മഴനീർതുള്ളികൾ 5 [Anamika] 46

“ഒന്നൂല്ലമ്മ….നാളെ ഒരു സെമിനാർ ഉണ്ട് ഞാന് ഒട്ടും പ്രിപ്പയർ ചെയ്തിട്ടില്ല അതിന്റൊരു ടെൻഷൻ…”

നാളെ അങ്ങനൊരു സെമിനാർ ഉള്ളതുകൊണ്ട് തന്നെ അങ്ങനെ പറഞ്ഞൊഴുവായി….

“എന്നട്ടാണോ ഇവിടിങ്ങനെ ചുറ്റിനിക്കണേ….ചെന്നെ…പോയിരുന്നു പഠിച്ചേ എന്താന്നു വെച്ചാൽ….”

മായ പറഞ്ഞുവിടാൻ നോക്കിയെങ്കിലും അമ്മു അവിടെ തന്നെ നിന്നു…

“ഇന്നെന്നാ ഇങ്ങനെ സ്പെഷ്യൽ ഒക്കെ…..”

സാമ്പിളിനായി പൊരിച്ചു വച്ച ആദ്യത്തെ പത്തൽ എടുത്ത് പിച്ചിവായിലിട്ട് സ്ലാബിലേക്ക് കയറി ഇരുന്നു….

“കുറച്ച് നീങ്ങിയിരുന്നേ നീയ്….അന്നത്തെ പോലെ എണ്ണത്തെറിച്ചു പൊള്ളിക്കണ്ട ഇനീം….”

മായ അവളിരിക്കുന്നതിനു നേരെ മൂടിപാത്രം കൊണ്ടു മറച്ചു എണ്ണത്തെറിക്കാതെ പത്തൽ എണ്ണയിലേക്ക് ഇട്ടു….

അപ്പോളാണ് അമ്മുവിന് തലയിൽ ലൈറ്റ് കത്തുന്നത്….

മുമ്പിതുപോലെ എണ്ണത്തുള്ളി തെറിച്ചു നെഞ്ചിൽ ഒരു പാട് വീണിരുന്നു….

അത് കണ്ടിട്ടാണപ്പോ കരിക്കുട്ടൻ മറുകെന്നും പറഞ്ഞു തുള്ളി നടക്കുന്നത്….

ഇങ്ങനൊരു പൊട്ടൻ….

ചുണ്ടിൽ അറിയാതെ ഒരു ചിരി വിരുന്നെത്തി….

“സ്പെഷ്യൽ ആയിട്ടൊന്നുവല്ല ഇത് അമ്മേടെ ഇഷ്ടപ്പെട്ട ആഹാരമാ അതുകൊണ്ടാ…ഞാന് വരുമ്പോളൊക്ക ഉണ്ടാക്കികൊടുക്കാറുണ്ട്…..”

“അതു ശെരി….അമ്മേനെ കണ്ണിന് ഇരുമണിക്ക് കണ്ടാൽ എന്തേലുമൊക്കെ ഇട്ട് കുത്തുന്ന അവരെ തന്നെയാണോ അമ്മയീ നോക്കുന്നെ….സമ്മതിച്ചിരിക്കുന്ന്….” അപ്പോളും ടിവിയുടെ മുന്നിൽ ഭജനയിരിക്കുന്ന പങ്കുവിന് നേർക്ക് കണ്ണുപായിച്ചിട്ട് അമ്മു ആശ്ചര്യത്തിൽ തന്നെ മായയെ നോക്കി…