മഴനീർതുള്ളികൾ 5 [Anamika] 119

“ഇതൊന്നും അജണ്ടയിൽ ഇല്ലാരുന്നല്ലോ ഇപ്പൊ എവിടുന്ന് വന്ന്…..” അമ്മു ഒന്ന് വിറച്ചെങ്കിലും  കുറച്ച് കലിച്ചു തന്നെ നിന്നു….

“പരിപാടിയിൽ മാറ്റം വരുത്താൻ കമ്മിറ്റിക്ക് അധികാരം ഉണ്ട്……”

“പക്ഷേ തല്കാലം കിട്ടീതും കൊണ്ട് ഞാൻ സുഖായിട്ട് കിടന്നുറങ്ങിക്കോളാം…അമ്മുക്കൊച്ചാ ഹാർട്ട്ബീറ്റൊക്കെ ഒന്നു നേരെയാക്കി ഉറങ്ങാൻ നോക്കിക്കോ….”

അവളൊരു പുതപ്പെടുത്തിരുവരെയും മൂടി….

രാവിലെ അന്തസായി തന്നെ താമസിച്ചെഴുന്നേറ്റു ഓരോട്ടക്കുളിയും പാസ്സാക്കി അടുക്കളയിൽ ഇടിയപ്പത്തിന് പീച്ചിയിടുന്ന മായയുടെ അടുത്തേക്ക് ചെന്നു അമ്മു….

“ഇന്നും ഓട്ടപ്പാച്ചിലാണല്ലോ അമ്മുവേ……”

ചെയ്യുന്ന പണിയിൽ തന്നെ ശ്രദ്ധിച്ചുകൊണ്ട് മായ ചോദിച്ചു……

“ആമ്മാ…..കുറച്ച് ലേറ്റ് ആയിപ്പോയി….സെമിനാറും ഉണ്ട്…..”

“അതിനുള്ളത് വല്ലതും പഠിച്ചോ നീയ്…..”

മാവ് കയ്യിലിട്ട് ഒന്നൊതുക്കി പീച്ചിയുടെ ഉള്ളിലേക്ക് തിരുകി മായ….

“എല്ലാത്തിനൂടെ നേരം തെകയണ്ടേ അമ്മേ…..ഈ ഇരുപത്തിനാലുമണിക്കൂരൊന്നും ഒട്ടും പോരാട്ടാ….മടുത്ത് ഞാൻ…..”

വെന്ത ഇടിയപ്പം തട്ടിൽ നിന്നും സ്പൂണിട്ട് എടുത്തു അതിനുമുകളിലേക്ക് പഞ്ചസാരയും മായ കൊത്തിയരിഞ്ഞു നെയ്യിൽ വാട്ടിവെച്ച ഏത്തപ്പഴം നുറുക്കും തൂവി ഒന്നു ഭംഗി നോക്കി….

“അതു നേരാ….ഒട്ടും നേരം കാണില്ല…..അവനല്ലേ ആള്…അപ്പോ പ്രത്യേകിച്ച് കാണില്ല……”

അച്ചു കറക്കികൊണ്ട് ഒരു താളത്തിൽ മായ പറഞ്ഞുനിർത്തി….

അമ്മു നന്നായി തന്നെ ഞെട്ടി….വായിലേക്ക് വച്ച പിടി ഇറക്കാനാകാതെ മായയെ കണ്ണുയർത്തി നോക്കാനാകാതെ സ്ലാബിലേക്ക് വച്ച പ്ലേറ്റിലേക്ക് കണ്ണുനട്ടുനിന്നു……