ലവ് ബൈറ്റ് 6 [കാവൽക്കാരൻ] 793

സിനിമയിലൊക്കെ കാണുന്ന പോലെ, കയ്യിലൊരു പാൽ ഗ്ലാസ്സും പിടിച്ച്, നാണത്താൽ തല കുനിച്ച് എന്റെ മന്ദാരം വാതിൽ തുറന്നു വരുന്നത് ഞാൻ മനസ്സിൽ സങ്കൽപ്പിച്ചു കൊണ്ടിരുന്നു. സമയം പോകുംതോറും എന്റെ നെഞ്ചിടിപ്പ് കൂടിവന്നു.

പെട്ടെന്നാണ് വാതിലിന്റെ പിടി തിരിയുന്ന ശബ്ദം കേട്ടത്!

ഞാൻ പെട്ടെന്ന് ബെഡിൽ നിന്നും ചാടിയെഴുന്നേറ്റു. വാതിൽ പതുക്കെ തുറന്ന് അവൾ അകത്തേക്ക് കയറി. ആ നിമിഷം എന്റെ ശ്വാസം തൊണ്ടയിൽ കുരുങ്ങിപ്പോയി!

സിമ്പിളായ ഒരു വെള്ള കസവു സെറ്റ് സാരിയായിരുന്നു അവൾ ഉടുത്തിരുന്നത്. മുടിയിലെ ആ വലിയ പൂമാലകളൊക്കെ മാറ്റി, അറ്റം മാത്രം വെറുതെയൊന്ന് കെട്ടിവെച്ചിരിക്കുന്നു. കഴുത്തിൽ ആ സ്വർണ്ണത്താലി മാത്രം. കയ്യിൽ ആ പാൽ ഗ്ലാസ്സുമുണ്ട്. ആ ലളിതമായ വേഷത്തിൽ അവളെ കണ്ടപ്പോൾ, നേരത്തെ ആ വലിയ പട്ടുസാരിയിൽ കണ്ടതിനേക്കാൾ നൂറിരട്ടി സൗന്ദര്യം എനിക്ക് തോന്നി.

അവൾ വാതിലടച്ച് എനിക്ക് നേരെ തിരിഞ്ഞതും എന്റെ കണ്ണുകൾ അറിയാതെ ഉടക്കിയത് അവളുടെ ആ സെറ്റ് സാരിയുടെ ഞൊറികൾക്കിടയിലൂടെ തെളിഞ്ഞുകാണുന്ന ആ വെളുത്ത വയറിലായിരുന്നു. സാരിയുടെ വിടവിലൂടെ ആ പൊക്കിൾച്ചുഴിയും അവിടെ വ്യക്തമായി കാണാമായിരുന്നു. ആ കാഴ്ച കണ്ടതും ഞാൻ അറിയാതെ ഒന്ന് ഉമിനീരിറക്കി അവിടെത്തന്നെ നോക്കി നിന്നുപോയി. എന്റെ കണ്ണുകൾ എങ്ങോട്ടാണ് പോകുന്നതെന്ന് എനിക്ക് തന്നെ ഒരു നിശ്ചയവുമില്ലായിരുന്നു.

എന്റെ ആ നോട്ടം അവൾ കൃത്യമായി കണ്ടു.

സാധാരണ ഏതൊരു പെണ്ണും ഈ സമയത്ത് സാരിത്തുമ്പ് വലിച്ചിട്ട് വയറ് മറയ്ക്കുകയോ, അല്ലെങ്കിൽ ഒന്ന് നാണിക്കുകയോ ചെയ്യും. എന്നാൽ എന്റെ പെണ്ണ് അതൊന്നും ഒട്ടും കാര്യമാക്കിയതേയില്ല! എന്റെ നോട്ടം കണ്ടിട്ടും വലിയൊരു കൂസലുമില്ലാതെ, പഴയ ആ ഗൗരവം ഒട്ടും വിടാതെ അവൾ ആ പാൽ ഗ്ലാസ്സുമായി നേരെ എന്റെ അടുത്തേക്ക് നടന്നു വന്നു.