മഴനീർതുള്ളികൾ 5 [Anamika] 119

ഹരിയാ നിൽപ്പൊന്നു നോക്കി ചിരിച്ച് പുറത്തേക്കിറങ്ങി….

 

 

 

 

സന്ധ്യയോടടുക്കും തോറും  കയ്യും കാലും വിറച്ചുതുടങ്ങി…..

എന്തൊക്കെയോ പുറം പണികളും മരാമത്തും ആയിട്ട് ഹരി അവിടെ തന്നെ ഉണ്ട്….

ചിലപ്പോ തോന്നും ഇറങ്ങി ഓടിയാലോ എന്ന്….

അവനോട് പിന്നെ മതിയോന്ന് ചോദിക്കാൻ പോലും മുഖം തരാതെ നടപ്പാണ്….

ഒരു എക്സ്ക്യൂസും പറ്റില്ലെന്ന മട്ടില്….

 

ഇരുട്ടിയപ്പോളേക്കും സർവ്വതും താളം തെറ്റി…

എന്നും ജപിക്കുന്ന നാമം പോലും തെറ്റിച്ചു…..

കുളിമുറിയിൽ ഷാമ്പൂവിനു പകരം എണ്ണയെടുത്തു കപ്പിൽ ഒഴിക്കുന്നു….

ഉടുത്തുമാറാൻ കൊണ്ടുന്നത്തെടുത്തു വെള്ളത്തിൽ മുക്കുന്നു….

അടുക്കളയിൽ രാത്രിയിലേക്കുള്ള ചന മസാലക്ക് കടുകിന് പകരം എണ്ണയിൽ ഉപ്പു വാരി ഇടുന്നു…

കഴുകിയ പാത്രം പിന്നെയും പിന്നെയും കഴുകുന്നു…

 

സർവ്വം അബദ്ധമയം….

 

നേരം കുറെയായി ഈ പൊട്ടനാട്ടം കാണുന്ന മായ അവളുടെ കയ്യിൽ നിന്നും സ്ക്രബ് പിടിച്ചുവാങ്ങി സിങ്കിനടുത്തു നിന്നും മാറ്റി നിർത്തി….

 

“അമ്മു….നിനക്കെന്തേലും പ്രശനം ഉണ്ടോ….മോളു വല്ലാണ്ട് ടെൻഷൻ അടിക്കുമ്പോലെ തോന്നുന്നു അമ്മയ്ക്ക്….”

അമ്മു കള്ളം ചെയ്ത കുട്ടിയെപ്പോലെ മുഖത്തുനോക്കാതെ നിന്നു…

എങ്ങാനും പിടിക്കപ്പെടുമോ എന്നാ ഭയം…

അമ്മയുടെ നോട്ടം താങ്ങാനാകാതെ എല്ലാം കുമ്പസാരിച്ചു പോകുമോ എന്ന പേടി….

അതിലെല്ലാം ഉപരി കാണിക്കാൻ പോകുന്നതോർത്തുള്ള ഉൾക്കിടിലം…..

 

“എന്താ കാര്യം….അമ്മയോട് പറയ്…..നമുക്ക് നോക്കാംനേ….”

മായ നെയ്പത്തലിനുള്ള മാവ് പരത്തി അടുക്കിവക്കുന്നതിലേക്ക് തിരിഞ്ഞുകൊണ്ട് ചോദിച്ച്…