മഴനീർതുള്ളികൾ 5 [Anamika] 119

കിട്ടാതെ വിടൂല്ല മോളേന്നും പറഞ്ഞു വന്നില്ല അതിനുമുന്നേ മായയുടെ ചെരിപ്പിന്റെ ഒച്ചയും പുല്ലുകെട്ട് ആട്ടിൻകൂട്ടിലേക്കിടുന്ന ശബ്ദവും കേട്ടു….

അമ്മുവിന്റെ ചങ്കിടിച്ചുപോയി….

കാണിക്കുന്നതപ്പിടി കള്ളത്തരം ആണെന്ന ഉത്തമബോധ്യം ഉള്ളതുകൊണ്ട്….

“അമ്മ…അമ്മ…..പൊയ്ക്കെ…ഇറങ്ങിക്കെ നീയ്…..”

“കിട്ടാണ്ട് പോവില്ല…..” തലയ്ക്കു കീഴെ കയ്യും വച്ചു നീണ്ടുമലർന്നുള്ള കിടപ്പിൽ ഒരിഞ്ച് അനങ്ങാതെ ഹരി കിടന്നു….

അമ്മു എന്താ ചെയ്യണ്ടെന്ന് അറിയാണ്ട് അവന്റെ കാലിൽ പിടിച്ചു വലിച്ചു താഴെക്കിടാനൊക്കെ നോക്കുന്നുണ്ട്….

“തരാന്ന് വാക്കുതന്നാ പോകാം….” ഒരു കൂസലുമില്ലവന്…

അല്ലെങ്കിലും ഇവളെന്തിനാ ഇത്ര വെപ്രാളംപ്പെടുന്നെന്ന് അവന് മനസിലാകുന്നില്ല…താനിടയ്ക്ക് ഡ്രസ്സ്‌ എടുക്കാനൊക്കെ അവളകത്തുള്ളപ്പോ കയറുന്നത് കാണാറുള്ളതല്ലേ അമ്മ…പിന്നെന്താ എന്നാ മട്ടാണ്…

“എന്ത് വേണേ തരാം ഒന്നുപോയിത്താ പ്ലീസ്…..”

ഹരി കർട്ടൻ നീക്കി ഒന്നുനോക്കി പിന്നെ വേഗം എഴുന്നേറ്റ് ഇട്ടിരുന്ന കാവിമുണ്ടോന്ന് അഴിച്ചുടുത്തു വാതിക്കലേക്ക് നീങ്ങി…

അമ്മു ഡോറിനരികിൽ നിൽപ്പുണ്ട്…

“മറുകില്ലേൽ വേണ്ട….

പക്ഷെയാ ചുണങ്ങ് രണ്ടും എനിക്ക് കാണണം…

ഇന്ന് രാത്രീല്…..

ദാ ഇതിനപ്പുറോം ഇപ്പുറോം ഉള്ളത്…..”

ടീഷർട്ടിനു മുകളിൽ ഇരുമാറിനും ഇടയ്ക്ക് ചൂണ്ടുവിരൽ ആഴ്ത്തിയവൻ ഇടതും വലതും കണ്ണോടിച്ച് പറഞ്ഞതും അമ്മു നിന്നനിൽപ്പിൽ വിറഞ്ഞുപോയി……

അവൻ തുണിയഴിച്ചു കണ്ടപോലെ  മുടിവകഞ്ഞു മുന്നിലേക്കിട്ട് പുറം തിരിഞ്ഞുനിന്നു….