ചിരുന്നോ എന്നൊരു സന്തോഷവും, അതേ സമയം ചെറിയൊരു കൺഫ്യൂഷനും തോന്നി.

“ചെറിയ പനി ഉണ്ടായിരുന്നു. അതുകൊണ്ട് ഒരു വാരം ഓഫ് എടുത്തതാ,” ഞാൻ പറഞ്ഞു.

അവൾ ഉടനെ ചോദിച്ചു,

“ഇപ്പൊ ഒക്കെയാണോ? കോവിഡ് ടെസ്റ്റ് ചെയ്തിരുന്നോ?”

ഞാൻ “നെഗറ്റീവ് ആയിരുന്നു… ഇപ്പൊ ഒക്കെയാ,” എന്ന് പറഞ്ഞപ്പോൾ അവൾ ചെറിയൊരു ആശ്വാസത്തോടെ തലകുലുക്കി.

“ഓക്കേ… എന്നാൽ സീ യു,” എന്ന് പറഞ്ഞ് അവൾ ചെറിയൊരു ചിരിയോടെ അകത്തേക്ക് കയറി വാതിൽ അടച്ചു.

പക്ഷേ ഞാൻ തിരിച്ചു പോകുമ്പോൾ എന്റെ മനസ്സ് മുഴുവൻ അവളിലായിരുന്നു.

എന്തിനാണ് അവൾ എന്നെക്കുറിച്ച് ചോദിച്ചത്?

ഞാൻ വെറുമൊരു ഡെലിവറി ബോയ് അല്ലേ…

അല്ലെങ്കിൽ… അവളും എന്നെ ശ്രദ്ധിക്കുന്നുണ്ടോ?

ആ ദിവസം മുഴുവൻ അവളുടെ ആ ചോദ്യം തന്നെയായിരുന്നു എന്റെ മനസ്സിൽ തിരിഞ്ഞുകൊണ്ടിരുന്നത്.

അടുത്ത ദിവസം ഞാൻ ഒരു ഹോട്ടലിൽ നിന്ന് ഓർഡർ പിക്ക് ചെയ്യാൻ നിൽക്കുകയായിരുന്നു. അപ്പോഴാണ് പെട്ടെന്ന് അനുവിനെ അവിടെ കാണുന്നത്. കൂടെ അവളുടെ ഭർത്താവും ഉണ്ടായിരുന്നു — മുമ്പ് അവളുടെ വീട്ടിൽ കണ്ട അതേ ആളെ.

അവർ ഭക്ഷണം കഴിക്കാൻ വന്നതാണെന്ന് തോന്നി. അയാൾ ഫോണിൽ ആരോടോ സംസാരിച്ച് തിരക്കിലായിരുന്നു.