അങ്ങനെ അയാൾക്കു അവളോട് ഒരു ഇഷ്ടം തോന്നിയെങ്കിലും അയാളുടെ മനസ്സിൽ അയാൾക്കു ബോധ്യം ഉണ്ടായിരുന്നു, ഇവൾക്ക് തന്റെ പകുതി പ്രായം പോലും ഇല്ല, ഒരു കുട്ടി ആണ് അവൾ. അവളെ താൻ ഒരു സുഹൃത്തായോ അല്ലെങ്കിൽ ഒരു മകളെ പോലെയോ ആണ് കാണേണ്ടത്.
അവളോട് സംസാരിക്കുമ്പോൾ മനസിന് ഒരു വല്ലാത്ത സമാധാനം തോന്നിയെങ്കിലും, ഓരോ തവണയും അയാൾ സ്വയം ഓർമിപ്പിച്ചു, ജീവിതം ഒരുപാട് കണ്ടു കഴിഞ്ഞ ഒരാൾ ആണ് താൻ.
അവൾ ഇപ്പോഴും ജീവിതം എന്തെന്ന് മനസിലാക്കാൻ ശ്രമിക്കുന്ന അല്ലെങ്കിൽ ജീവിതം തുടങ്ങാൻ പോകുന്ന ഒരു കുട്ടി മാത്രം ആണ്. ഉള്ളിൽ എവിടെയോ ഒരു ഇഷ്ടം മുളച്ചു തുടങ്ങിയിരുന്നു. പക്ഷെ ആ ഇഷ്ടത്തിന് അതിരുകൾ വേണമെന്ന് അയാൾക്കു തന്നെ ഏറ്റവും കൂടുതൽ ബോധ്യം ഉണ്ടാരുന്നു.
അവളുടെയും സ്ഥിതി ഏറെ കുറെ സമാനം ആയിരുന്നു. അവൾക്കും അയാളോട് എവിടെ ഒക്കെയോ ഒരിഷ്ടം തോന്നി തുടങ്ങി. അത് ഏതു തരത്തിൽ ആണ് എന്ന് അവൾക്കു നല്ല ആശയക്കുഴപ്പവും ഉണ്ടായിരുന്നു. കാരണം, അവളുടെ ജീവിതത്തിൽ,
അവളുടെ പതിനഞ്ചാം വയസിൽ ‘അമ്മ മരിച്ചതിനു ശേഷം അവളുടെ മനസിന്റെ താളം തെറ്റിയതിനു ശേഷം, ഇത് വരെയും അവളുടെ ജീവിതത്തിൽ അവൾ കണ്ടേക്കുന്നതു ആളുകൾ തന്നെ സഹതാപത്തോടെ നോക്കുന്നു,
ഒരു അസുഗം ഉള്ള കുട്ടി എന്ന ലേബൽ, ആ രീതിയിൽ തന്നോട് സംസാരിക്കുന്നു. പിന്നെ കുടുംബത്തിന് പുറത്തുള്ള ആണുങ്ങൾ ആണെങ്കിൽ അവളുടെ ശരീരം മോഹിച്ചു അവളോട് ഇടപെടുന്ന, അല്ലെങ്കിൽ അവളുടെ സൗന്ദര്യം കണ്ടു കൂടെ കൂടുന്ന അല്ലെങ്കിൽ അവളുടെ തറവാട്ടിലെ സ്വത്തൊക്കെ കണ്ടു കൂടെ കൂടുന്നവർ ആയിരുന്നു ഉണ്ടായിരുന്നത്.
