“നീ എന്താടാ മാറി നിക്കുന്നെ ? ”
മഞ്ജുസ് സാരിത്തുമ്പ് അരയിൽ തിരുകികൊണ്ട് എന്റെ അടുത്തെത്തി ചോദിച്ചു .
“ഏയ് ഒന്നും ഇല്ല ..അല്ലേലും ഞാനവിടെ പോയിട്ടിപ്പോ എന്ന കാണിക്കാനാ”
ഒഴുക്കൻ മട്ടിൽ പറഞ്ഞു ഞാനവളെ ഒന്നടിമുടി നോക്കി .
“മ്മ് ..സെറ്റപ്പായിട്ടുണ്ടല്ലോ മോളെ ..”
ഞാൻ അവളുടെ കോലം കണ്ടു പയ്യെ പറഞ്ഞു .
അതിനു മറുപടി ആയി കക്ഷി ഒന്ന് പുഞ്ചിരിക്കുക മാത്രം ചെയ്തു .
“ആഹ്…അത് പോട്ടെ..നീ വരുന്നുണ്ടോ അമ്പലത്തിലേക്ക് ? ”
അവൾ പെട്ടെന്ന് ഓർത്തിട്ടെന്നോണം തിരക്കി .
“ഏയ് ഞാൻ ഇല്ല ..ചുമ്മാ ആ വഴിയൊക്കെ ഇങ്ങോട്ട് തന്നെ നടക്കണം . നിങ്ങള് പൊക്കോ …”
ഞാൻ താല്പര്യമില്ലാത്ത പോലെ പറഞ്ഞു .
“ഓ..എന്തൊരു മടിയാടാ ഇത്…”
മഞ്ജുസ് എന്നോട് ചേർന്നുനിന്നുകൊണ്ട് എന്റെ തുടയിൽ നുള്ളി . ഞങ്ങളുടെ മാറി നിന്നുള്ള കുശു കുശുക്കൽ പൂമുഖത്തിരുന്നുകൊണ്ട് തന്നെ അവളുടെ കസിൻസ് ഒക്കെ ശ്രദ്ധിക്കുന്നുണ്ട് .
“അവറ്റകളെന്തിനാ നമ്മളെ തന്നെ നോക്കുന്നെ ? എനിക്കിതാ പിടിക്കാത്തത്..ഞാനിപ്പോഴും ഇവിടെ ഒരു കാഴ്ച വസ്തു പോലെയാ..നിന്റെ കുടുംബക്കാരൊക്കെ ഒരുമാതിരി നോട്ടവും പറച്ചിലും ഒക്കെ ആണ് ”
ആൾക്കാരുടെ കളിയാക്കിയുള്ള ചിരിയും കുത്തുവാക്കുകളും ഓർത്തു ഞാൻ മഞ്ജുസിനെ നോക്കി സ്വല്പം നീരസത്തോടെ പറഞ്ഞു . അപ്പോഴാണ് അവളും ചുറ്റുമൊന്നു കണ്ണോടിക്കുന്നത്
“ആഹ്…അത് സാരല്യ കവി . നീ ചെറുപ്പം ആയോണ്ട് എല്ലാർക്ക്കും ഒരു തമാശ ആണ് . അത് കാര്യം ആക്കെണ്ടടാ .പിന്നെ എനിക്കും അത്ര നല്ല പേര് ഒന്നുമല്ല . കാണുമ്പോ എല്ലാത്തുങ്ങളും ഇളിച്ചു കാണിക്കുമെങ്കിലും പഠിപ്പിച്ച ചെക്കനെ കയ്യും കലാശവും കാണിച്ചു മയക്കി എടുത്തവളെന്ന ഇമേജ് ആയിപോയി..”
മഞ്ജുസ് ചെറു ചിരിയോടെ പറഞ്ഞു എന്നെ നോക്കി .
“മ്മ്…”
ഞാൻ ഒന്നമർത്തി മൂളി .
വീണ്ടും കുറച്ചു നേരം ഞങ്ങളങ്ങനെ മിണ്ടിയും പറഞ്ഞും ഇരുന്നു . ഒടുക്കം നേരം സന്ധ്യ അയഥായോടെ തറവാട്ടമ്പലത്തിനു മുൻപിൽ കൽവിളക്കുകളും ദീപസ്തംഭവുമെല്ലാം തെളിഞ്ഞു . മഞ്ജുസിന്റെ വീട്ടിലെ പറമ്പിലും തൊടിയിലുമൊക്കെ ആയി സെറ്റ് ചെയ്‌തിട്ടുള്ള ട്യൂബ് ലൈറ്റുകളും അതോടൊപ്പം തെളിഞ്ഞതോടെ ആകെക്കൂടി ഒരു തെളിച്ചം പടർന്നു . ഒടുക്കം താലമെടുക്കാനുള്ള സംഘം പുറപ്പെടാനൊരുങ്ങിയതോടെ മഞ്ജുസിനു വിടവാങ്ങേണ്ടി വന്നു .
Rathi shalabam seriesil ettavum koodutal like kittya part ????
?
215871 അത്രേം വ്യൂസ് ഉണ്ട് എന്നിട്ടാണ് 1055 ലൈക്സ്, 193 കമന്റ്സ്, എന്താടോ വായനക്കാർ ഇങ്ങിനെ വായിച്ചു കഥ ഇഷ്ടപെട്ടാൽ ❤️ കൊടുത്തു അവരെ പ്രസാഹിപ്പിക്കേണ്ടേ അതിനു gst ഒന്നും കൊടുക്കണ്ടല്ലോ അവർക്ക് പ്രത്യേകിച്ച് പ്രതിഫലം ഒന്നും കൊടുക്കിന്നില്ലല്ലോ. നിങ്ങൾക്കൊക്കെ അറിയാമല്ലോ ഇവിടെ ഒരേ സമയം 5 നോവെൽസ് എഴുതിക്കൊണ്ടിരുന്ന സ്മിതേച്ചിക്ക് കഥ വായിച്ചിട്ടു ഒരു ഞരമ്പൻ ഒരു കമന്റ് ഇട്ടു അത് പോലെ സ്മിതേച്ചിയുടെ കമൻറ്സിൽ ചീത്ത വിളിയും ആയി ചേച്ചി ഇപോൾ കമന്റ് ഡിസേബിൾ ചെയ്തിരിക്കുന്നു പിന്നെ കഥ എഴുത്തു ഒരിക്കലും നിർത്തില്ല എന്നും ആരും നോവൽ ലൈക്‌ ചെയ്യേണ്ട എന്നും ടോപ് 10 ൽ വരാതിരിക്കാൻ ചേച്ചി ഏകദേശം 70 പേജ് ഉള്ള നോവൽ ഇപ്പോൾ പേജ് കുറച്ചു പബ്ലിഷ് ചെയ്യാൻ അയച്ചു കൊടുക്കുന്നത് . ചേച്ചിയുടെ ഒരു നോവൽ ഒരുത്തൻ fb ൽ പോസ്റ്റ്‌ ചെയ്തു. ഇതിനൊക്കെ കാരണക്കാർ ആരെന്നു സ്വയം ഒന്നു ഓർത്തു നോക്കുന്നതും നല്ലതാണ്
അതേടാ ഞാൻ ഏറ്റവും കൂടുതൽ വായിച്ച ഭാഗം ഇതുതന്നെ… വീണ്ടും വീണ്ടും… ഇടയ്ക്കു…. ❤❤❤❤❤??