മഴനീർതുള്ളികൾ 4 [Anamika] 944

ഹരി സ്പൂണ് കൊണ്ട് എന്തൊക്കെയോ കഴിച്ചെന്നു വരുത്തി എണീറ്റുപോയി….

അമ്മുവും മായയും പങ്കുവും നേരത്തെ കഴിച്ചിരുന്നു അവന് വരാൻ ലേറ്റ് ആയതുകൊണ്ട്….

 

ബാത്‌റൂമിൽ പോയി ലൈറ്റ് അണച്ച് അവൻ വരുമ്പോൾ അമ്മു കിടന്നിരുന്നു….

അലമാരിക്ക് മുകളിൽ മടക്കി വച്ചിരുന്ന പായെടുക്കാൻ ആഞ്ഞതും  വിളിച്ചു…

 

“അതെടുക്കണ്ട…”

 

“പിന്നെ…”

 

“ഇവിടെ കിടന്നോ….” അവൾ ചെരിഞ്ഞു നീങ്ങികിടന്നിട്ട് ബെഡിൽ തൊട്ടുകാണിച്ചു….

 

“മേലുവേദന ഒക്കെ കാണില്ലേ….വാ ഇവിടെ കിടന്നോ….രണ്ടുപേർക്കും കിടക്കാൻ ബുദ്ധിമുട്ടാണെൽ ഞാൻ കിടന്നോളാം താഴെ….”

 

ഹരിയൊന്നും മിണ്ടാതെ വന്നു ബെഡിലേക്ക്‌ കിടന്നു….കൈ മടക്കി തലക്കുകീഴേ വച്ചു അവൾക്കുനേരെ ചെരിഞ്ഞു….

 

“ഒരുമ്മ തരുവോ അമ്മു….” അവളോട് കുറച്ചുകൂടെ അടുത്തു വളരെ സ്വകാര്യത്തിൽ ആണ് ചോദ്യം….

 

“ആഹ ചങ്കരൻ തേങ്ങുമ്മേൽ കൃത്യമായി ലാൻഡ് ചെയ്തിട്ടുണ്ടല്ലോ…..”

 

“പറ്റുങ്കി താ പെണ്ണേ….”

 

“നിന്നെക്കൊണ്ട് എങ്ങനെ സാധിക്കുന്നെടാ ഹരീ….”

 

“ഒന്നു താട്ടെടി…ജാടയിടാണ്ട്….”

 

“ഈ പെർമിഷൻ ചോയ്ക്കാലൊക്കെ എന്റെ മുറീല് അന്നു കയറിയപ്പോൾ കാണിച്ചായിരുന്നെങ്കിൽ ഈ പൊല്ലാപ്പിന്റെ ഒക്കെ വല്ല ആവശ്യവും ഉണ്ടാകുമായിരുന്നോ….” അമ്മുവിന് വെറുതെ അങ്ങനെ മിണ്ടികിടക്കാൻ തോന്നി….

 

“എങ്കിൽ എനിക്ക് സ്വപ്നം കാണാൻ കൂടി കിട്ടുമായിരുന്നോ നിന്നെ….നിന്റ മുറച്ചെറുക്കന്റെ വീട്ടില് കണ്ടേനെ നീയ്….”

 

“ഓർമ്മിപ്പിക്കല്ലേ…….അതു മുടങ്ങീത് നന്നായെ ഉള്ളൂ….”