പാമ്പും കോണിയും 3 [ശ്രീരാജ്] 1297

ഹരി വേദന കടിച്ചു പിടിച്ച് പറഞ്ഞു : ഒന്ന് തമാശിക്കാനും പറ്റില്ലേ….

രേവതി പല്ല് കടിച്ചു കൊണ്ട് : അന്റെ ഒരു തമാശ…. തെണ്ടി…. പട്ടി… ചെറ്റേ..

ഹരി ഇളിച്ചു കൊണ്ട് സൈറയെ നോക്കി പറഞ്ഞു : മാം…. ഇവളെ ഇനി ജിമ്മിന് വിട്ടാൽ ശരിയാവില്ല… പണ്ടത്തെ പോലെ അല്ല… നല്ല വേദന ഉണ്ട് തല്ലിന്…….

സൈറ മുന്നിലെ സോഫയിൽ ഇരുന്ന് കൊണ്ട് ചിരിച്ചു ചോദിച്ചു , : അത് ശരീ… ഇത് സ്ഥിരം പരുപാടി ആയിരുന്നോ?…

പ്ലേ മാറ്റിൽ ഇരുന്ന് കൊണ്ട് തങ്ങളെ നോക്കി ചിരിക്കുന്ന ആദിയെ നോക്കി ഹരീ പറഞ്ഞു : നീയും ചിരിക്കാണ് അല്ലെ ചെക്കാ… നാണം വേണം… സ്വന്തം തന്തയെ, തള്ള തല്ലുന്നത് കണ്ട് ചിരിച്ചോണ്ടിരിക്കാണ് അവൻ…

അതുകൊണ്ടൊന്നും അവളുടെ കലി അടങ്ങിയിരുന്നില്ല……. സൈറയുടെ മുന്നിൽ വച്ച്, ഹരിയുടെ കവിളിൽ അമർത്തി കടിച്ചു…….

” അമ്മേ…….. ആആആആ ….. “… എന്ന് വേദന എടുത്ത് ഹരിക്ക് അലറേണ്ടി വന്നു……

ഈ വട്ടം വേദന എടുത്ത്, ഹരിയുടെ കണ്ണ് നിറഞ്ഞിരുന്നു……..

താൻ ഇത്തിരി അധികം ഹരിയെ വേദനിപ്പിച്ചു എന്ന് മനസ്സിലാക്കിയ രേവതി, സൈറ നോക്കി ഇരിക്കെ,, രേവതി കടിച്ച ഭാഗത്തു തന്നേ, മൃദുവായി ഒരുപാട് ചുടു ചുംബനങ്ങൾ നൽകി അവൾ പറഞ്ഞു : ഇനി മേലാൽ, ഇമ്മാതിരി ചെറ്റ വർത്തമാനം പറഞ്ഞേക്കരുത്……

അവന്റെ മുഖം തന്റെ കൈ കുമ്പിളിൽ എടുത്ത് രണ്ടു കണ്ണിലും മാറി മാറി ഉമ്മ വച്ച് അവൾ കൊഞ്ചി ചോദിച്ചു : വേദനിച്ചോ?……..