കാഞ്ഞിരക്കുറ്റി 8 [ലസ്റ്റർ] 144

ഈ നാട്ടിൽ തന്നെ ഇത്ര അഴകും ആരോഗ്യവും ശരീരവടിവും ഉള്ള മറ്റൊരു ചെറുപ്പകാരിയില്ല, എന്നിട്ടും ആ ഭാര്യയെ അടുത്ത് നോക്കുകുത്തിയെ പോലെ കിടത്തി തന്റെ ശരീരത്തിൽ കാണിച്ചുകൂട്ടിയ മാരണങ്ങൾ. ഈശ്വരാ, ചെറുപ്പക്കാർക്ക് ഇത്ര ആക്രാന്തവും ഉറപ്പും കരുത്തും കാണുമല്ലേ..?

വാഹിദ് ആതിരയുമായി കുറേ വാഗ്വാദം നടത്തിയതിനു ശേഷമാണ് മീനാക്ഷിയെ കൂട്ടി പാറത്തൊടി തറവാട്ടിലേക്ക് പോയി നോക്കാൻ ഇറങ്ങിപ്പുറപ്പെട്ടത്. എന്തിന് മീനാക്ഷിയെ കൂട്ടണം എന്ന് അവൾ ചോദിച്ചപ്പോൾ ആ വീട്ടിലെ പല കാര്യങ്ങളും ഇനിയും ചോദിച്ചു മനസ്സിലാക്കാനുണ്ടെന്ന് അവൻ അവളെ പറഞ്ഞു മനസ്സിലാക്കി.

“ഇനിയെന്ത് രഹസ്യങ്ങൾ. പ്രേതമല്ല മനുഷ്യരാണ് ഇതിന്റെയൊക്കെ പിന്നിലെന്നു മനസ്സിലായില്ലേ. ഞാനത് കിഷോർ സാറിനെ അറിയിക്കുകയും ചെയ്തു. വാഹി പറയുന്ന ദിവസം അവർ ഇവിടെ റെയ്ഡ് ചെയ്യാമെന്ന് ഉറപ്പും തന്നിട്ടുണ്ട്. പിന്നെന്തിനു ആ തള്ളയെ വിളിക്കുന്നു.?”

ആതിരയുടെ മുഖത്ത് ദേഷ്യം ഇരച്ചുകയറി തീക്കുണ്ഡം പോലെ എരിഞ്ഞു. അവൾക്ക് ദുഖവും ദേഷ്യവും നിരാശയും കാരണം തൊണ്ട വരണ്ടു ശബ്ദം ഇടറി. കണ്ണ് നനയാതിരിക്കാൻ അവൾ പരമാവധി ദുഖത്തിൽ നിന്ന് മനസ്സിനെ വെറുപ്പിലേക്ക് വികാരത്തെ ആവാഹിച്ചു.

വാഹിദ് അവളുടെ മാനസികാവസ്ഥ മനസ്സിലാക്കി ഒരു കൈകൊണ്ട് തന്നിലേക്ക് ചേർത്ത് നിർത്തി കവിളിൽ പിടിച്ചു വലിച്ചു സമാധാനിപ്പിക്കാൻ ശ്രമിച്ചു. ആതിര പക്ഷേ വാശിക്കാരിയായ ബാലികയെ പോലെ അവനെ തലകിമാറ്റി കുതറാൻ ശ്രമിച്ചു. അവൻ ബലം പ്രയോഗിച്ച് അവളെ തന്നിലേക്ക് അണച്ചു പിടിച്ചു.