രുദ്രപ്രതാപം 3 [Jhon Clinton] 175

റൂമിൽ നിന്നും പുറത്തിറങ്ങി.താഴേക്കായി നടന്നു അപ്പൊൾ അഭിയുടെ മുറി അവൾ ശ്രദ്ധിച്ചു.തൻ്റെ ഏതൊരു അവസ്ഥയിലും തൻറെ ഒപ്പം നിന്നിട്ടുള്ള ജീവിതത്തിൽ തൻ്റെ ഏറ്റവും നല്ല സുഹൃത്ത് തൻറെ പൊന്നാനുജൻ.അവനോട് പറഞ്ഞാലോ അവൻ എന്തെങ്കിലും വഴി കാണുമായിരിക്കും.അവളുടെ അവസാന പ്രതീക്ഷ എന്നോണം അവൾ അവൻ്റെ മുറിയിലേക്ക് കയറി.പക്ഷേ നിരാശ ആയിരുന്നു ഫലം.കോളജ് ഫെസ്റ്റ് ആയത് കൊണ്ട് അവൻ നേരത്തെ കോളജിലേക്ക് പോയിരുന്നു.പ്രതീക്ഷയുടെ എല്ലാ വാതിലുകളും കൊട്ടി അടച്ചിരിക്കുന്നു.ഇനി തനിക്ക് ഒന്നും ചെയ്യാൻ ആവില്ല എന്ന് അവൾ ഉറപ്പിച്ചു.അവൾ അവിടെ നിന്നും ഇറങ്ങി കോളേജിലേക്ക് പുറപ്പെട്ടു പോകുന്ന വഴിയെല്ലാം സംഭവിക്കാൻ പോവുന്ന ദുരന്തത്തിന് കുറിച്ചുള്ള പേടി ഉണ്ടായിരുന്നു അവൾക്ക്

കോളജിൻ്റെ ഗേറ്റിന് അടുത്ത് എത്തിയപ്പോൾ ആരോ തന്നെ പിന്നിൽ നിന്നും പിടിച്ചു വലിക്കുന്ന പോലെ തോന്നി. മുന്നോട്ട് വെക്കുന്ന ഓരോ ചുവടുകൾക്കും ഒരുപാട് ഭാരം പോലെ. അവൾ കോളജിൻ്റെ അകത്തേക്ക് നടന്നു.

പെട്ടെന്നാണ് കോളജിലെ വിദ്യാർത്ഥികളും അധ്യാപകരും പഴയ ബിൽഡിംഗിൻ്റെ വശത്തേക്ക് ഓടുന്നത് കണ്ടത്.അവൾ ഒരു നിമിഷം സ്തംഭിച്ചു നിന്നു.പിന്നെ അവരുടെ കൂടെ അവളും അങ്ങോട്ട് പോയി. വിദ്യാർഥികൾ എല്ലാം തടിച്ചു കൂടിയിരിക്കുന്നു അവർക്കിടയിൽ നല്ല രീതിയിൽ തന്നെ അവിടുത്തെ പൊടി പാറി അന്തരീക്ഷത്തിൽ മൂടി നിൽക്കുന്നു.അവൾ അവർക്കിടയിലൂടെ ഒരു വിധത്തിൽ മുന്നോട്ടു എത്തി.അവിടെ കണ്ട കാഴ്ച്ച അവളുടെ ശ്വാസം നിലപ്പിച്ചു.അഭി ആയിരുന്നു അത് .അവൻ്റെ മുഖം മുഴുവൻ രക്തത്തിൽ ചുവന്നിരുന്നു.ഒരു വെറി പിടിച്ച മൃഗത്തെ പോലെ.അവൻ വല്ലാതെ കിതയ്ക്കുന്നുണ്ടായിരുന്നു.അവൻ്റെ മുന്നിൽ  ഇത്രയും നാൾ തന്നെ ഭീഷണി പെടുത്തിയവനും അവൻ്റെ സംഘവും നിലത്തു വീണു കിടക്കുന്നുണ്ട്.എല്ലാവരും ചോരയിൽ മുഴുകിയിരിക്കുന്നു അവിടെ തടിച്ചു കൂടിയവരുടെ കണ്ണിൽ വല്ലാത്തൊരു ഭയം അവൾ കണ്ടു.ഒരു ഭീകര ജീവിയെ കണ്ട പോലെ.