“എന്താ കവി..എന്താ ഒരു സ്വകാര്യം ?”
അപ്പോഴേക്കും മഞ്ജുസിന്റെ ചെറിയമ്മ ശൈലജ ഞങ്ങളുടെ അടക്കം പറച്ചിൽ കണ്ടു ഇടയിൽ കേറി .
“ഏയ് ..ഒന്നും ഇല്ല ..”
ഞാൻ പെട്ടെന്ന് അവരോടായി ചിരിയോടെ പറഞ്ഞു .
“മ്മ്…ശരി ശരി…”
പുള്ളിക്കാരി ഞങ്ങളെ നോക്കി ഒന്നാക്കി ചിരിച്ചുകൊണ്ട് പറഞ്ഞു .
“അവരെന്തെലും പറഞ്ഞോട്ടെ ആന്റി. ..ലവ് ബേർഡ്സ് അല്ലെ..നിങ്ങളെന്തിനാ വെറുതെ സ്വർഗ്ഗത്തിലെ കട്ടുറുമ്പ് ആകുന്നത് ”
ചെറിയമ്മ പറഞ്ഞു നിർത്തിയതും മഞ്ജുസിന്റെ കസിൻ ആയ അശ്വതി പയ്യെ തട്ടിവിട്ടു . അതോടെ ആ പന്തിയിൽ ചെറിയൊരു കൂട്ടച്ചിരി ഉയർന്നു . നാണിക്കാൻ മാത്രം അതിലൊന്നും ഇല്ലേലും അപ്പോഴത്തെ സാഹചര്യത്തിൽ ഞാനും മഞ്ജുവും ഒന്ന് ചൂളിപ്പോയി . അതുകൊണ്ട് തന്നെ മഞ്ജു അശ്വതിയെ നോക്കിയൊന്നു കണ്ണുരുട്ടി .
“എടി എടി…ചുമ്മാ വായടച്ചു ഇരുന്നോട്ടോ…ഇല്ലേൽ ഞാൻ ഈ പഴം അങ്ങ് തിരുകി തരും..”
ഇലയിലിരുന്ന ചെറുപഴം ചൂണ്ടിക്കൊണ്ട് മഞ്ജു നേരെ മുൻപിലെ നിരയിൽ ഓപ്പോസിറ്റായി ഇരുന്ന അശ്വതിയോടായി പറഞ്ഞു .
“ഓ..പിന്നെ …ചുമ്മാ ഷോ കാണിക്കല്ലേ മഞ്ജുച്ചീ..”
മഞ്ജുവിന്റെ ദേഷ്യം കണ്ടു അശ്വതി കളിയാക്കി . അതോടെ മഞ്ജുവും ഒന്ന് പത്തി താഴ്ത്തി . കാരണം കൂടുതൽ എന്തേലും പറഞ്ഞാൽ എല്ലാം കൂടി വളഞ്ഞിട്ട് ട്രോളും . കൂട്ടത്തിൽ ഞാനും പെട്ട് പോകും ! എന്തിനാ വെറുതെ വടി കൊടുത്ത അടി വാങ്ങുന്നത് .
എന്നിട്ടു പോലും ഇടക്കൊക്കെ അശ്വതിയും നയനയും അടക്കമുള്ള അവളുടെ കസിൻസ് ഞങ്ങൾക്കിട്ടു താങ്ങും .
“ദേ നോക്കിയേ ..കവിനേട്ടൻ ഒന്നും കഴിക്കുന്നില്ല ..കുറച്ചു വാരി കൊടുക്ക് ചേച്ചി..”
“ഇപ്പൊ നോക്ക്..രണ്ടും അറിയാത്ത ഭാവത്തിൽ ഇരിക്കുന്നത് …ഹോ സമ്മതിക്കണം “
എന്നൊക്കെ പറഞ്ഞു മര്യാദക്ക് ഒന്ന് മനുഷ്യനെ ഫുഡ് കഴിക്കാൻ പോലും വിട്ടില്ല. ഒരു കണക്കിന് അവറ്റകളെ നോക്കി ചിരിച്ചു കാണിച്ചുകൊണ്ട് ഞാൻ കഴിച്ചെന്നു വരുത്തി എണീറ്റു . പിന്നാലെ മഞ്ജുസും ഇല മടക്കി .
“ഓ…ഒരാളുടെ കഴിഞ്ഞപ്പോ ചേച്ചിയുടേം വയറു നിറഞ്ഞു ല്ലേ …”
ഞാൻ എണീറ്റത്തിന് പിന്നാലെ മഞ്ജുവും എണീറ്റതോടെ പുതിയൊരു കമ്മന്റ് വന്നു .അതിനും ചെറിയ ചിരി ഉണ്ട് . പക്ഷെ മഞ്ജുസ് ഒന്നും മിണ്ടാൻ നിന്നില്ല . അവൾ എന്നെ നോക്കി സാരമില്ലെന്ന് ഭാവിച്ചു നേരെ കൈകഴുകുന്ന സ്ഥലത്തേക്ക് നടന്നു .
Rathi shalabam seriesil ettavum koodutal like kittya part ????
?
215871 അത്രേം വ്യൂസ് ഉണ്ട് എന്നിട്ടാണ് 1055 ലൈക്സ്, 193 കമന്റ്സ്, എന്താടോ വായനക്കാർ ഇങ്ങിനെ വായിച്ചു കഥ ഇഷ്ടപെട്ടാൽ ❤️ കൊടുത്തു അവരെ പ്രസാഹിപ്പിക്കേണ്ടേ അതിനു gst ഒന്നും കൊടുക്കണ്ടല്ലോ അവർക്ക് പ്രത്യേകിച്ച് പ്രതിഫലം ഒന്നും കൊടുക്കിന്നില്ലല്ലോ. നിങ്ങൾക്കൊക്കെ അറിയാമല്ലോ ഇവിടെ ഒരേ സമയം 5 നോവെൽസ് എഴുതിക്കൊണ്ടിരുന്ന സ്മിതേച്ചിക്ക് കഥ വായിച്ചിട്ടു ഒരു ഞരമ്പൻ ഒരു കമന്റ് ഇട്ടു അത് പോലെ സ്മിതേച്ചിയുടെ കമൻറ്സിൽ ചീത്ത വിളിയും ആയി ചേച്ചി ഇപോൾ കമന്റ് ഡിസേബിൾ ചെയ്തിരിക്കുന്നു പിന്നെ കഥ എഴുത്തു ഒരിക്കലും നിർത്തില്ല എന്നും ആരും നോവൽ ലൈക് ചെയ്യേണ്ട എന്നും ടോപ് 10 ൽ വരാതിരിക്കാൻ ചേച്ചി ഏകദേശം 70 പേജ് ഉള്ള നോവൽ ഇപ്പോൾ പേജ് കുറച്ചു പബ്ലിഷ് ചെയ്യാൻ അയച്ചു കൊടുക്കുന്നത് . ചേച്ചിയുടെ ഒരു നോവൽ ഒരുത്തൻ fb ൽ പോസ്റ്റ് ചെയ്തു. ഇതിനൊക്കെ കാരണക്കാർ ആരെന്നു സ്വയം ഒന്നു ഓർത്തു നോക്കുന്നതും നല്ലതാണ്
അതേടാ ഞാൻ ഏറ്റവും കൂടുതൽ വായിച്ച ഭാഗം ഇതുതന്നെ… വീണ്ടും വീണ്ടും… ഇടയ്ക്കു…. ❤❤❤❤❤??